“‘थेआङ्भे़ल्ले़ कन् मनाहाॽरे़ आङ्गाॽ लाप्मे़भुसाङ्ङाङ् मे़वाॽ हे़क्क्याङ् आप्फेक् नु आबाङे खुन्छिॽ पाधे़बाहाॽरे़ इग्र याम्मो यहुदाबा हाङ्हाॽरे़ कुसिङ् मे़न्निःत्तुन्छिन्बा साम्माङ्हाॽओ सिदुङ्जभा मे़दोन्दुआङ् कन् ते़न्निन् एयाङ्बा साम्माङ्हाॽरे़ खुन्छिॽ माङ्धाःन् मे़जोगुआङ् ने़॥ खे़ङ्हाॽरे़ कन् ते़न्निन् आप्तिक् मेःन्नेबा माक्खिॽइल्ले़ हे़ःत्ताङ्बा मे़जोगुआङ् ने़॥
यर्मिया 1:16 - लिम्बु16 आङ्गाॽ आबाङे आमनाहाॽ खुम्दिङ् पिरुङ्सिङ्लो थेआङ्भे़ल्ले़ खे़ङ्हाॽरे़ लायो मे़जोगुआङ् वाॽरो, आङ्गाॽ खे़ङ्हाॽरे़ लाप्मे़भुसाङ्लो हे़क्क्याङ् वेॽ माङ् साम्माङ्हाॽओ साङ्सिङ् सुक्पा मे़हाःन्दुआङ् मे़वाॽरो नावाइत्लाहाॽ मे़जोगुसि खे़ब्याङ् खे़ङ्हाॽ माङ्से़वा मे़मे़त्तुसिआङ् मे़वाॽरो॥” Gade chapit la |
यर्मिया 1:16
44 Referans Kwoze
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खे़ब्याङ् आप्फेक् हुक्किल्ले़ मे़जोगुसिबा के़रे़क् नावाइत्लाहाॽरे़ आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ कन् ते़न्निल्ले़ कुदक्ले़ङ्वाओ आङ्गाॽ आयाक् ले़ॽरे़आङ् वाॽ, हे़क्क्याङ् आसिक् पोःक्मे़न् मे़जिःक्तुन्ॽ॥’
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
“आङ्गाॽ यहवे दाङ्बान् पाराङ्ङाङ् वाॽ! ये़म्मिन् के़रे़आङ् वाॽ, हे़क्क्याङ् आङ्गाॽ एगाङ् मे़नुःङ्ङाङ्॥ आङ्गाॽ आनिङ्वाॽ मे़नुःक्ङान्ॽ, हे़क्क्याङ् खे़ने़ॽ आङ्गाॽ खे़ने़ॽ आलुङ्माॽ स्याःत् के़ल्लॽने़न्॥ खे़ने़ॽ के़जोगुबा फे़न्याःम्बक्हाॽरे़ कुले़क्वा आङ्गाॽ खासे़न् चोःक्ने़ॽ,” मुक्साम्दाङ्बा यहवे दाङ्बे़ल्ले़ पाःत्तुरो॥
के़रे़क् मे़न्छाम् याप्मिहाॽ अदङ् मे़जोक्लो हे़क्क्याङ् सिक्कुम्दिङ् निङ्वाॽ मे़ङ्गत्तुन्लो! साम्म्याङ् युप्पा के़धक्पाहाॽ खुन्छिॽ मे़जोगुसिबा नावाइत्लाहाॽलाम् कुनामे़न्छाॽ मे़बोङ्लो, मे़जोगुबा याःम्बक्हाॽ इङ्ले़क्के चोक्लो॥ कन् नावाइत्लाहाॽओ सक्मा इग्र मुक्साम् मे़याक्ने़न्लो॥
“आङ्गाॽ मुक्साम्दाङ्बा यहवे दाङ्बे़ल्ले़ इस्राइल नु यहुदान् लेःत्तुङ्सिङ्ङाङ् वयाङ्, कर आल्ल आङ्गाॽ खे़ङ्हाॽ सम्धाङ् ये़त्तुक्खेन् ताःप्मा खारा चोगुङ्ङाङ् वाॽ॥ ताप्फे़ःम्बा याःम्बक् मे़जोगुआङ् कन् ये़त्तुक्खेन् खे़ङ्हाॽरे़ आबाङे खुन्छिॽ सम्धाङ् मे़दारु॥ बाल साम्माङ्ङो सुक्पा मे़हाःन्दुआङ् खे़ङ्हाॽरे़ आङ्गाॽ आसिक् मे़भोक्खुआङ् वाॽरो॥”
