याकुब 5:5 - लिम्बु5 इक्सादिङ् खाम्बेःक्मो खिनिॽ याम्दादा नु आबाङेरक् निङ्वाॽ तादा के़वयिॽआङ् से़प्मा ये़न्नो थारिक् थक्सान् चालुप्मनाबा कुइसिक् खिनिॽ चागे़लुप्पासिआङ् के़वयिरो॥ Gade chapit la |
याकुब 5:5
28 Referans Kwoze
अबिगेले़न् हिम्मो नुःक्खे़आङ् त्ये़ःल्ले़ नाबालरे़ हिम्मो हाङ्ङिल्ले़ कुलागि यारिप् चोःक्मनाबा हे़क्केए यम्बा साभःङ्जा मे़जर मे़यागे़बा निसु॥ नाबाले़न् थिःल्ले़ मयुआङ् साॽरिक् कुनिङ्वाॽ त्ये़आङ् वये़॥ खे़न् साॽरिक् मयुआङ् वये़बाल्ले़ चोगुल्ले़ खे़ल्ले़ कुमेत् अबिगेलरे़ खुने़ॽ तानाम् थारिक् थेआङ् मे़जे़क्तुन्॥
खे़ङ्हाॽग खिनिॽ सेसेहुप्लक्को सोरिक् चुम्माआङ् चाःमनाबा साभाङ्जा के़जिःम्बासिरो, थेआङ्भे़ल्ले़ खे़ङ्हाॽरे़ वेॽहाॽ ओमे़म्मे़त्छिङ्ङे आबाङेरक् मे़ज मे़धुङ्ङुॽरो॥ खे़ङ्हाॽग सुरित् केजङ्ङिल्ले़ पक्खु तेॽरुबा च्वाःत् मेःन्नेबा खाम्दःम्बा नु सिङ्सेॽ मे़न्धोःक्मनाबा सिङ्बुङ् कुइसिक् मे़जोक्॥ खे़ङ्हाॽ के़सिबा सिङ्बुङ् हे़क्केरक् मेःन् कर के़आःक्पाआङ् के़हेबा के़सिबा सिङ्बुङ् कुइसिक् मे़जोक्लो॥
“हे़क्क्याङ् आल्ल, नासिगे़न् थक्ला के़गप्पा मे़न्छाम् याप्मिए, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—के़रे़क् परिक्पा पुसाहाॽ नु के़रे़क् ताम्भुङ् थक्साहाॽ खे़ने़ॽ उःत्ते़से़ॽ॥ खे़ने़ॽ खे़ङ्हाॽ मे़त्ते़से़ॽ—‘आङ्गाॽ पयम् यम्बा सिदुङ्जभा आसाभःङ्जाःल्ले़ लागि खिनिॽ सोरिक् फुङ्ङासिम्मे़ॽ॥ माःङ्घा नु निःत्ताङ्लाम् इस्राइलबा कोःक्मा फाङ्जङ् थे़गु माङ्वाहाॽओ त्ये़म्मे़ॽ, हे़क्क्याङ् खिनिॽ खे़प्मो ने़क्सान् नु सामाक्खिन् च्ये़म्मे़ॽ थुङे़म्मे़ॽ!
“खे़ल्ले़चोगुल्ले़ निङ्वाॽ तादा चोःक्मा कुसिराॽ के़धाङ्मे, आबाङे ताङ्से़ःप्सिङ्मारे़ लागि थेआङ् मे़न्इःत्ते के़युङ्मे, निङ्वाॽओ ‘आङ्गाॽएःक् के़लॽमा हे़क्क्याङ् आङ्गाॽनुःल्ले़ वेॽ हाःत्ताङ् होप् के़लॽमा आङ्गाॽ आभे़ल्ले़आङ् मेमेदुमा मे़बोङ्ङान् इग्र आस्सा आएहाॽ मे़सिबा मे़निआन्’ के़लॽमे आल्ल कन् पाःन्निन् सिङ्सिङ् ये़क्ये़क्काङ् खे़प्से़ॽओ॥
यहवे दाङ्बे़ल्ले़ पाःत्तुरो, “सियोने़ल्ले़ कुस्सा मे़न्छिन्हाॽ आङ्दिङ् मे़लॽरो, हे़क्क्याङ् खुन्छिॽ सित्लान् ङाःक्ले़ॽ मे़मे़त्तुरो खुन्छिॽ मिक्हाॽ कारिक् कारिक् मे़मे़त्तुरो, खे़ब्याङ् लाङ्बाःङ्गिहाॽ मे़वाःत्छिङ्लो किल्लिङ् किल्लिङ् लॽरिक् याःक्याःक्काङ् लाङ्गाङ् मे़जत्तुर लाङ्मे़घेःक्लो॥
थाङ्बे़न्छे, खिनिॽ थाङ्बे़न् ये़म्मो ये़ये़ लॽरे़म्मे़ॽओ, थाङ्बे़न् के़वयिर थारिक् नुरे़म्मे़ तासे़म्मे़ॽओ॥ निङ्वाःल्ले़ इःत्तुबा सिराॽगे़धाङ्बा हे़क्क्याङ् खिनिॽ मिक् के़लाःप्पा पाःन्हाॽ के़त्ते़म्मे़ॽओ कर कन् पाःन्निन् निङ्वाॽओ युक्खे़म्मे़ॽओ निङ्वाॽफुमाङ्ङिल्ले़ खिनिॽ के़रे़क् पाःन्हाॽ खारात् युक्खुरो॥
यहवे दाङ्बाए, कन् इक्सा खाम्बेःक्को याङ्साकुन्धेःन्ने के़रे़क्नुःल्ले़ यम्बा पान् लॽरिक् के़इःप्पा मनाहाॽलाम्बा के़हुक्किल्ले़ से़ःप्ताङ्ङे़ॽओ॥ कर के़सिराॽ के़धाङ्बा मनाहाॽरे़ खुनिॽ से़त्लाःक्किल्ले़ के़घाःत्तुसिरो, हे़क्क्याङ् खे़ङ्हाॽरे़ खुनिॽ साहाॽरे़ यरिक् मे़घोसुरो॥ खे़ब्याङ् खे़ङ्हाॽरे़ खुनिॽ मे़न्छाॽहाॽरे़ लागिआङ् यरिक् याङ्साकुन्धे मे़सुप्सुआङ् मे़लुप्सुरो॥
Piblisite