याकुब 2:2 - लिम्‍बु

² आल्‍ल खिनिॽ सेसे चुम्‍लुङ्‌ङो मनाधिक् साम्‍म्‍याङ् स्‍वाःगे़प्‍पिन् नु नुबा चाङ् चाक्‍खुआङ् ताःॽ, हे़क्‍क्‍याङ् हाबा खे़न् ये़म्‍मोए याङ्‌गे़साॽबा चिरिङ्‌लिङ्‌बा चाङ् के़जाङ्‌बा मनाधिक्‍काङ् ताने़ फाॽग्र,

याकुब 2:2 Referans Kwoze

लुका 15:22

कर कुम्‍बारे़ खे़प्‍मो के़वाॽबा कुसे़वारोबाहाॽ मे़त्तुसि, ‘हारा पेगे़म्‍मे़ॽआङ् कन् आस्‍सा फोॽबान् काक्‍नुःल्‍ले़ नुबा तेःत्तिन् फे़त्ते़म्‍मे़ॽआङ् चाक्‍ते़म्‍मे़ॽ, कुहुक्‍चोओ स्‍वागेप् वाःत्ते़म्‍मे़ॽ, हे़क्‍क्‍याङ् कुलाङ्‌ङो लाङ्‌सुःप् चाक्‍ते़म्‍मे़ॽओ॥

ए़स्‍तर 8:2

खम्‍भ्‍याङ् हाङ्‌ङिल्‍ले़ हामाने़न् लाम्‍बा ताःक्‍तुबा एःप्‍साप् कुस्‍वागेःप्‍पिन् फे़न्‍दुआङ् मिक्‍तोक् कुइसिक् मोर्दकैन् पिरु॥ ए़स्‍तरे़ल्‍ले़ हामाने़ल्‍ले़ कुहिम् कुधाःङ्‌हाॽ मोर्दकैन् हुक्‍सुप्‍तु॥

ए़स्‍तर 3:10

खे़ब्‍याङ् हाङ्‌ङिल्‍ले़ खुने़ॽ कुस्‍वागेःप् एःप्‍साप्‍पिन् कुहुक्‍चोःक्‍कोलाम् फे़न्‍दुआङ् यहुदिहाॽरे़ खुन्‍छिॽ निङ्‌मि आगागि हम्‍मादाताःल्‍ले़ कुस्‍सा हामाने़न् पिरु॥

तोलिङ्‌सोमु 27:15

खे़ब्‍याङ् रिबेकाःल्‍ले़ हिम्‍मोलाम् कुस्‍सा तुम्‍बे़ल्‍ले़ नुःब्‍नुबा कुजाङ्‌हाॽ लःत्तुआङ् फे़त्तु, हे़क्‍क्‍याङ् कुस्‍सा फोःक्‌वाबा याकुबे़न् चाक्‍तु॥

यसैया 64:6

के़रे़क् आसुत्‍थो मना हे़क्‍तङ्‌बा पोःक्‍खिगे़आङ् वयिगे़रो, हे़क्‍क्‍याङ् आनिगे साम्‌योबा याःम्‍बक्‍हाॽ के़रे़क् चिःन्‍जिःन् के़घुबा कुद्रे़क् चाङ् हे़क्‍तङ्‌बा पोःक्‍खे़आङ् वाॽरो॥ आनिगे के़रे़क् ते़त्‍लाफे़क्‌वा कुइसिक् इले़मिघे़रिगे़रो, हे़क्‍क्‍याङ् आनिगे लायोल्‍ले़ सुरित् केजङ्‌ङिल्‍ले़ हे़क्‍के पक्‍खि तेॽरिगे़रो॥

लुका 23:11

हे़रोदे़न नु कुधक्‍सुबाहाॽरे़ ये़सुन् किनाःन्‍दि मे़बिरुर कुजाःत्‍थि मे़देसु, हे़क्‍क्‍याङ् परान्‍ला हाङ्‌तेत्तिन् मे़जाक्‍तु मे़बिरुआङ् याङ्‌ना पिलातसरो मे़बाङ्‌घु मे़देसुरो॥

याकुब 2:3

खे़न् नुबा चाङ् के़जाङ्‌बा मनान् मिङ्‌सो इङ्‌धाङ् के़बिरुम्‍ल “कप्‍मो नुबा ते़न्‍नो युङे़ॽओ” के़मे़त्तुम्, कर खे़न् याङ्‌गे़साॽबान् “खे़ने़ॽ खे़त्‍ना ये़बे़ॽ” इग्र “कप्‍मो खाम्‍मो युङे़ॽ” के़मे़त्तुम्‍ने़ फाॽग्र,