यर्मिया 10:10 - लिम्बु10 कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥” Gade chapit la |
यर्मिया 10:10
69 Referans Kwoze
निङ्वाॽफुसान् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्सा ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
कर खुने़ॽ कुदामा ये़न्निन् हाःत्ले़ थम्मा सुक्तुबे? खुने़ॽ निधाःम्सिङ्ङिल्ले़ हाःत्ले़ ये़प्पाङ् ओमे़प्मा सुक्तुबे? थेआङ्भे़ल्ले़ खुने़ॽग साम्म्याङ् के़धक्पाल्ले़ साम्म्याङ्ङिन् योःम्मारे़ लागि मिन् मुःत्तुबा मिराःक् कुइसिक् लॽ हे़क्क्याङ् चाङ् वागे़हप्पाल्ले़ कुसागुन् हे़क्के लॽरो॥
ये़म्सिङ्ङिल्ले़ खुने़ॽ इक्सादिङ् खाम्बेःक्मान् मुन्दुरो, खुने़ॽ ओमुये़आङ् मे़न्छाम् सुवाङ्हाॽ चिरिम्लिम् मे़यक्खे़रो॥ उन्छेःन् उन्छेःन्नाङ्धोबा कोःक्माहाॽ फयःप्फयःप् यबे़रो, खे़न् काप्पोबा थे़गु माङ्वाहाॽ चोःन्दे़ लासे़रो, खुने़ॽ कुलाम्हाॽ आभे़ल्ले़आङ् मे़म्नुप्मनाबा चोक्लो॥
दाउदरे़ खुने़ॽ कुबेसाङ् के़ये़प्पा मनाहाॽ सेःन्दोसुसि, “कन् पलिस्तिःन् के़से़प्पा नु अक्तङ्बा कुनामे़न्छाॽ पाःन्निन् इस्राइललाम्बा के़घे़प्पा के़देबा मनाःल्ले़ आक्तङ्बा थुम्घो खोसुबे? कुहिङ्वे़त् निङ्वाॽफुमाङ्ङिल्ले़ कुधक्सुबाहाॽ कुनामे़न्छाॽ के़मे़प्पा कन् हर्दो मे़ङ्हे़क्मनाबा पलिस्तिःन् हाःप्पे?”
यहवे दाङ्बे़न् खुने़ॽ कुधक्सुबाहाॽरे़ खुन्छिॽ तगि हुःक्लो, खुने़ॽ कुधक्सुबा तुराहाॽ निःत्मे़न्दे़त्ते यरिक् मे़वाॽरो, हे़क्क्याङ् कुइङ्जाङ् के़इःप्पा के़नाःप्पाहाॽ मुक्साम्साबा मे़जोक्लो॥ यहवे दाङ्बे़ल्ले़ कुये़न्निन् पयम् यम्बा चोक्लो, हे़क्क्याङ् चाॽरिक् किप्मा के़घुबा चोक्लो॥ खे़न् हाःत्ले़ थम्मा सुक्तुआङ्बे?
