यर्मिया 1:3 - लिम्‍बु

³ योसियाहरे़ कुस्‍सा यहोयाकिमे़ल्‍ले़ हाङ्‌युक् चोगुबा ये़म् खाराक् नु यहुदाबा हाङ् योसियाहरे़ कुस्‍सा सिदकियाहःल्‍ले़ हाङ्‌युक् चोगुबा थिबोङ्‌ङाङ् थिक् तङ्‌बे के़रे़बा ला ङासि थारिक्‍के यरुसले़ःम्‍बा मनाहाॽ मे़दे़म्‍सुसिआङ् लाजेॽ लाःक्‍कात् मे़न्‍देॽसिङ्‌ङे थारिक् यहवे दाङ्‌बे़ल्‍ले़ कुइङ्‌घङ्‌ङिन् खुने़ॽओ के़रे़र वये़रो॥

यर्मिया 1:3 Referans Kwoze

यर्मिया 39:2

सिदकियाहःल्‍ले़ हाङ्‌युक् चोगुबा ये़म् थिबोङ्‌ङाङ् थिक् तङ्‌बे के़रे़बा लिसिगेक्‍पा लाःल्‍ले़ फाङ्‌सिगेक्‍पा ये़न्‍नो बेबिलोनिहाॽरे़ ये़क्‌यक्‍कोबा लुङ्‌धाक्‍हाॽ मे़लुःन्‍दु॥

२ हाङ् 23:34

फारो नेकोल्‍ले़ योसियाहःल्‍ले़ कुस्‍सा एल्‍याकिमे़न् खुने़ॽ कुम्‍बारे़ कुले़क्‌वा हाङ् चोगु, हे़क्‍क्‍याङ् एल्‍याकिमलाम् यहोयाकिम मिङ् वाःत्तु॥ कर खुने़ॽ यहोआहाजे़न् मिस्र लाजेॽओ तेॽरुआङ् युक्‍खु, हे़क्‍क्‍याङ् खुने़ॽ हाबा खे़प्‍मोए स्‍ये़॥

जकरिया 8:19

मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—“लिसिगेक्‍पा, ङासिगेक्‍पा, नुसिगेक्‍पा नु थिबोङ्‌गेक्‍पा लाओ तःक्‍ने़त् युङ्‌मारे़ कुले़क्‌वा यहुदाबा मनाहाॽ मे़सःत्‍ल, खुन्‍छिॽ निङ्‌वाॽ तार हे़क्‍क्‍याङ् ये़ये़ मे़लॽर॥ हे़क्‍क्‍याङ् खे़ङ्‌हाॽरे़ से़क्‍खा नु सनारुङ् निङ्‌वाॽ मे़इःत्तुर॥”

जकरिया 7:5

“लाजेॽओबा के़रे़क् मनाहाॽ नु निङ्‌वाॽफुसाम्‍बाहाॽ अक्‍खेलॽरिक् सेःन्‍दोसे़म्‍सिम्‍मे़ॽ, ‘खिनिॽ खे़न् नुबोङ् तङ्‌बे थारिक् ङासिगेक्‍पा नु नुसिगेक्‍पा लाओ तःक्‍ने़त् के़युङिआङ् मे़रिङ् के़धक्‍तिल्‍ले़, थे खे़न् आङ्‌गाॽ आमिङ्‌ङिल्‍ले़ लागिए तःक्‍ने़त् के़युङिआङ् वये़बि?

यर्मिया 34:1

बेबिलोनबा हाङ् नबुकदनेसरे़ल्‍ले़ कुयुक्‍को के़वाॽबा के़रे़क् सुवाङ्‌हाॽ हे़क्‍क्‍याङ् थाःक्‍हाॽरे़ खुन्‍छिॽ थक्‍सुबाहाॽ याङ्‌सिङ्‌ङाङ् यरुसले़म नु खे़ल्‍ले़ कुघिरिबा ये़क्‌यक्‍हाॽ थङ्‌ङो फत्तुसिर पत्‍छे़ हे़क्‍केःल्‍ले़ खे़न् ये़म्‍मो यहवे दाङ्‌बे़ल्‍ले़ कुइङ्‌घङ्‌ङिन् यर्मियाओ के़रे़॥

१ साप्‍मुःन्‍धुम् 3:15

योसियाहरे़ कुस्‍साहाॽ— कुस्‍सा तुम्‍बा योहानान, सरुम्‍बा यहोयाकिम, याङ्‌सुरुम्‍बा सिदकियाह नु फोःक्‌वान् सल्‍लुम वये़॥

२ हाङ् 24:17

खुने़ॽ यहोयाकिनरे़ कुम्‍भङा मत्‍तन्‍याहन् खुने़ॽ कुले़क्‌वाओ हाङ् चोगु, हे़क्‍क्‍याङ् खुने़ॽ कुमिङ् ले़क्‍खुआङ् सिदकियाह मिङ् वाःत्तुरो॥

यर्मिया 1:4

यहवे दाङ्‌बे़ल्‍ले़ कुइङ्‌घङ्‌ङिन् आङ्‌गाॽओ के़रे़रो,

यर्मिया 35:1

योसियाहःल्‍ले़ कुस्‍सा यहुदाबा हाङ् यहोयाकिमे़ल्‍ले़ हाङ्‌युक् चोगुबा ये़म्‍मो यहवे दाङ्‌बालाम् यर्मियाओ अक्‍तङ्‌बा इङ्‌घङ् के़रे़,

यर्मिया 36:2

“साप्‍लाथङ्‌माधिक् तारे़ॽ हे़क्‍क्‍याङ् के़रे़क् आइङ्‌घङ्‌हाॽ इस्राइल, यहुदा नु वेॽ मे़न्‍छाम् सुवाङ्‌हाॽरे़ खुन्‍छिॽ तक्‍ले़ङ्‌वाओ साप्‍ते़ॽ॥ योसियाह हाङ्‌ङिल्‍ले़ कुहाङ्‌युक् ये़म्‍मोबा इङ्‌घङ्‌ङिन् नु आल्‍लो थारिक्‍पा के़रे़क् इङ्‌घङ्‌हाॽ साप्‍ते़ॽ॥