यर्मिया 1:14 - लिम्बु14 खुने़ॽ आङ्गाॽ मे़त्ताङ्, “थोहाङ् पिसाङ्लाम्बाए मे़क्मासिमान् लाक्तुआङ् कन् लाजेॽबा मनाहाॽ सम्धाङ् चुक्॥ Gade chapit la |
यर्मिया 1:14
17 Referans Kwoze
“बेन्यामिन मनासे, ताङ्से़ःप्सिङ्मारे़ लागि खे़त्छिङाम्मे़ॽओ यरुसले़ःम्लाम्बा खिनिॽ लःन्दे़म्मे़ॽआङ् खे़त्तासिम्मे़ॽओ! तकोओ मे़ल्लुक् सादाङ्ङिन् मुःत्ते़म्मे़ॽओ! हे़क्क्याङ् बेथ-हक्केरेम्मो मिन् हाःन्दे़म्मे़ॽओ खे़ब्याङ् मिःक्खुलाम् मिक्सेन् पिमा तङ्गाम् चोगे़म्मे़ॽओ! मे़क्मासिमान् खा तार पत्लो, थाङ्गे़त् पिसाङ्लाम् खाप्पुथ्यःङ् आजोःक्चोःक्पान् युर पत्लो॥”
आङ्गाॽ थाःङ् ओमे़त्तुङ्ङिल्ले़ थाङ्गे़त् थोलाम्बा खइक् खइक् के़इक्सिङ्बा सुरित् केजङ् हुःक्ते़ ये़र पत्छे़बा, माक्स्दिःङ्ग्याःप्पा खाॽम्मिःप्पा लुम्मो से़न्दाङ्गे़न् ओःत्ति साःम्भे ले़क्ते़र पत्छे़बा निसुङ्॥ खे़प्मो खाॽमिःत्तिल्ले़ कुलुम्मो मि यागे़, हे़क्क्याङ् मिःल्ले़ कुलुम्मो कासान् योःन्दे़बा कुइसिक् तिल्ले़क् तिल्ले़क् ले़क्ते़र पत्छे़॥
थेआङ्भे़ल्ले़ थाङ्गे़त् ले़प्माङ्लाम् यम्बा सुवाङ्बा थक्सुबाहाॽ फोःक्खुङ्सिङ्ल पत्तारो॥ बेबिलोने़न् फप्मारे़ लागि थक्सुबाहाॽओ खे़ङ्हाॽ मे़भुङ्सिङ्लो॥ हे़क्क्याङ् खे़न् लाजेन् हुक्को मे़धासुरो॥ निङ्मिहाॽरे़ खुन्छिॽ तोःङ्हाॽ कुदोःप्मा पेःक्लो, खे़ङ्हाॽरे़ मे़सोःक्तुबान् मे़न्याङ्ङे मे़न्आबुन्लो!
आङ्गाॽ खे़ङ्हाॽ थाङ्गे़त्लाम् युरुङ्सिङ्लो हे़क्क्याङ् इक्सादिङ् खाम्बेःक्माल्ले़ वेॽसमा कुयाओलाम्बा सुप्सुङ्सिङ्लो॥ खे़ङ्हाॽरे़ खुन्छिॽ लुम्मो मिक्फःम्बा नु लाङ्सक्पा, हे़क्क्याङ् मे़न्छुक्मा के़वाॽमा नु सागप्मा यारिप् के़बोङ्माहाॽआङ् मे़वाॽरो॥ लत्छा यम्बा चुम्भो मे़बोङ्ङाङ् खे़ङ्हाॽ मे़नुःङ् मे़दारो॥
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
“आङ्गाॽ मुक्साम्दाङ्बा यहवे दाङ्बे़ल्ले़ इस्राइल नु यहुदान् लेःत्तुङ्सिङ्ङाङ् वयाङ्, कर आल्ल आङ्गाॽ खे़ङ्हाॽ सम्धाङ् ये़त्तुक्खेन् ताःप्मा खारा चोगुङ्ङाङ् वाॽ॥ ताप्फे़ःम्बा याःम्बक् मे़जोगुआङ् कन् ये़त्तुक्खेन् खे़ङ्हाॽरे़ आबाङे खुन्छिॽ सम्धाङ् मे़दारु॥ बाल साम्माङ्ङो सुक्पा मे़हाःन्दुआङ् खे़ङ्हाॽरे़ आङ्गाॽ आसिक् मे़भोक्खुआङ् वाॽरो॥”
यहवे दाङ्बे़ल्ले़ अक्खे पाःत्तुरो, “लाजेन् च्वाःत्तिल्ले़ सधे़क् तिम्मारे़ लागि थाङ्गे़त् लाम्बानु च्वाःत्तिन् कुङ् युर पत्लो॥ खे़ल्ले़ लाजेन् नु खे़प्मो के़वाॽबा के़रे़क् पाःन्हाॽ, ये़क्यक्हाॽ हे़क्क्याङ् मनाहाॽ मे़क्खुसिरो॥ मनाहाॽ मे़गि मे़यङ्ङाङ् मे़भिःक्लो, हे़क्क्याङ् लाजेॽओ के़वाॽबा के़रे़क् मे़रिङ् मे़धक्लो॥
थाङ्गे़त् ले़प्माङ्लाम् के़युबा थक्सुबा तुराहाॽ आङ्गाॽ खिनिॽलाम् माःङ्घा नाःत्तुङ्देसुङ्सिङ्लो, मे़न्धोःङ्ङे के़ने़बा नु मुरे़क् खारे़क्पा लाजेॽओ आङ्गाॽ खे़ङ्हाॽ पुबेलाप्सा नाःत्तुङ्देसुङ्सिङ्लो, खे़ङ्हाॽरे़ खुन्छिॽ तगिबा तिःक्लाहाॽ कुसिवे़त् वरःङ्ङो हे़क्क्याङ् एगाङ्बा तिःक्लाहाॽ लुम्बाङ् वरःङ्ङो खे़त्तुङ्सिङ्लो॥ खे़ब्याङ् खे़ङ्हाॽरे़ खुन्छिॽ नाम्सुमा, किःक् नाम्मिन् थाःङ् पोःक्लो॥” से़क्खाए खुने़ॽ किप्मा के़घुबा यम्बयम्बा याःम्बक् चोगुआङ् वाॽरो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
Piblisite