याकुब 4:9 - लिम्बु9 लायो के़जोगुम्बाओ मे़रिङ् थक्ते़म्मे़ॽ, हाबे़म्मे़ॽओ॥ खिनिॽ एःप्मान् मे़रिङ् थक्मो, हे़क्क्याङ् खिनिॽ सःप्मे़न् तुक्खेओ ले़क्खे़म्मे़ॽओ॥ Gade chapit la |
याकुब 4:9
25 Referans Kwoze
हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥
आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥
हे़क्क्याङ् हाङ्युक्पा नहेम्याह, साम्योथिम्साम्बा निङ्वाॽफुसाम्बा ए़ज्रा नु निसाम् के़हुॽबार के़बप्पा ले़बिहाॽरे़ खे़ङ्हाॽ के़रे़क् मे़मे़त्तुसि, “आइन्बा ये़न्निन् आनिॽ यहवे दाङ्बा निङ्वाॽफुमाङ्ङिल्ले़ कुलागि सेसे चोक्॥ आइन् खिनिॽ हाःप्मा फिःक्मा मे़नुॽने़न्॥” थेआङ्भे़ल्ले़ साम्योथिम् इङ्जाङ्ङोबा पाःन्जाःक्किन् मे़घे़प्सुआङ् खे़ङ्हाॽ के़रे़क् मे़हाबे़र मे़ये़बे़॥
खे़न् तुम्यक्याबाहाॽ नु यहुदि लाम्लोबाहाॽरे़ खुने़ॽ नोगप् मे़बिरु, “खुने़ॽ ताआङ् खे़न् ताक्के़भे़ॽबा मनाहाॽ से़क्खासाङ् साॽरिक् तुक्खे चाःत्तुसिर से़रुसिॽरो॥ हे़क्क्याङ् चे़ल्ले़क्सेॽ इक्किन् कुभ्रे़ःङ् लक् खोमारे़ लागि वेॽ इक्मबाहाॽ पिरुसिआङ् खे़ङ्हाॽरे़ चे़ल्ले़क्सेॽ तुम्मिल्ले़ कुलक्किन् मे़बिरुॽरो॥”
Piblisite