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
“आङ्गाॽ आहाङ्जुम् के़रे़क्पा मनाहाॽरे़ दानिए़लरे़ कुनिङ्वाॽफुमाङ्ङिन् मे़गिरुर हे़क्क्याङ् मिङ्सो इङ्धाङ् मे़बिरुर फाॽआङ् आङ्गाॽ कन् इङ्जाङ्ङिन् उवा चोगुङ्लो॥ “थेआङ्भे़ल्ले़ खुने़ॽग कुहिङ्वे़त् निङ्वाॽफुमाङ्लो, हे़क्क्याङ् खुने़ॽ सदादिङ् आभे़ल्ले़साङ् वाॽरो॥ खुने़ॽ कुहाङ्जुम्मिन् मे़मे़क्ने़न्लो खुने़ॽ कुहाङ्युक्किन् आभे़ल्ले़आङ् मे़नुप्ने़न्लो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
कर खे़ङ्हाॽरे़ ‘यहवे दाङ्बे़ल्ले़ के़लिःप्पा कुगक्’ फाॽआङ् पेलिगे़न् पाःन्जाःन् आप्फाल्ले़आङ् ओगाप् मे़न्जोगुन्ल थेआङ्भे़ल्ले़ कुभारे़ खे़न् हे़क्के मे़जोगुने़भग्र आङ्गाॽ आइङ्घङ्ङिन् खे़ङ्हाॽरे़ खुन्छिॽ लागि से़क्खाए के़लिःप्पा कक् पोङ्ॽ॥ मनाहाॽरे़ कुहिङ्वे़त् निङ्वाॽफुमाङ्, मुक्साम्दाङ्बा यहवे दाङ्बे़ल्ले़ कुबाःन्जाक्किन् मे़इगुआङ् वाॽ॥
यहवे दाङ्बा के़निङ्वाॽफुमाङ्ङिल्ले़ थङ्ङोबा थक्मोबाल्ले़ कुबाःन्निन् खे़प्सुबि, खे़न् खुने़ॽ कुन्दाङ्बा अस्सुरबा हाङ्ङिल्ले़ सदादिङ् कुहिङ्वे़त् निङ्वाॽफुमाङ्ङिन् माङ्चे़ॽया मे़त्छे़ पाङ्घुआङ् वाॽ, हे़क्क्याङ् यहवे दाङ्बा के़निङ्वाॽफुमाङ्ङिल्ले़ खे़न् पाःन्निन् खे़प्सुआङ् खुने़ॽ खे़न् थक्मोबान् खुम्दिङ् पिरु॥ कल्ले़चोगुल्ले़ के़दाङ्बा के़याःक्पाहाॽरे़ खुन्छिॽ लागि खे़ने़ॽ पेलिगे़न् तुवा चोगे़ पिरे़से़ॽ॥”
आत्तिल्ले़ कन् लाजेॽओ हाङ्वागे़न् मुॽइसाम्मिन् उवा चोगुॽ, खे़ल्ले़ से़क्खाबा निङ्वाॽफुमाङ्ङिल्ले़ कुमिङ्ङो अक्खे चोगुरो, हे़क्क्याङ् कन् लाजेॽओ माङ्गे़हे़क्सिङ्बे़ल्ले़ निङ्वाॽफुमाङ्ङिल्ले़ कुमिङ्ङो माङ्हे़क्सिङ्लो, थेआङ्भे़ल्ले़ तगिबा तुक्खेहाॽ माबेःक्काङ् निङ्वाॽ मुःन्लो॥”
यहवे दाङ्बाए, पयम् यम्बा नु मुक्साम्मिन् आदाङ्बारे़न्नेरो, मिमिदिङ् नु हाङ्वा माङ्वान् आदाङ्बारे़न्नेरो, साङ्ग्राम्पेदाङ् नु इक्सादिङ् खाम्बेःक्मो के़वाॽबा के़रे़क् पाःन्हाॽ आदाङ्बारे़न्नेरो॥ हाङ्जुम्मिन्नाङ् आदाङ्बारे़न्नेरो, यहवे दाङ्बाए, के़रे़क् पाःन्हाॽ सम्धाङ् के़युङ्बा आदाङ्बा हाङ्ने़रो॥
थे खे़ने़ॽ निङ्वाॽ मे़ङ्घोए के़वाॽबि? थे खे़ने़ॽ मे़ङ्घे़म्मे के़वाॽबि? यहवे दाङ्बे़ङ्ग आभे़ल्ले़साङ् सदादिङ् के़वाॽबा निङ्वाॽफुमाङ्लो, इक्सादिङ् खाम्बेःक्मे़ल्ले़ कुनुप्मो थारिक् नावागे़न् चइःत् के़ने़बारो॥ खुने़ॽ मे़नाने़न्नाङ् कुसक्माआङ् मे़बुॽने़ल्लो, हे़क्क्याङ् हाःत्ले़आङ् खुने़ॽ कुसिक्कुम् निङ्वान् कुसिङ् निःप्मा मे़सुक्तुल्लो॥
Piblisite