याकुब 4:8 - लिम्बु8 निङ्वाॽफुमाङ्ङिल्ले़ कुबेसाङ् त्ये़म्मे़ॽ, हे़क्क्याङ् खुने़ॽआङ् खिनिॽ पेसाङ् ताःरो॥ खिनिॽ लायोबासे, लायो चोःक्मा ले़रे़म्मे़ॽओ, हे़क्क्याङ् हिल्लिक्लिक्पा निङ्वाॽ के़गप्पासे, खिनिॽ सिक्लुङ्मान् सेसे चोगे़म्मे़ॽओ Gade chapit la |
याकुब 4:8
44 Referans Kwoze
आनिॽ तोःन्दोम्बा सेसे सिक्लुङ्मान्नु हे़क्क्याङ् हाङ्हाङ्बा नसाःन्निन्नु निङ्वाॽफुमाङ्ङिल्ले़ कुबेसाङ् पेगिरो॥ थेआङ्भे़ल्ले़ आनिॽ सेसे चोःक्से़ ख्रिस्तरे़ कुमाक्खिॽइल्ले़ आनिॽ ताप्फे़ःम्बा खासिङ्ङिन् साक्खुआङ् वाॽ हे़क्क्याङ् आनिॽ नासिङ्गे़न् थक्किन् सेसेबा च्वाःत्तिल्ले़ वाहप्तुआङ् वाॽरो॥
खे़निॽ पाधे़बाहाॽरे़ खुन्छिॽ ये़म्माङ्धोए खे़निॽ आङ्गाॽ चोगुङ्बा उवाहाॽ खे़म्मा के़न्दे़न्दिन्नाङ् के़नुःक्खि के़बेगिआङ् के़वयि हे़क्क्याङ् खे़न् साम्योथिम्हाॽ मे़न्इःत्ते मे़न्नाःत्ते के़वयि॥ खे़निॽ आङ्गाॽ ले़प्माङ् नुःक्खे़म्मे़ॽ हे़क्क्याङ् आङ्गाॽ खे़निॽ ले़प्माङ् नुःङ्ङाॽ॥ “कर खे़निॽ याप्मि पान् से़ःन्गे़लाप्तिॽ, ‘आनिगे आक्खेलॽरिक् नुःक्खिगे़बे?’
खे़न् आसाःल्ले़ कुदुम्से़ ये़आङ् मे़त्तु, “आसाए, के़रे़क् यहुदाबा नु बेन्यामिन मनासे आङ्गाॽ आबाःन्निन् खे़प्से़म्मे़ॽओ॥ आल्ल यहवे दाङ्बे़न्नु खिनिॽ के़वयिल्ले़ खुने़ॽआङ् खिनिॽनु वाॽरो॥ खुने़ॽ के़गोःत्तुम् के़हक्सुम्मिल्ले़ खुने़ॽ के़घोसुम्ॽ॥ खुने़ॽ के़नाॽरुम्ने़भग्र खुने़ॽआङ् खिनिॽ के़नाॽरिॽ॥
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
कन् वादोःक्किले़न् च्वाःत्तिङ्ग ताङ्गे़से़ःप्तिबा बप्तिस्माल्ले़ कुबि हे़क्तङ्बारो, कङ्ग थक्कोलाम् माक्ख्रक्किन् वागे़हप्तुम्बा हे़क्केग मेःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्हे़क्लो॥ हे़क्क्याङ् खे़न् सेसे खासिङ्ङिङ्ग ये़सु ख्रिस्ते़न् सिमे़न्लाम् याम्मो हिङे़बालाम् तारो॥
दाङ्बे़ल्ले़ अक्खे पाःत्तुरो, “कन् मनाहाॽ खुन्छिॽ नारा ओसेःन्धाक्से़ आङ्गाॽ आबेसाङ् मे़दारो हे़क्क्याङ् खुन्छिॽ मुराःल्ले़रक् आङ्गाॽ मिङ्सो इङ्धाङ् मे़बिआरो, कर खुन्छिॽ निङ्वान् आङ्गाॽलाम् माःङ्घा वाॽरो॥ खे़ङ्हाॽरे़ आङ्गाॽ से़वा मे़मे़त्ताबाङ्ग हने़ मनाहाॽरे़ मे़हुॽरुसिबा चोःक्थिम्लक्लो॥
आल्ल पिलातसरे़ थेआङ् चोःक्मा सुक्मे़न्दे़प्मनाबा नु याम्मो हयङ्किल्लिङ् के़बोङ्बा निसुआङ् कन् पाःन्नो खुने़ॽ कुहुक् होप् लॽरिक् ओसेःन्धाक्से़ कुहुक्हाॽ वाहप्तुर खे़ङ्हाॽ मे़त्तुसि, “कन् याःम्बक् मे़न्भेःन्ने के़वाॽबा मनाःल्ले़ कुसिमे़न्नो इङ्गाॽ आलक् होप्लो॥ अक्खे के़जोःक्पाहाॽग बा खिनिॽनिङ्लो!”
थेआङ्भे़ल्ले़ खे़ङ्हाॽरे़ आङ्गाॽ थिक्याःन्धक् मे़गोःत्तारो, आत्तिन् पाःन्निन् नुबा चोक् खे़न् के़जोःक्पा नु आबाङे निङ्वाॽफुमाङ्ङिल्ले़ कुइङ्जाङ्ङिन् मे़म्भेःम्मनाबा कर आङ्गाॽ आलाम्मिन् नाःप्मा कुसिङ् निःप्मा निङ्वाॽ के़जोःक्पा सुवाङ् हे़क्तङ्बाए खे़ङ्हाॽ निमे़दे़त्लो॥ खे़ङ्हाॽरे़ कुदोःप्मा निङ्वाॽ निःन्धोरे़ पाःन्हाॽ मे़नाःक्कारो, हे़क्क्याङ् निङ्वाॽफुमाङ्ङिन् खे़ङ्हाॽरे़ खुन्छिॽ निःत्ताङ् तार फाॽआङ् खुन्छिॽ निङ्वाॽ इगेःक् लॽबा निदे़त्लो॥
Piblisite