खासे़न्‍लोःम्‍बा 2:3 - लिम्‍बु

³ कल्‍ले़चोगुल्‍ले़ आङ्‌गाॽ पाःत्तुङ्‌ॽ, ‘आङ्‌गाॽ खे़ङ्‌हाॽ खिनिॽ तगिलाम् मे़नाःत्तुङ्‌सिङ्‌ङिन्‌ॽ॥ खिनिॽ लागि खे़ङ्‌हाॽ तिङ् नु खे़ङ्‌हाॽरे़ खुन्‍छिॽ माङ्‌हाॽ खिनिॽ लागि चे़न् मे़बोङ्‌ॽ॥’”

खासे़न्‍लोःम्‍बा 2:3 Referans Kwoze

यहोसु 23:13

कन् पाःन्‍नो निःन्‍धो पोःक्‍खे़म्‍मे़ॽ, यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खे़न् मे़न्‍छाम् सुवाङ्‌हाॽ खिनिॽ तगिलाम् याम्‍मो मे़नाःत्तुन् मे़देसुसिन्‌ॽ, कर यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ के़बिरिबा कन् नुबा लाजेॽओलाम् खिनिॽ के़म्‍मे़गिन्‍ल थारिक् खे़ङ्‌हाॽ खिनिॽ लागि चे़न् नु इदाक्, खम्‍भ्‍याङ् खिनिॽ एःक्‍थाःक्‍मो ते़ःम्‍भुक् नु खिनिॽ मिक्‍को साक्‍चिॽ मे़बोङ्‌ॽ॥

खानिःत् 33:55

“‘कर खिनिॽ खे़न् लाजेॽओबा यक्‌युङ्‌बाहाॽ के़न्‍नाःत्तुम् के़न्‍देसुम्‍सिम्‍मे़न्‍ने़भग्र, खे़प्‍मो युङ्‌मा के़भाःक्‍तुम्‍सिम्‍बाहाॽग खिनिॽ मिक्‍को के़लाःप्‍पा साक्‍चिॽ नु थक्‍किन् के़धुप्‍पा तिङ् हे़क्‍तङ्‌बा मे़बोङ्‌ॽ, खम्‍भ्‍याङ् खिनिॽ आत्ति के़युङिसाङ् खे़ङ्‌हाॽरे़ तुक्‍खे के़म्‍जाःत्तिॽ॥

निङ्‌वाॽफु साम्‍लोसुम् 106:36

निङ्‌वाॽफुमाङ्‌ङिल्‍ले़ कुमनाहाॽरे़ खे़ङ्‌हाॽरे़ खुनिॽ नावाइत्‍लाहाॽ से़वा मे़मे़त्तुसिरो, खे़न् आबाङे खुनिॽ मे़क्‍मा चे़न् पोःक्‍खे़रो॥

साम्‌योथिम् इङ् 7:16

यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ हुक्‍को के़बिरिबा के़रे़क् मे़न्‍छाम् सुवाङ्‌हाॽ खिनिॽ मे़क्‍खे़म्‍सिम्‍मे़ॽ, खे़ङ्‌हाॽ लुङ्‌माॽ मे़दुक्‍ते़म्‍सिम्‍मे़न्‍ने़ॽ॥ खे़ङ्‌हाॽरे़ खुन्‍छिॽ माङ्‌हाॽ से़वा मे़मे़त्ते़म्‍सिम्‍मिन्‍ने़ॽ, थेआङ्‌भे़ल्‍ले़ आम्‍भा खे़न्‍ने खिनिॽ इओ थामा इजो पोङ्‌ॽ॥

खासे़न्‍लोःम्‍बा 3:6

खे़ङ्‌हाॽरे़ कनानिहाॽरे़ खुन्‍छिॽ मे़न्‍छुमा साहाॽ मेःक्‍खिम् मे़मे़त्तुसि, हे़क्‍क्‍याङ् खुन्‍छिॽ मे़न्‍छुमा साहाॽआङ् खे़ङ्‌हाॽरे़ खुन्‍छिॽ ये़म्‍बित्‍छासाहाॽ नु मेःक्‍खिम् मे़मे़त्तुसि, हे़क्‍क्‍याङ् खुन्‍छिॽ माङ्‌हाॽआङ् से़वा मे़प्‍मा मे़हेःक्‍तुसिरो॥

खासे़न्‍लोःम्‍बा 2:21

आल्‍ल यहोसुःल्‍ले़ कुसिमा ये़म्‍मो ले़रुधसिबा कन् के़रे़क् सुवाङ्‌हाॽलाम् लत्‍छा आत्तिन् सुवाङ्‌ङिन्‍नाङ् इस्राइललाम् आङ्‌गाॽ मे़नाःत्तान् मे़देआन्॥

लाम्‍दिक् 34:12

सिङ्‌सिङ् ये़क्‌ये़क्‍काङ् वये़ॽ! खे़ने़ॽ के़बेःक्‍ल के़बप्‍पा लाजेॽओबा मनाहाॽनु खे़ने़ॽ तङ्‌मे मे़जोगे़न्‍ने़ॽ, मेःन्‍ने़भग्र खे़ङ्‌हाॽ खिनिॽ लागि चे़न् मे़बोङ्‌ॽ॥

लाम्‍दिक् 23:33

खे़न् मनाहाॽ खिनिॽ लाजेॽओ युङ् मे़भाःक्‍ताम्‍सिम्‍मिन्‍ने़ॽ, खे़ङ्‌हाॽ खिनिॽ युङ्‌मा के़भाःक्‍तुम्‍सिम्‍ने़भग्र खे़ङ्‌हाॽरे़ खिनिॽ आङ्‌गाॽ आदक्‍ले़ङ्‌वाओ लायो चोःक्‍मा के़म्‍बाङ्‌घिॽ॥ खे़ङ्‌हाॽरे़ खुन्‍छिॽ माङ्‌हाॽ खिनिॽ से़वा के़मे़त्तुम्‍सिने़भग्र खिनिॽ सिमा इओ के़ध्‍ये़ॽइरो॥”

खासे़न्‍लोःम्‍बा 2:4

आल्‍ल यहवे दाङ्‌बे़ल्‍ले़ कुमाङ्‌लाइङ्‌बे़ल्‍ले़ कन् पाःन्‍हाॽ इस्राइलिहाॽ मे़त्तुसिल्‍ले़, खे़ङ्‌हाॽ के़रे़क् वे़ःङ्‌ङाङ् वे़ःङ् मे़हाबे़॥

खासे़न्‍लोःम्‍बा 8:27

खे़न् साम्‍म्‍याङ्‌हाॽलाम् गिदोनरे़ लत्‍छा लगेःप् चोगुआङ् खुने़ॽ कुये़क्‌यक् ओप्राओ खे़न् फत्‍छु॥ के़रे़क् इस्राइलिहाॽरे़ खे़न् से़वा मे़मे़त्तुआङ् कन्‍नु याम्‍बोःप्‍मा याःम्‍बक् मे़जोगु, हे़क्‍क्‍याङ् खे़न् गिदोन नु खुने़ॽ कुहिम्‍सयङ्‌हाॽ खुम्‍मासि लत्‍छा चे़न् पोःक्‍खे़॥