याकुब 5:11 - लिम्बु11 ओमे़त्ते़म्मे़ॽ, इनोगे़न् तुक्खेओ नासि के़धःप्पाहाॽग मुॽइसाबासि फाॽआङ् आइःत्तुम्सिम्लो॥ अयुबरे़ कुनासि थःप्माङ्ग खिनिॽ के़घे़प्सुम्माङ् के़वयिॽ, हे़क्क्याङ् कुनुप्मो दाङ्बाल्ले़ नुबा पाःन्हाॽ तारु पिरुबान् के़निसुम्माङ् के़वयिॽरो॥ दाङ्बाङ्ग मिःम्जि नु लुङ्दुक् कुधिम् चोक्लो॥ Gade chapit la |
याकुब 5:11
53 Referans Kwoze
खे़न् एगाङ् यहवे दाङ्बे़न् खुने़ॽ कुबेसाङ्लाम् पोःक्खे़आङ् अक्खे के़लॽबा उवा चोगु, “यहवे दाङ्बा, यहवे दाङ्बान् मना साॽरिक् लुङ्माॽ के़दुक्पा नु के़नुॽबा निङ्वाॽफुमाङ्, हे़क्क्याङ् हने़ कुसिक् मे़म्बोःक्मनाबा नु साॽरिक् नासि के़धःप्पा चोक्, खे़ब्याङ् थधप् मे़ल्लॽमनाबा मिम् आमे़प्मे़प्पा नु नसाःन्साबा चोक्॥
‘यहवे दाङ्बान् हने़ कुसिक् मे़म्बोःक्मनाबा नु लुङ्माॽ आदुक्तुक्पा चोक्, फे़न्याःम्बक् नु लायो लासोत् ले़प्मि के़बिबा चोक्, कर आप्तिक्साबान् आत्तिन् परिक्ले़आङ् आप्तिक् मेःन्नेबा मे़न्जोःक्मनाबा, पाधे़बा थाःक्थे़बाहाॽरे़ खुन्छिॽ लायोल्ले़ कुले़क्वा खुन्छिॽ सुम्सि लिसि थाःक् थारिक्साङ् खुम्दिङ् के़बिबा चोक्॥’
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
खिनिॽ चाङ्ङिन् थे़ःक्खे़म्मे़ॽआङ्ग मेःन्दुक्लो, कर खिनिॽ निङ्वाॽओ लायोलाम् हिन्दे़म्मे़ॽओ हे़क्क्याङ् यहवे दाङ्बा खिनिॽ निङ्वाॽफुमाङ्ङो नुःक्खे़म्मे़ॽओ॥ थेआङ्भे़ल्ले़ खुने़ॽ कुलुङ्माॽ स्याःत् के़लॽबा, साॽरिक् के़नुॽबा, हारा कुसिक् मे़म्बोःक्मनाबा नु लुङ्माॽ आदुक्तुक्पा चोक्लो, खम्भ्याङ् खुने़ॽ तुक्खे लाक्खे तारुल्ले़ कुनिङ्वाॽ तुक्लो॥
खे़ङ्हाॽरे़ खुन्छिॽ के़रे़क् तुक्खेओ खुने़ॽ कुनिङ्वाॽ तुगे़रो, हे़क्क्याङ् खुने़ॽ आबाङे खे़ङ्हाॽ थे़ॽरुसिरो॥ खुने़ॽ खे़ङ्हाॽ लुङ्माॽ तुक्तुसि हे़क्क्याङ् नुरिक् मे़त्तुसिरो हे़क्क्याङ् मे़ल्लुङ् हुङुआङ् खे़ङ्हाॽ चोःक्युम्भो पिरुसिरो, खे़ब्याङ् उनाहुरिबा के़रे़क् ये़न्नो खुने़ॽ खे़ङ्हाॽ कुयुसिरो॥
खे़ङ्हाॽरे़ के़इङ्जाङ्ङिन् इःप्मा नाःप्मा मे़न्दे़न्दे़न्लो, हे़क्क्याङ् खुन्छिॽ मे़निसुर के़जोगुबा के़रे़क् के़याःम्बक्हाॽ नु निङ्वाॽ के़माबा के़याःम्बक्हाॽ खे़ङ्हाॽरे़ निङ्वाॽ मे़भेःत्छुरो॥ खे़ङ्हाॽ आबाङे आङ्दिङ् मे़लॽरे़आङ् याम्मो मिस्र लाजेॽओ योक् पोङ्से़ नुःङ्मा पेःक्मा फाॽआङ् खे़ङ्हाॽरे़ लाम्लोबाधिक् मे़सेगुरो॥ कर खे़ने़ॽ ले़प्मि के़बिबा निङ्वाॽफुमाङ्ने़रो, लुङ्माॽ आदुक्तुक्पा नु नुरिक् आमे़प्मे़प्पा हे़क्क्याङ् हारा कुसिक् मे़म्बोःक्मनाबा निङ्वाॽफुमाङ्ने़रो, खे़ने़ॽ साॽरिक् लुङ्माॽ आदुक्तुक्पा के़जोःक्लो, खे़ङ्हाॽ के़न्नाॽरुन्सिन्लो॥
यहवे दाङ्बा ले़प्माङ् खिनिॽ के़नुःक्खिने़भग्र खिनिॽ फुॽनुसाॽहाॽ नु खिनिॽ साएहाॽ के़दे़म्बा के़देॽबाहाॽरे़ खे़ङ्हाॽ नुरिक् मे़मे़त्तुसि, हे़क्क्याङ् खे़ङ्हाॽ कन् लाजेॽओ मे़नुःङ् मे़भे़न्ॽ॥ थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन् के़नुॽबा नु लुङ्माॽ आदुक्तुक्पा चोक्॥ खिनिॽ खुने़ॽ ले़प्माङ् के़नुःक्खिने़भग्र खुने़ॽ खिनिॽलाम् मे़नुःङ्ने़न् मे़बेःक्ने़न्॥”
Piblisite