खे़ब्याङ् खे़न् मनाःल्ले़ कुलागि हाःम्मा सिङ् पोङ्लो, हे़क्क्याङ् खुने़ॽ कुभा सिङ्जिॽ याङ्सिङ्ङाङ् आबाङे मि चाॽरुरो॥ खुने़ॽ खे़न् हाःन्दुआङ् खरे़ःङ् ले़ःङ्सुरो, हे़क्क्याङ् बाखे़न् सिङ्लाम्बा खुने़ॽ लत्छा माङ्धिक्काङ् चोगुआङ् खे़न् से़वा मे़त्तुरो॥ खुने़ॽ खे़न् सिङ्लाम्बा नावाइत्लाधिक् चोगुरो, खम्भ्याङ् खे़ल्ले़ कुदगि साम्बोन् हबत् फन्छिङ्लो॥
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खम्भ्याङ् खे़ङ्हाॽरे़ खुन्छिॽ आप्फेक् हुक्किल्ले़ मे़जोगुबा पाःन्हाॽलाम् आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ आङ्गाॽ आसाक्के़न्निन् कल्ले़ कुसम्धाङ् थासुङ्ॽ हे़क्क्याङ् खे़न् चिजि ये़म्ये़म् मे़बोङ्ने़न्॥’
खे़न् आसाःल्ले़ कुदुम्से़ ये़आङ् मे़त्तु, “आसाए, के़रे़क् यहुदाबा नु बेन्यामिन मनासे आङ्गाॽ आबाःन्निन् खे़प्से़म्मे़ॽओ॥ आल्ल यहवे दाङ्बे़न्नु खिनिॽ के़वयिल्ले़ खुने़ॽआङ् खिनिॽनु वाॽरो॥ खुने़ॽ के़गोःत्तुम् के़हक्सुम्मिल्ले़ खुने़ॽ के़घोसुम्ॽ॥ खुने़ॽ के़नाॽरुम्ने़भग्र खुने़ॽआङ् खिनिॽ के़नाॽरिॽ॥
यहवे दाङ्बे़न् खुने़ॽ कुधक्सुबाहाॽरे़ खुन्छिॽ तगि हुःक्लो, खुने़ॽ कुधक्सुबा तुराहाॽ निःत्मे़न्दे़त्ते यरिक् मे़वाॽरो, हे़क्क्याङ् कुइङ्जाङ् के़इःप्पा के़नाःप्पाहाॽ मुक्साम्साबा मे़जोक्लो॥ यहवे दाङ्बे़ल्ले़ कुये़न्निन् पयम् यम्बा चोक्लो, हे़क्क्याङ् चाॽरिक् किप्मा के़घुबा चोक्लो॥ खे़न् हाःत्ले़ थम्मा सुक्तुआङ्बे?
हे़क्क्याङ् कन् मिन्देॽलाम् मे़न्छिःम्ना वेॽ मनाहाॽ आबाङे मे़जोगुबा फे़न्याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःम्ना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न् नावाइत्लाहाॽ से़वा चोःक्मा मे़ल्ले़रुन्लो॥
“आङ्गाॽ यहवे दाङ्बे़ल्ले़ मे़त्निङ् खिनिॽ आबाङे लागि के़जोगुम्सिम्बा साम्माङ्हाॽ आत्तान् मे़वाॽबे? ये़त्तुक्खेओ खिनिॽ के़ध्ये़ॽइल्ले़ खे़ङ्हाॽरे़ मे़सुक्तुने़भग्र खिनिॽ ताङ्के़म्से़ःप्तिररो॥ यहुदाए, खे़ने़ॽ के़ये़क्यक्हाॽ यरिक् मे़ने़रो, खे़म्म्याक्के यरिक् खे़ने़ॽ के़माङ् साम्माङ्हाॽआङ् मे़वाॽरो॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
Piblisite