याकुब 3:1 - लिम्बु1 आमिःम् फुॽनुसाॽ नु ने़ॽनुसाॽसे, खिनिॽ लुम्मो यरिक् सिक्साम्बा पोङ्मा मे़गोःत्ते़म्मिन्ने़ॽओ, थेआङ्भे़ल्ले़ आनिॽ सिक्साम्बाहाॽ वेॽहाॽनुःल्ले़ के़साक्पा खासे़न्नो आधाःॽ के़लॽबान् के़निसुम्लो॥ Gade chapit la |
याकुब 3:1
30 Referans Kwoze
निङ्वाॽफुमाङ्ङिल्ले़ ख्रिस्तरे़ कुधक् सेसेहुप्लक्को अक्खेलॽरिक् सेःक्युक् चोगुसिआङ् वाॽरो— थिक्सिगेःक्पो सेःक्युक्मिबाहाॽ, निसिगेःक्पो माङ्निङ्वाॽपान् के़बाःप्पाहाॽ, सुम्सिगेःक्पो सिक्साम्बाहाॽ, हे़क्क्याङ् निङ्वाॽ के़माबा याःम्बक् के़जोःक्पाहाॽ, के़दुक्पा मनाहाॽ के़वेःम्बाहाॽ, कुभाॽ के़बिबाहाॽ, लाम्गे़लोबाहाॽ, हे़क्क्याङ् परिक्परिक्पा वेॽ पाःन्दाङ् के़बाःप्पाहाॽ॥
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
खिनिॽ लाम्लोबाहाॽरे़ के़म्मे़त्तिबा पाःन्निन् खे़प्से़म्मे़ॽ, हे़क्क्याङ् खुनिॽ युक्को वये़म्मे़ॽओ॥ खे़ङ्हाॽरे़ खिनिॽ कम्ब्राङ् के़म्मे़त्तिआङ् निङ्वाॽफुमाङ्ङो लक्पे़न्साबा मे़बोङ्लो॥ हे़क्केलॽरिक् खे़ङ्हाॽरे़ खे़न् याःम्बक्किन् मे़सःत्ल निङ्वाॽ मे़न्दुक्के मे़जोगुररो॥ खे़ङ्हाॽरे़ खुनिॽ निङ्वाॽ के़दुक्सुम् के़बिरुम्सिम्ने़ फाॽग्र खिनिॽ लागि थेआङ् इन्धाःक् मे़बोङ्ने़ल्लो॥
“मनाहाॽ पान् मे़धिक्ते़म्सिम्मे़न्ने़ॽ, हे़क्केलॽरिक् निङ्वाॽफुमाङ्ङिल्ले़ खिनिॽआङ् पान् के़न्धिक्तिन्लो॥ मनाहाॽ चे़ॽया इङ्दो मे़मे़त्ते़म्सिम्मे़न्ने़ॽओ, हे़क्केलॽरिक् खिनिॽआङ् चे़ॽया इङ्दो के़मे़म्मे़त्तिन्लरो॥ मनाहाॽ ले़प्मि पिरे़म्सिम्मे़ॽओ, हे़क्केलॽरिक् खिनिॽआङ् निङ्वाॽफुमाङ्ङिल्ले़ ले़प्मि के़बिरिॽरो॥
(खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग मेमेदुमाहाॽ इङ्गे़ले़क्तुम्सिम्माङ् खुनिॽ हिम्धाःङ्हाॽ के़नाप्तुम्सिम्, कर नुबा ओसेःन्धाक्सिङ्मारे़ लागि केःम्ब केःम्बा तुवा के़जोगुम्॥ खे़ल्ले़चोगुल्ले़ खिनिॽ खुम्दिङ्ङिङ्ग से़क्खासाङ् साॽरिक् किप्मा के़घुबा पोङ्लो॥)
Piblisite