यर्मिया 1:9 - लिम्बु9 खे़न् एगाङ् यहवे दाङ्बे़ल्ले़ कुहुक्किन् सन्छुआङ् आङ्गाॽ आम्ब्राओ सुसाङ् पिराङ् हे़क्क्याङ् आङ्गाॽ मे़त्ताङ्लो, “खे़प्से़ॽ, इङ्गाॽ आबाःन्जाक्किन् खे़ने़ॽ के़म्ब्राओ केःत्तुङ् पिने़आङ् वाॽरो॥ Gade chapit la |
यर्मिया 1:9
22 Referans Kwoze
आङ्गाॽ आबाःन्जाःक्किन् खे़ने़ॽ के़म्ब्राओ केःत्तुङ् पिने़आङ् वाॽरो आङ्गाॽ आहुक् साम्मिःक्खुङ्बाल्ले़ खे़ने़ॽ थेःक्ने़आङ् वाॽरो— आङ्गाॽ ताङ्साङ्बे़न् आबाङे कुबप्मादे़न्नो फत्छुङ्ङाङ् पत्लो, हे़क्क्याङ् इक्सादिङ् खाम्बेःक्मे़ल्ले़ कुबुङ् यक्खुङ्ङाङ् युङ्लो, खे़ब्याङ् सियोन ये़क्यक्किन् ‘आमनाने़’ मे़त्तुङ्ङाङ् वाॽरो॥”
खे़ल्ले़चोगुल्ले़ मुक्साम्दाङ्बा निङ्वाॽफुमाङ् यहवे दाङ्बे़ल्ले़ आङ्गाॽ मे़त्ताङ्लो— “यर्मियाए, कन् मनाहाॽरे़ अक्तङ्बा पान् के़म्मे़त्ते़रो खे़ल्ले़चोगुल्ले़ खे़ने़ॽ के़म्ब्राओ आङ्गाॽ आबाःन्हाॽ मि हे़क्तङ्बा चोगुङ्लो हे़क्क्याङ् कन् मनाहाॽग सिङ् कुइसिक् चोगुङ्सिङ्लो हे़क्क्याङ् खे़न् मिःल्ले़ खे़ङ्हाॽ खाप्पुथ्यःङ् चोगुसिरो॥
खे़ङ्हाॽरे़ खुन्छिॽ लागि खे़ङ्हाॽरे़ खुन्छिॽ इस्राइलि फुॽनुसाॽहाॽ लुम्मोलाम् खे़ने़ॽ हे़क्तङ्बा थिक् आङ्गाॽ माङ्निङ्वाॽपान् के़बाःप्पा थिक् लःत्तुङ्ॽ॥ आङ्गाॽ आबाःन्जाःक्किन् खे़ल्ले़ कुम्ब्राओ केःत्तुङ् पिरुङ्ॽ, हे़क्क्याङ् आङ्गाॽ इङ्जाङ् पिरुङ्बा के़रे़क् पाःन्हाॽ खे़ल्ले़ खे़ङ्हाॽ मे़त्तुसिॽ॥
हे़क्क्याङ् खे़न् मना हे़क्तङ्बा निगे़दे़प्पा थिक्ले़ आङ्गाॽ आम्ब्रान् सुसु, हे़क्क्याङ् आङ्गाॽ आम्ब्रान् हन्दुङ्ङाङ् पाःप्मा हेःक्ताङ्॥ आङ्गाॽ आदगि के़ये़प्पे़न् मे़त्तुङ्, “आदाङ्बे, सुफोःल्ले़ चोगुल्ले़ आङ्गाॽ याम्दुक्मा नु थेआङ् चोःक्मा मे़न्छुक्मनाबा पोःक्खाङ्ङाङ् वाॽआ॥
थेआङ्भे़ल्ले़ होरेब कोःक्माओबा चुम्भोःल्ले़ याःन्दिक् यहवे दाङ्बा खिनिॽ निङ्वाॽफुमाङ्ङिन् अक्खेलॽरिक् पेलि के़भाक्तुम्माङ् वये़, “आल्ल याम्मो यहवे दाङ्बा आनिगे निङ्वाॽफुमाङ्ङिल्ले़ कुइक्लान् खे़म्मा मे़बोङ्ने़न्ल हे़क्क्याङ् कन् किप्मा के़घुबा मिधुङ्दिङ् मिराःक्किन् ओमे़प्मा मे़बोङ्ने़न्ल, मेःन्ने़भग्र आनिगे स्ये़ॽइगे़रो॥”
“हे़क्क्याङ् खे़निॽनु आङ्गाॽ आमाङ्हुप्पिन् आम्भा कन् पोङ्ॽ॥ आङ्गाॽ आयाम्साम्मिन् खे़निॽ सम्धाङ् वाॽ, हे़क्क्याङ् आङ्गाॽ आबाःन्जाःक्किन् खे़निॽ मुराओ केःत्तुङ् पिनिङ्ङाङ् वाॽ, खे़न् आबाःन्जाःक्किन् खे़ने़ॽ के़म्ब्राओलाम्, खे़ने़ॽ के़स्सा के़एहाॽरे़ खुनिॽ मुराओलाम्, हे़क्क्याङ् खे़ङ्हाॽरे़ खुन्छिॽ साहाॽरे़ मुराओलाम् आल्लआङ्धो सदादिङ्ले़ लागि आभे़ल्ले़आङ् मे़माने़ल्लो॥”
खे़ल्ले़चोगुल्ले़ यहवे दाङ्बे़ल्ले़ अक्तङ्बा नुगप् पिराङ्लो, “खे़ने़ॽ लायोलाम् के़नुःङ् के़दाने़भग्र आङ्गाॽ खे़ने़ॽ याम्मो ताःक्मा ते़न्नारो हे़क्क्याङ् खे़ने़ॽ याम्मो आसे़वारोबा के़बोङ्लो॥ हने़बा पान् पाःप्मारे़ कुले़क्वाओ कुसि के़याक्पा याःम्बक् के़जोगुने़भग्र खे़ने़ॽ याम्मो आङ्गाॽ आनिङ्वाॽपान् के़बाःप्पा के़बोङ्लो॥ मनाहाॽ खे़ने़ॽ ले़प्माङ् मे़नुःङ्ङाङ् मे़दारो कर खे़ने़ॽ खुन्छिॽ ले़प्माङ् मे़बेगे़न्ने़ॽओ॥
Piblisite