सियोन के़युङ्बा मनासे, खिनिॽ सःत्ते़म्मे़ॽओ, यहवे दाङ्बा खिनिॽ निङ्वाॽफुमाङ्ङो निङ्वाॽ तासाम्मे़ॽओ, थेआङ्भे़ल्ले़ खुने़ॽ चुङ्वाःम्मो थासुबा वहित्तिल्ले़ खुने़ॽ नसाःन्साबा चोःक्पा पाःन्निन् ओसेःन्धाङ् पोङ्लो॥ खुने़ॽ तगि हे़क्केए चुङ्वाःम्मा नु फुङ्वाःम्मा ये़म्मो पाङ्गे़न्दिङ् वहित्ते़न् थ्ये़र याःन्दुआङ् वाॽरो॥
याकुब 5:7 - लिम्बु7 खे़ल्ले़चोगुल्ले़ फुॽनुसाॽ नु ने़ॽनुसाॽसे, दाङ्बाल्ले़ कुनुःङ्मा युःमा ये़म्मिन् के़हाङ्घुम्मिल्ले़ खिनिॽ नासि थःप्माआङ् हाङ्माए पोङ्लो॥ इक्मःबाल्ले़ कुइक्ताप्पो इमे़ल्लुङ्बा कुजाॽ नुःरिक्काङ् थोःक्ल फाॽआङ् हाङ्वाःम्मा नु चुङ्वाःम्माओ पाङ्गे़न्दिङ् वाहित्मान् नासि थःत्तुआङ् हाङ्घुबान् निङ्वाॽ इःत्ते़म्मे़ॽओ॥ Gade chapit la |
याकुब 5:7
32 Referans Kwoze
आनिॽ पानुदिङ् पा निङ्वाॽफुमाङ्ङिल्ले़ कुनिमाओ नसाःन्लाम्बा के़जोगुम्बा खिनिॽ याःम्बक्किन्, वेॽहाॽ लुङ्माॽ के़दुक्तुम्सिम्माङ् स्याङ्मे़न्दाङ् के़जोगुम्बान् हे़क्क्याङ् आनिॽ दाङ्बा ये़सु ख्रिस्तरे़ याम्मो कुनुःङ्मा युमा निङ्साङ्लाम् के़दाबा निङ्वाॽ हाङ्गे़म्सिङ्मान् आनिगे चक्मे़ल्लॽए निङ्वाॽ इःत्तुम्बे़रो॥
फुॽनुसाॽ नु ने़ॽनुसाॽसे, वेॽहाॽरे़ तक्ले़ङ्वाओ ताप्फे़ःम्बा पान् मे़बारे़म्मिन्ने़ॽओ॥ आत्तिन् कुन्साॽरे़ कुदक्ले़ङ्वाओ ताप्फे़ःम्बा फे़न्पान् पाःत् इग्र आत्तिल्ले़ कुन्साॽ आप्तिक् कुःत्तुॽ, खे़ङ्ग साम्योथिम्मिल्ले़ कुदक्ले़ङ्वाओ पाःत्ताङ् साम्योथिम्मिन् खासे़न् लोःन्दुॽरो॥ आल्ल साम्योथिम्मिन् खासे़न् के़लोःन्दुॽने़ फाॽग्र, साम्योथिम् के़इःप्पा के़नाःप्पा मेःन्, कर साम्योथिम्मिल्ले़न् खासे़न्लोःम्बा के़बोङ्लो॥
Piblisite