यर्मिया 10:2 - लिम्‍बु

² खुने़ॽ अक्‍खे पाःत्तुॽ, “वेॽ सुवाङ्‌हाॽरे़ खुन्‍छिॽ सुत्‍नाःन् खिनिॽ मे़हुॽआसिम्‍मे़न्‍ने़ॽओ॥ ताङ्‌साक्‍पो के़धाःप्‍पा परिक् परिक्‍पा मिक्‍सेःन्‍हाॽनु खे़ङ्‌हाॽरे़ खुन्‍छिॽ निङ्‌वाॽ मारो कर खिनिॽग निङ्‌वाॽ मे़मये़म्‍मिन्‍ने़ॽओ॥

यर्मिया 10:2 Referans Kwoze

ले़बि 20:23

खिनिॽ तगि आङ्‌गाॽ लःप्‍मादेमा इःत्तुङ्‌सिङ्‌बा मे़न्‍छाम् सुवाङ्‌हाॽरे़ खुन्‍छिॽ ये़प्‍ले़क्‍को खिनिॽ लाङ्‌मे़घेगे़म्‍मिन्‍ने़ॽ॥ खे़ङ्‌हाॽरे़ कन् के़रे़क् याःम्‍बक्‍हाॽ मे़जोगुआङ् मे़वये़, खे़ल्‍ले़चोगुल्‍ले़ आङ्‌गाॽ खे़ङ्‌हाॽ चिःत्तुङ्‌सिङ्॥

ले़बि 18:3

खिनिॽ के़युङि के़वयिबा मिस्र लाजेॽबा मनाहाॽरे़ खुन्‍छिॽ थिम्‍बे साक्‍थिम्‍हाॽ मे़इःत्ते़म् मे़नाःत्ताम्‍मिन्‍ने़ॽ॥ हे़क्‍क्‍याङ् आल्‍ल आङ्‌गाॽ कनान लाजेॽओ खिनिॽ तेॽनिङ्‌ल पत्ता, कल्‍ले़चोगुल्‍ले़ खे़प्‍मोबा थिम्‍बे साक्‍थिम्‍हाॽआङ् मे़नाःत्ते़म्‍मिन्‍ने़ॽ॥

इजकिएल 20:32

“‘खिनिॽ के़बाःत्तुम्‌ॽ, सिङ् नु लुङ् नावाइत्‍ला से़वा के़मे़प्‍पा, आनिगे के़रे़क् पिसाङ्‌बा, मे़न्‍छाम् सुवाङ्‌हाॽ हे़क्‍तङ्‌बा पोङ्‌मा आनिगे सिराॽथाङ्॥’ कर खिनिॽ निङ्‌वाॽओ थे वाॽ खे़न् आप्‍फाल्‍ले़आङ् मे़बोङ्‌ने़न्‍लो॥

तोलिङ्‌सोमु 1:14

हे़क्‍क्‍याङ् निङ्‌वाॽफुमाङ्‌ङिल्‍ले़ पाःत्तु, “ले़न्‍दिक् नु से़न्‍दिक् से़म्‍मारे़ लागि ताङ्‌साङ्‌बो ओःत्तिहाॽ मे़बत्‍ल॥ वाये़म्‍हाॽ, ये़न्‍हाॽ हे़क्‍क्‍याङ् तङ्‌बेहाॽ से़म्‍मारे़ लागि खे़ङ्‌हाॽ मिक्‍सेन् मे़बोङ्‌ल॥

खासे़न्‍लोःम्‍बा 6:10

आङ्‌गाॽ मे़त्‍निङ्, ‘आङ्‌गाॽ यहवे खिनिॽ निङ्‌वाॽफुमाङ्‌आ॥ खिनिॽ के़युङिबा एमोरिहाॽरे़ खुन्‍छिॽ लाजेॽओबा माङ्‌हाॽ से़वा मे़मे़त्ते़म्‍सिम्‍मिन्‍ने़ॽ॥’ कर आङ्‌गाॽ आबाःन्‍निन् खिनिॽ मे़ङ्‌घे़म्‍मे के़वयिॽ॥”

यर्मिया 10:1

इस्राइलिसे, यहवे दाङ्‌बे़ल्‍ले़ खिनिॽ थे के़मे़त्तिर के़बत्‍छि, खे़प्‍से़म्‍मे़ॽ॥

साम्‌योथिम् इङ् 18:9

यहवे दाङ्‌बे़ल्‍ले़ खिनिॽ पिमा के़इःत्तिबा लाजेॽओ खिनिॽ के़गे़रि के़द्‌ये़ॽइआङ् खे़प्‍मो के़युङ्‌बा सुवाङ्‌हाॽरे़ खुन्‍छिॽ सिक्‍के़ले़ःङ्‌बा थिम् साक्‍थिम्‍हाॽ चोःक्‍मा मे़हुॽआसिम्‍मिन्‍ने़ॽ॥