यर्मिया 11:11 - लिम्बु11 खे़ल्ले़चोगुल्ले़ आङ्गाॽ यहवे दाङ्बे़ल्ले़ पाःत्तुङ्ॽ, आङ्गाॽ खे़ङ्हाॽ अक्खेलॽरिक् साम्दिङ् पिरुङ्सिङ्ङाङ् आङ्गाॽ खे़ङ्हाॽरे़ खुन्छिॽ सम्धाङ् मे़क्मासिमे़न् तारुङ्ॽ हे़क्क्याङ् खे़ङ्हाॽ खे़त्छिङ्मा मे़न्छुक्ने़न्॥ खम्भ्याङ् खे़ङ्हाॽरे़ कुभाॽरे़ लागि आङ्गाॽ पेलि मे़भाक्काने़भग्र आङ्गाॽ मे़घे़प्सुङ्ङिन्॥ Gade chapit la |
यर्मिया 11:11
35 Referans Kwoze
खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥”
“आङ्गाॽ मुक्साम्दाङ्बा यहवे दाङ्बे़ल्ले़ इस्राइल नु यहुदान् लेःत्तुङ्सिङ्ङाङ् वयाङ्, कर आल्ल आङ्गाॽ खे़ङ्हाॽ सम्धाङ् ये़त्तुक्खेन् ताःप्मा खारा चोगुङ्ङाङ् वाॽ॥ ताप्फे़ःम्बा याःम्बक् मे़जोगुआङ् कन् ये़त्तुक्खेन् खे़ङ्हाॽरे़ आबाङे खुन्छिॽ सम्धाङ् मे़दारु॥ बाल साम्माङ्ङो सुक्पा मे़हाःन्दुआङ् खे़ङ्हाॽरे़ आङ्गाॽ आसिक् मे़भोक्खुआङ् वाॽरो॥”
कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्सान् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
आङ्गाॽ खे़न् नु कुमुॽइदाङ्साहाॽ हे़क्क्याङ् कुसुहाङ्युक्पाहाॽ खुन्छिॽ फे़न्याःम्बक्किल्ले़ कुले़क्वा खुम्दिङ् पिरुङ्सिङ्ॽ॥ यहुदा नु यरुसले़ःम्बा मनाहाॽओ थासुङ्ॽ फाॽआङ् माङ्हे़क् चोगुङ्बा के़रे़क् मे़क्मासिमे़न् खे़ङ्हाॽओ थासुङ्ॽ, थेआङ्भे़ल्ले़ आङ्गाॽ पिरुङ्सिङ्बा साम्दिङ्हाॽ खे़ङ्हाॽरे़ मे़ङ्घे़प्सुन्लो॥’”
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
खे़ङ्हाॽ लाङ्मे़घेःक्पा लाम्मिन् खागे़माक्पा नु आले़ःङ्ले़ःङ्बा पोङ्लो॥ खे़ल्ले़ खे़ङ्हाॽरे़ खुन्छिॽ लाङ्ङिन् खसुआङ् मे़जोःन्ल याःन्दुसिरो॥ आङ्गाॽ खे़ङ्हाॽरे़ खुन्छिॽ सम्धाङ् ये़त्तुक्खे तारुङ्लो॥ खे़ङ्हाॽरे़ खुम्दिङ् खोमा ये़म्मिन् तार पत्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ कन् ये़क्यक्किन् नु कुबेसाङ्बा के़रे़क् चुजुक्सा ये़क्यक्हाॽओ आबाङे पाःत्तुङ्बा के़रे़क् खुम्दिङ्हाॽ तारुङ्ॽ थेआङ्भे़ल्ले़ खिनिॽ हादिङ् के़धक्पा के़जोगि हे़क्क्याङ् आबाःन्जाःक्किन् के़ङ्घे़प्सुम्मिन्लो॥’”
यहवे दाङ्बे़ल्ले़ कुइङ्घङ्ङिन् खे़प्से़म्मे़ॽ, ‘यहुदाबा हाङ्हाॽ नु यरुसले़ःम्मोबा यक्युङ्बासे, मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ खिनिॽ अक्खे के़मे़त्ति, आङ्गाॽ कन् ते़न्नो के़साक्पा ये़त्तुक्खे तारुङ्ॽ खे़ल्ले़ कुयाःम्बेओ के़घे़म्बा के़रे़क्ले़ खुन्छिॽ ने़भाक्वा फिङ्ॽ॥
खे़ङ्हाॽरे़ खे़ने़ॽ ‘आनिगे आत्तान् पेगिगे़बा’ फाॽआङ् से़ःन्के़म्दोने़भग्र आङ्गाॽ अक्खे पाःत्तुङ्ङाङ् वाॽ फाॽआङ् खे़ङ्हाॽ मे़त्ते़से़ॽ, ‘यहवे दाङ्बे़ल्ले़ अक्खे पाःत्तुरो— “‘आत्तिन्हाॽ मिङ्देॽलाम्बा मे़सि, खे़ङ्हाॽ मिङ्देॽओ मे़बेःक्लरो! आत्तिन्हाॽ थङ्ङो मे़सि, खे़ङ्हाॽ थङ्ङो मे़बेःक्लरो! आत्तिन्हाॽ साक्मे़न्जाए मे़सि, खे़ङ्हाॽ साक्वाःन्नो मे़धाररो! हे़क्क्याङ् आत्तिन्हाॽ मे़दे़म्सु मे़देॽरुसि, खे़ङ्हाॽ मे़दे़म्सु मे़देॽरुसिररो!’
“खे़ल्ले़चोगुल्ले़ आल्ल यहुदा नु यरुसले़ःम्मोबा यक्युङ्बाहाॽ मे़त्ते़ॽसे़ॽ, ‘यहवे दाङ्बे़ल्ले़ हाबा कन् पाःत्तु—ओमे़त्ते़म्मे़ॽ, आङ्गाॽ खे़निॽ खाप्पुथ्यःङ् के़बोःक्खिर चोःक्मा नु खे़निॽ मे़ङ्मालाम् चोगुङ्ल वाॽआ॥ कल्ले़चोगुल्ले़ खिनिॽ लायोबा हिङ्मन् ले़रे़म्मे़ॽ हे़क्क्याङ् खिनिॽ ये़प्ले़क्किन् तोःन्दे़म्मे़ॽ॥’
तङ्नाम्मो मनाहाॽ मे़जुम्बा कुइसिःक्के, आगब्रिङ्लाम् आदाङ्बारे़ आनिङ्मिहाॽ के़सुप्सुसिरो॥ यहवे दाङ्बे़ल्ले़ कुसाक्के़न् पोगे़बा ये़न्नो आत्तिन्नाङ् खे़त्छिङ्मा मे़घोसे़न्लो हे़क्क्याङ् आत्तिन्नाङ् ताङ्माआङ् मे़घोसे़न्लो॥ आङ्गाॽ हिङ्घुङ्सिङ्ङाङ् यम्बा चोगुङ्सिङ्बा आस्साहाॽ आङ्गाॽ आनिङ्मिःल्ले़ मे़क्खुसि पिराङ्ङाङ् वाॽरो॥
Piblisite