खासे़न्‍लोःम्‍बा 1:3 - लिम्‍बु

³ यहुदाबा मनाहाॽरे़ खुन्‍छिॽ फुॽनुसाॽ सिमियोनिहाॽ मे़मे़त्तुसि, “आनिगे लक्‍को के़धाबा लाजेॽओ खिनिॽ आनिगे़नु थो पेगे़म्‍मे़ॽ, हे़क्‍क्‍याङ् कनानिहाॽनु आनिॽ थङ् चोगि॥ खे़ब्‍याङ् आनिगे़आङ् खिनिॽ लक्‍को के़धाबा लाजेॽओ खिनिॽनु थो पेगिगे़ॽ॥” कल्‍ले़चोगुल्‍ले़ सिमियोनिहाॽ खे़ङ्‌हाॽनु थो मे़बे॥

खासे़न्‍लोःम्‍बा 1:3 Referans Kwoze

२ सामुए़ल 10:11

योआबरे़ खे़न् मे़त्तु, “अरामिहाॽरे़ आङ्‌गाॽ मे़नाःन्‍ना मे़भे़त्ताबा हे़क्‍के लॽने़भग्र खे़ने़ॽ आङ्‌गाॽ फाॽराङ्‌ङे़ॽ॥ कर अम्‍मोनिहाॽरे़ खे़ने़ॽ के़म्‍नाःन् के़म्‍भे़त्‍ने़भग्र आङ्‌गाॽ खे़ने़ॽ फाॽसे़ फे़न्‍ना॥

खासे़न्‍लोःम्‍बा 1:17

खे़न् एगाङ् यहुदाबा मनाहाॽ खुन्‍छिॽ फुॽनुसाहाॽ सिमियोनिहाॽनु मे़बेआङ् सपत के़युङ्‌बा कनानिहाॽ मे़भत्तुसि हे़क्‍क्‍याङ् खे़न् ये़क्‌यक्‍किन् वरे़ङ्‌ले़ङ् खाप्‍पुथ्‍यःङ् मे़जोगु॥ खे़ल्‍ले़चोगुल्‍ले़ खे़न् ये़क्‌यक्‍किल्‍ले़ कुमिङ् होर्मा मे़युक्‍खु॥

यहोसु 19:1

निसिगेक्‍पा तॽयाःन्‍सोन्‍निन् सिमियोनरे़, इग्र सिमियोनरे़ कुधाःक्‍हाॽरे़ खुन्‍छिॽ मिङ्‌ङो खे़ङ्‌हाॽरे़ खुन्‍छिॽ हिम्‍सयङ् कुइसिक् थ्‍ये़॥ खे़ङ्‌हाॽरे़ खुन्‍छिॽ लक्‍खोमान् यहुदाःल्‍ले़ कुधाःक्‍हाॽरे़ खुन्‍छिॽ लक्‍खोमाल्‍ले़ कुलुम्‍मो चुक्‍ते़॥

तोलिङ्‌सोमु 29:33

खे़न् याम्‍मोआङ् मे़न्‍छुक्‍मा पोःक्‍खे़, हे़क्‍क्‍याङ् वेॽ ये़म्‍बित्‍छा साधिक् कत्तु, खे़ल्‍ले़ पाःत्तु, “आङ्‌गाॽ आये़म्‍बाःल्‍ले़ नामे़नुॽराङ्‌ङिन्‍बान् यहवे दाङ्‌बाल्‍ले़ निसुबाल्‍ले़ खुने़ॽ कन् अङे़ःक्‌वाःन्‍नाङ् पिराङ्‌लो॥” हे़क्‍क्‍याङ् खे़ल्‍ले़ खे़न् अङे़ःक्‌वान् सिमियोन मिङ् वाःत्तु॥

खासे़न्‍लोःम्‍बा 1:2

यहवे दाङ्‌बे़ल्‍ले़ खे़ङ्‌हाॽ मे़त्तुसि, “यहुदाःल्‍ले़ कुधाःक्‍हाॽरे़ मे़भत्तुर॥ आङ्‌गाॽ खे़न् लाजेन् खुन्‍छिॽ हुक्‍सुप्‍तुङ्‌सिङ्‌ङाङ् ने़रो॥”

खासे़न्‍लोःम्‍बा 1:4

खे़ब्‍याङ् थङ् चोःक्‍से़ यहुदाःल्‍ले़ कुधाःक्‍हाॽ तगाङ् मे़धासिङ्, हे़क्‍क्‍याङ् यहवे दाङ्‌बे़ल्‍ले़ कनानिहाॽ नु परिज्‍जिहाॽ खे़ङ्‌हाॽ हुक्‍सुप्‍तुसि॥ खे़ङ्‌हाॽरे़ बेजेकओ हे़न्‍छिङ् थिबोङ् मनाहाॽ मे़से़रुसि॥

सुफो 7:7

सिमियोन सुवाङ्‌लाम् हे़न्‍छिङ् थिक्-ने़त् (१२,०००), ले़बि सुवाङ्‌लाम् हे़न्‍छिङ् थिक्-ने़त् (१२,०००), इस्‍साकार सुवाङ्‌लाम् हे़न्‍छिङ् थिक्-ने़त् (१२,०००),