हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
यर्मिया 11:10 - लिम्बु10 आङ्गाॽ आबाःन्जाःक्हाॽ खे़म्मा मे़न्दे़म्मनाबा खे़ङ्हाॽरे़ खुन्छिॽ आबाङे पाधे़बाहाॽरे़ खुन्छिॽ लायो लासोत् ले़प्माङ् खे़ङ्हाॽ मे़लासे़आङ् मे़वाॽ॥ खे़ङ्हाॽरे़ कुसिङ् मे़न्निःत्तुन्छिन्बा एयाङ्बा साम्माङ्हाॽ माङ्से़वा मे़मे़त्तुसिआङ् मे़वाॽ॥ इस्राइल नु यहुदा ने़प्माङ्बा मनाहाॽरे़ खे़ङ्हाॽरे़ खुन्छिॽ पाधे़बाहाॽरे़ मे़जोगुबा माङ्हुप्पिन् मे़ङ्गे़त्ते मे़भेःन्दुआङ् वाॽ॥ Gade chapit la |
यर्मिया 11:10
36 Referans Kwoze
“आङ्गाॽ सावले़न् हाङ् चोगुङ्बाओ साॽरिक् आनिङ्वाॽ तुगे़आङ् वाॽ, थेआङ्भे़ल्ले़ खुने़ॽ आङ्गाॽलाम् नुःक्खे़बेआङ् वाॽ, हे़क्क्याङ् खे़ल्ले़ आङ्गाॽ आइङ्जाङ्ङिन्नाङ् इःप्मा नाःप्मा ते़न्दिङ् मे़जोगुन्लो॥” कन् पाःन्निल्ले़ चोगुल्ले़ सामुए़लरे़ कुनिङ्वाॽ पङे़, हे़क्क्याङ् से़न्दिक् नाम्दाःत्तात् यहवे दाङ्बान् पेलि फाक्तु॥
कर खे़न् खासे़न्लोःम्बान् मासिङ्नुमे़ःन्ने एयाङ्बा साम्माङ्हाॽ मे़दिम्दुसि हे़क्क्याङ् खे़ङ्हाॽरे़ खुन्छिॽ तगि साम्बोन् मे़भन्छिङ्ङाङ् से़वा मे़मे़त्तुसिर खे़ङ्हाॽ खुन्छिॽ पाधे़बाहाॽनुःल्ले़ आल्लसाङ् यरिक् फे़त्मे़लाॽरे़॥ खे़ङ्हाॽरे़ खुन्छिॽ ताप्फे़ःम्बा ये़प्ले़क्किन् नु हादिङ् थक्मा सुत्नाःन् ले़प्मा मे़न्दे़न्दे़न्॥
कर खे़ङ्हाॽरे़ कन् खासे़न्लोःम्बाहाॽरे़ खुन्छिॽ पाःन्हाॽआङ् मे़ङ्घे़प्सुन्॥ खे़ङ्हाॽ याम्बोःप्मा याःम्बक् के़जोःक्पा कुइसिक् वेॽ माङ्हाॽ से़वा मे़प्मासि नु खे़ङ्हाॽरे़ खुन्छिॽ तगि साबन् फन्छिङ्मा मे़हेःक्ते़॥ खे़ङ्हाॽरे़ खुन्छिॽ आबाङे पाधे़बाहाॽरे़ मे़नाःत्तु मे़दिम्दुबा निङ्वाॽफुमाङ्ङिल्ले़ कुइङ्जाङ्ङो लाङ्घेःक्मा लाम्मिन् हाराए मे़ले़रु मे़देसु॥
कन् कुसङ् माङ्हुप्पिङ्ग मिस्रलाम् आहुक्किल्ले़ ते़म्सुङ्सिङ्ङाङ् लाम्लोसुङ् लःत्तुङ्सिङ्बाहाॽरे़ खुनिॽ थाःक्थे़बाहाॽनु चोगुङ्बा माङ्हुप्पिन् कुइसिक् मे़बोङ्ने़ल्लो॥ थेआङ्भे़ल्ले़ खे़ङ्हाॽग इङ्गाॽ चोगुङ्बा माङ्हुप्पो नसाःन्साबा मे़म्बोःक्खे़न् हे़क्क्याङ् कम्ब्राङ् मे़प्मा ले़रुङ्सिङ्लो लॽरिक् यहवे दाङ्बाल्ले़ पाःत्तुॽरो॥
याम्गे़सिङ्बा खिनिॽ फे़न्याःम्बक्हाॽनुःल्ले़ वेॽ, निङ्वाॽओ नु थक्लाओ हर्दो मे़न्हे़क्मनाबा वेॽ लाजेॽबा मनाहाॽ आङ्गाॽ आसेसेदे़न्नो खिनिॽ के़दारुम्सिम्माङ् आङ्गाॽओ कुजा, सासोःत् नु माक्खिॽ के़दोःन्दुम्मिल्ले़ आसुत्थो के़जोगुम्, हे़क्क्याङ् आङ्गाॽ चोगुङ्बा माङ्हुप्पिन् खिनिॽ के़भेःन्दुम्॥
मुरे़क् खारे़क् थेआङ् के़होप्पादे़न्नो आक्खेलॽरिक् यहवे दाङ्बा खिनिॽ निङ्वाॽफुमाङ्ङिन् कुसाक्के़न् के़भोःक्खुम्, कन् पाःन्निन् खिनिॽ निङ्वाॽ इःत्ते़म्मे़ॽ, हे़क्क्याङ् आप्फाल्ले़आङ् निङ्वाॽ मे़भेःत्छे़म्मिन्ने़ॽ॥ मिस्रलाम् के़लःन्दिबा ये़न्नाङ्धो कन् ते़न्नो के़गे़रि के़भे़रिबा थारिक्ले़ खिनिॽ यहवे दाङ्बे़न् हाबा के़अत्तुम्माङ्ङे के़बत्छिॽ॥
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
खे़ङ्हाॽ के़रे़क्नुःल्ले़ यम्बा निङ्वाॽफुमाङ्ङो मे़न्हिसिङ्ङिन्लो, खे़ङ्हाॽ कुसुम् मे़न्दम्मनाबा लिॽइन् हे़क्तङ्बा मे़जोक्लो॥ खे़ङ्हाॽरे़ खुन्छिॽ लाम्लोबाहाॽ खुन्छिॽ आप्फेक् कुनामे़न्छाॽ पाःन्जाःक्किल्ले़ चोगुल्ले़ ताभेःल्ले़ मे़सोन्दुसिरो, कल्ले़ चोगुल्ले़ए मिस्र लाजेॽओ खे़ङ्हाॽ कुनामे़न्छाॽ मे़मे़त्तुसिरो॥”
खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
खे़ने़ॽ कन् सुवाङ्बा मनाहाॽ मे़त्ते़से़ॽ, ‘खिनिॽ यहवे दाङ्बा निङ्वाॽफुमाङ्ङिल्ले़ कुइङ्जाङ्ङिन् इःप्मा नाःप्मा के़न्दे़न्दिन् इग्र खिनिॽ के़दुमुम्बा खुम्दिङ्लाम् कुभा निसाम् के़ङ्घोसुम्मिन्॥ से़क्खा पाःन्निङ्ग मे़गे़, खे़ल्ले़ कुयाःम्बेओ आत्तिन्हाॽरे़आङ् कुबाःन्धिक्काङ् मे़न्दारुन्॥’”
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥
Piblisite