आनिगे निङ्मिहाॽ दानबा ये़क्यक्को मे़गे़रे़ मे़द्ये़रो, खे़ङ्हाॽरे़ खुन्छिॽ अन्हाॽ हे़ःक्हे़ःक् मे़लॽरे़बा आनिगे खे़प्सुम्बे़रो॥ खे़न् अन्हाॽ इहे़हे़ मे़लॽइल्ले़ काक् लाजेन् लोःक्खुरो॥ खे़ङ्हाॽ आनिगे लाजेॽओ के़वाॽबा के़रे़क् पाःन्हाॽ, आनिगे ये़क्यक् नु खे़प्मोबा के़रे़क् यक्युङ्बाहाॽ मे़ङ्मासिरे़ लागि खे़ङ्हाॽ कप्मो मे़द्ये़आङ् मे़वाॽरो॥”
यर्मिया 10:25 - लिम्बु25 खे़ने़ॽ के़मिङ्ङो निङ्वाॽ मे़म्बिमनाबा नु खे़ने़ॽ के़नाॽबा सुवाङ्हाॽओ, खे़ने़ॽ के़सिक् पोःक्मान् थासे़ॽओ॥ खे़ङ्हाॽरे़ खे़ने़ॽ के़मनाहाॽ इस्राइलिहाॽ मे़लरु मे़देसुसिआङ् मे़वाॽरो खे़ङ्हाॽरे़ मे़लरुसिआङ् मे़मे़क्खुसिरो हे़क्क्याङ् खे़ङ्हाॽरे़ खुन्छिॽ लाजेन् खाप्पुथ्यःङ् मे़जोगुआङ् ने़रो॥ Gade chapit la |
यर्मिया 10:25
28 Referans Kwoze
कर कम्ब्राङ् के़इःप्पाआङ् के़युङ्बा मे़न्छाम् सुवाङ्हाॽनु आङ्गाॽ साॽरिक् आसिक् पोगे़आङ् वाॽ! आङ्गाॽग यरुसले़म हे़क्क्याङ् सियोने़न्नु आजे़ःत्छिक्लक् आसाक्के़न् पोगे़आङ् वयाङ्, कर यरुसले़ःम्मिन् के़भप्पा खे़न् मे़न्छाम् सुवाङ्हाॽरे़ग आङ्गाॽ इःत्तुङ्बान्नुःल्ले़आङ् यरिक् तुक्खे मे़जाःत्तुसि॥’
खे़ङ्हाॽ के़दुम्बा के़रे़क्ले़ खे़ङ्हाॽ मे़लरुसिरो॥ खे़ङ्हाॽरे़ खुन्छिॽ निङ्मिहाॽरे़ अक्खे मे़बाःत्तुरो, ‘आनिगे खे़ङ्हाॽ फत्तुम्सिम्बे़बाओ हे़न्नाङ् फे़न् याःम्बक् चोगुम्बे़बा होप्लो, थेआङ्भे़ल्ले़ खे़ङ्हाॽरे़ से़क्खाबा खुन्छिॽ नाःम्सिङ्मादे़न्, यहवे दाङ्बे़ल्ले़ कुदक्ले़ङ्वाओ, हे़क्क्याङ् खुन्छिॽ थाःक्थे़बाहाॽरे़ खुन्छिॽ निङ्साङ्ङिल्ले़ तक्ले़ङ्वाओ खे़ङ्हाॽरे़ लायो मे़जोगुआङ् वाॽरो॥’
थेआङ्भे़ल्ले़ खिनिॽ ये़क्यक्को लाङ्घेगाङ्ल पत्छाङ्ङिल्ले़ खिनिॽ से़वा के़जोगिबा ते़न्हाॽ ओमे़त्तुङ्ङिल्ले़ कुसिङ् मे़न्निःत्तेबा माङ्ङिल्ले़न् लॽरिक् साप्ते़बा साङ्बेधिक् निसुङ्लो॥ खे़ल्ले़चोगुल्ले़, आल्लो खिनिॽ कुसिङ् मे़न्निःत्ते से़वा के़जोगुम्बा माङ्ङिल्ले़ कुयाःम्बेओ आइन् इङ्गाॽ इङ्भन् चोगुङ्लो॥
यहवे दाङ्बे़ल्ले़ अक्खेलॽरिक् उवा चोगुरो, “खे़ल्ले़चोगुल्ले़ खिनिॽ आहाङ्घे़म्मे़ॽओ थिक्यान् आङ्गाॽ पोःक्कारो॥ मे़न्छाम् सुवाङ्हाॽ फुङ्मासि नु हाङ्जुम्हाॽ सुम्मासिरे़ लागि हे़क्क्याङ् खे़ङ्हाॽ सम्धाङ् मि हे़क्तङ्बा आसाक्के़न्निन् थामारे़ लागि आङ्गाॽ निङ्वाॽ निःन्धो चोगुङ्ङाङ् वाॽरो, के़रे़क् इक्सादिङ् खाम्बेःक्मान् आङ्गाॽ आनागे़हे़म्बा मिःल्ले़ खाप्पुथ्यःङ् पोङ्लो॥
तङ्नाम्मो मनाहाॽ मे़जुम्बा कुइसिःक्के, आगब्रिङ्लाम् आदाङ्बारे़ आनिङ्मिहाॽ के़सुप्सुसिरो॥ यहवे दाङ्बे़ल्ले़ कुसाक्के़न् पोगे़बा ये़न्नो आत्तिन्नाङ् खे़त्छिङ्मा मे़घोसे़न्लो हे़क्क्याङ् आत्तिन्नाङ् ताङ्माआङ् मे़घोसे़न्लो॥ आङ्गाॽ हिङ्घुङ्सिङ्ङाङ् यम्बा चोगुङ्सिङ्बा आस्साहाॽ आङ्गाॽ आनिङ्मिःल्ले़ मे़क्खुसि पिराङ्ङाङ् वाॽरो॥
अरामिहाॽरे़ तॽइ नाङ्गे़न् पिसाङ्लाम्बा हे़क्क्याङ् पलिस्तिहाॽरे़ नाम्धा पिसाङ्लाम्बा खे़ङ्हाॽरे़ खुन्छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्भ्यारिक्काङ्साङ् खुने़ॽ कुसिक्के़न् मे़न्जिप्पे वाॽरो, खे़ब्याङ् आल्लसाङ् खुने़ॽ कुहुक्किल्ले़ खे़ङ्हाॽ साःप्सुसिआङ् पत्लो॥
Piblisite