खे़ब्याङ् यहुदाबा मनाहाॽ अक्खे मे़त्ते़से़ॽ, ‘मुक्साम्दाङ्बा यहवे दाङ्बा इस्राइलिहाॽरे़ खुन्छिॽ निङ्वाॽफुमाङ्ङिल्ले़ अक्खे पाःत्तुॽ—आङ्गाॽ आसे़वारोबा बेबिलोनबा हाङ् नबुकदनेसरे़न् कन् मिस्र लाजेॽओ से़क्खाए तारुङ्ॽ॥ आङ्गाॽ चिक्खुङ्ङाङ् के़ने़बा कन् लुङ्हाॽ सम्धाङ् खुने़ॽ कुहाङ्युक्नान् युक्खुङ्ॽ॥ खुने़ॽ खे़ल्ले़ कुसम्धाङ् कुहाङ् नाम्धेःक्मान् खिङ्घुॽ॥
यर्मिया 1:15 - लिम्बु15 थेआङ्भे़ल्ले़ आङ्गाॽ थाङ्गे़त् ले़प्माङ्बा के़रे़क् सुवाङ्हाॽ उःत्तुङ्सिङ्ल पत्तारो॥ “खे़ङ्हाॽरे़ खुन्छिॽ हाङ्हाॽ मे़दारो हे़क्क्याङ् खुन्छिॽ हाङ्युक्नान् यरुसले़म लाःप्मा ताःक्हन्हाॽओ मे़युक्खुरो खे़ब्याङ् खे़ङ्हाॽ के़रे़क् पिसाङ्बा लुङ्धाक्हाॽओ नु यहुदाबा के़रे़क् ये़क्यक् खिरिआङ् मे़युक्खुरो॥ Gade chapit la |
यर्मिया 1:15
24 Referans Kwoze
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“यहवे दाङ्बे़ल्ले़ अक्खे पाःत्तुॽ, खिनिॽ के़बाःत्तुम्माङ् वाॽ, ‘कन् ते़न्निन् मुरे़क् खारे़क्पा ये़ःङ्घादे़न् पोःक्खे़आङ् ने़ःॽ, कॽयो लत्छा मना इग्र लत्छा थक्सा थिक्काङ् याङ्मे़धोःक्ने़न्॥’ यहुदाबा ये़क्यक्हाॽ नु यरुसले़ःम्मोबा लाम्हाॽ चिजि खक्खक् पोःक्खे़आङ् ने़ःॽ हे़क्क्याङ् कुभा मना इग्र थक्साहाॽ खे़प्मो याङ्मे़न्धोःक्ने़न्छाङ् कन् ते़न्नो खिनिॽ याम्मो
“थाङ्गे़त् ले़प्माङ्बा के़रे़क् लाम्लोबाहाॽ नु के़रे़क् सिदोनिहाॽ वेॽ के़सिबाहाॽनु सोरिक् खे़प्मो मे़ने़स्से़॥ थिक् ये़म्मो खे़ङ्हाॽरे़ मे़जोगुबा किमा यङ्मे़ल्ले़ खे़ङ्हाॽ सिरिङ्ममो थासुसिआङ् मे़वये़॥ आसुसुबा सुवाङ्हाॽ कुइसिक् ताभेःल्ले़ स्ये़रुसिआङ् वये़बा वेॽहाॽनु सोरिक् खे़ङ्हाॽ खे़प्मो मे़ने़स्से़॥ लुम्बाःत्तो के़युबाआङ् के़याक्पा के़रे़क्नु सोरिक् खे़ङ्हाॽ सिरिङ्ममो मे़ध्ये़॥
थाङ्गे़त् ले़प्माङ्लाम् के़युबा थक्सुबा तुराहाॽ आङ्गाॽ खिनिॽलाम् माःङ्घा नाःत्तुङ्देसुङ्सिङ्लो, मे़न्धोःङ्ङे के़ने़बा नु मुरे़क् खारे़क्पा लाजेॽओ आङ्गाॽ खे़ङ्हाॽ पुबेलाप्सा नाःत्तुङ्देसुङ्सिङ्लो, खे़ङ्हाॽरे़ खुन्छिॽ तगिबा तिःक्लाहाॽ कुसिवे़त् वरःङ्ङो हे़क्क्याङ् एगाङ्बा तिःक्लाहाॽ लुम्बाङ् वरःङ्ङो खे़त्तुङ्सिङ्लो॥ खे़ब्याङ् खे़ङ्हाॽरे़ खुन्छिॽ नाम्सुमा, किःक् नाम्मिन् थाःङ् पोःक्लो॥” से़क्खाए खुने़ॽ किप्मा के़घुबा यम्बयम्बा याःम्बक् चोगुआङ् वाॽरो॥
Piblisite