वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
यर्मिया 10:15 - लिम्बु15 खे़ङ्हाॽग हने़बा नु कुनामे़न्छाॽबा चिगक्वासिरक्लो॥ खासे़न् पोङ्ङिल्ले़ खे़ङ्हाॽ खाप्पुथ्यःङ् मे़बोङ्लो॥ Gade chapit la |
यर्मिया 10:15
22 Referans Kwoze
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
खे़न् माङ् मे़ःन्बाल्ले़ चोगुल्ले़ खे़ङ्हाॽरे़ कुनागे़हे़म्बा मे़जोगाङ्लो, खे़ङ्हाॽरे़ खुन्छिॽ हने़बा नावाइत्लाहाॽरे़ चोगुल्ले़ खे़ङ्हाॽरे़ आङ्गाॽ आसिक् मे़भोःक्खुरो॥ लत्छा सुवाङ्ङे के़होप्पा मनाहाॽलाम् आङ्गाॽ खे़ङ्हाॽ कुना के़हे़म्बा चोगुङ्सिङ्लो, खासिङ् मे़न्निःप्मनाबा लत्छा सुवाङ्लाम् आङ्गाॽ खे़ङ्हाॽरे़ खुन्छिॽ साक्के़न् फोःक्खुङ्लो॥
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
खुम्दिङ् पिमा ये़न्हाॽ निःत्ताङ् त्ये़आङ् वाॽरो, कुले़क्वा नुःक्मा ये़न्हाॽ चिदुप् वाॽरो॥ कन् पाःन्हाॽ इस्राइलरे़ निङ्वाॽ खोसुररो॥ खिनिॽ लायोहाॽ यरिक् वाॽबा नु सिक्चोःक्मान् यम्बा चोःक्पे़ल्ले़ माङ्निङ्वाॽपान् के़बाःप्पे़न् अदङ् नु याम्साम्मिल्ले़ थुक्तुबा मनाःङ्ग के़नाङ्बा के़लेःत्तुम्लो॥
कर कुदाःन्दिक्मा तानाम् खे़ङ्हाॽ मे़बोगे़आङ् ओमे़मे़त्तुल्ले़ यहवे दाङ्बाल्ले़ कुसन्दोक् तगिबा कुलाङ्जक्पो साम्बोन् हबत् चोःन्दे़आङ् ने़स्से़बा मे़निसु, हे़क्क्याङ् खे़न् दागोने़ल्ले़ कुधे़गेःक्किन् नु कुहुक्हाॽ फुत्चिक् वजिक् पुन्दे़ स्याक् वयाक् पुॽरे़आङ् लाम्धेःप्पाल्ले़ कुयाओ ने़स्से़गरे़, दागोने़ल्ले़ कुधक्किन्लक् हाबा युङे़ज्ये़॥
खे़ल्ले़ मिस्रबा माङ्साम्माङ्हाॽरे़ खुन्छिॽ माङ्हिम्हाॽओ फुत्लुम् मि याक्तु पिरुसि, खुने़ॽ माङ्हिम्हाॽ मिधिक्खुदेसुॽ खे़ब्याङ् नावाइत्लाहाॽ चिगक्वा मे़नाप्तुसिबा हे़क्के तेॽरुसिआङ् पेक्॥ मे़ल्लुक् कम्बाल्ले़ कुजाङ्ङो सिप्तक्पाहाॽ वरे़ङ्ले़ङ् सेगुसिबा हे़क्के खुने़ॽ मिस्र लाजेन् वरे़ङ्ले़ङ् चोगुॽ॥ हे़क्क्याङ् खे़न् लत्छाआङ् मे़ङ्गाःन्ने नुःङ् पेःक्लो॥
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
Piblisite