याकुब 2:18 - लिम्‍बु

¹⁸ आल्‍ल कुभारे़ मे़बाःत्तुबिला, “खे़ने़ॽ नसान् के़गत्तुॽ, कर इङ्‌गाॽ याःम्‍बक् कत्तुङ्॥” कर इङ्‌गाॽ मे़त्‍निङ्, “खे़ने़ॽ याःम्‍बक्‍किल्‍ले़ मे़गाप्‍तुम्‍बा के़नसाःन्‍निन् ओसेःन्‍धाक्‍ताङ्‌ङे़ॽ, हे़क्‍क्‍याङ् इङ्‌गाॽआङ् आयाःम्‍बक्‍लाम् आनसाःन्‍निन् ओसेःन्‍धाक्‍ने़ॽरो॥”

याकुब 2:18 Referans Kwoze

याकुब 3:13

खिनिॽ लुम्‍मो निङ्‌वाॽफुमाङ्‌ङिल्‍ले़ कुनिङ्‌वाॽ हे़क्‍के सिक्‍कुम्‍साबा नु इःत्‍छिङ्‌साम्‍साबाल्‍ले़ नुबा कुहिङ्‌मन्‍नोलाम् हे़क्‍क्‍याङ् सिक्‍कुम्‍दिङ् निङ्‌वाॽलाम् के़दाबा चुङ्‌जिगे़न् नःम्‍नःम्‍मो चोगुबा याःम्‍बक्‍कोलाम् ओसेःन्‍धाक्‍सिङ्‌लरो॥

१ तिमोथि 1:5

कन् इङ्‌जाङ्‌ङिल्‍ले़न् निङ्‌वाॽसोक्‍किङ्‌ग सेसे निङ्‌वाॽ, नुबा खासिङ् नु से़क्‍खाबा नसाःन्‍लाम् के़लःम्‍बा मिःम्‍जिरो॥

याकुब 2:14

आमिःम् फुॽनुसाॽ नु ने़ॽनुसाॽसे, आत्तिन् मनाःल्‍ले़ नसान् कत्तुङ् लॽरिक् पाःत्तुॽ कर याःम्‍बक् मे़जोगुन्‍ने़ फाॽग्र थे पोःक्‍खे़आङ्‌बे? हे़क्‍तङ्‌बा नसाःन्‍निल्‍ले़ खे़न् ताङ्‌से़ःप्‍मा सुक्‍तुॽबि?

गलाति 5:6

थेआङ्‌भे़ल्‍ले़ ख्रिस्‍त ये़सुरे़ कुलागिग हर्दो हे़क्‍मा नु मे़न्‍हे़क्‍मा पाःन्‍निन् थेआङ् मेःन्‍लो॥ कर के़रे़क्‍नुःल्‍ले़ यम्‍बा पाःन्‍निङ्‌ग आनिॽ नसाःन्‍निल्‍ले़ चोगुल्‍ले़ वेॽहाॽ लुङ्‌माॽ आदुक्‍तुम्‍सिम्‍लो॥

तितस 2:7

खे़ने़ॽ आप्‍फेक्‍काङ् नुबा याःम्‍बक्‍किल्‍ले़ कुबि पोःक्‍खे़ॽ, हे़क्‍क्‍याङ् के़निसाम्‍मो नोनिङ्‌वाॽसाबा नु ताःक्‍पोसाबा पोःक्‍खे़ॽओ॥

रोमि 14:23

कर चप्‍चि चोःक्‍कि के़जाबान् आबाङे लायोओ थाःरो, थेआङ्‌भे़ल्‍ले़ खे़ल्‍ले़ फेःन्‍दुङ् के़लॽबा निङ्‌वाॽ इतुर चःॽ॥ नसाःन्‍लाम्‍बा मे़म्‍बोङ्‌मनाबा काक् पाःन्‍हाॽ लायोरो॥

हिब्रु 11:31

नसाःन्‍लाम्‍बाए ये़रिहोओमा के़त्‍निमा राहाबरे़ इस्राइलि थोःम्‍जिबाहाॽ तरे़दोसुसिबाल्‍ले़ चोगुल्‍ले़ खे़न् निङ्‌वाॽफुमाङ्‌ङिल्‍ले़ कुइङ्‌जाङ् मे़ङ्‌घे़मनाबाहाॽनु मे़स्‍ये़ने़न्‍लो॥

हिब्रु 11:33

खे़ङ्‌हाॽरे़ग नसाःन्‍लाम्‍बाए हाङ्‌जुम्‍हाॽ मे़नाःन्‍दु, साम्‌योबा खासे़न् मे़लोःन्‍दु, माङ्‌हे़क् चोःक्‍मनाबा पाःन्‍हाॽ मे़घोसु॥ खे़ङ्‌हाॽरे़ खिरिङ्‌बाहाॽरे़ खुनिॽ मुरान् मे़सुबु,

हिब्रु 11:6

हे़क्‍क्‍याङ् नसान् मेःन्‍ने निङ्‌वाॽफुमाङ्‌ङिल्‍ले़ कुनिङ्‌वाॽ तामा सुक्‍मे़दे़त्‍ने़न्‍लो, थेआङ्‌भे़ल्‍ले़ खुने़ॽओ के़दाबाल्‍ले़ निङ्‌वाॽफुमाङ्‌ङिन् से़क्‍खाए वाॽ हे़क्‍क्‍याङ् निङ्‌वाॽ इगेःक्‍काङ् खुने़ॽ के़गोःप्‍पाहाॽ हाङ्‌से़म् पिरुसिॽरो लॽरिक् नसान् चोःक्‍माए पोङ्‌लो॥

१ कोरन्‍थि 13:2

इङ्‌गाॽ माङ्‌निङ्‌वाॽपान् पाःप्‍मा पर्धाःम् कत्तुङ्‌साङ्, के़रे़क् सिगाङ् पाःन्‍हाॽ नु के़रे़क् ने़हिनिङ्‌वाॽ कुसिङ् निःप्‍मा सुक्‍तुङ्‌साङ्, हे़क्‍क्‍याङ् कोःक्‍मा फाङ्‌जङ्‌हाॽ चप्‍मा नसान् कत्तुङ्‌साङ्, इङ्‌गाॽ वेॽहाॽ लुङ्‌माॽ मे़दुक्‍तुङ्‌सिङ्‌ङिन्‍ने़ फाॽग्र इङ्‌गाॽग थेआङ् मे़ःन्‍नारो॥

रोमि 3:28

खे़ल्‍ले़चोगुल्‍ले़ साम्‌योथिम्‍मिन् आइःत्तुम् आनाःत्तुम्‍माङ्‌ग मेःन्, कर नसाःन्‍लाम्‍मे आप्‍तिक् मेःन्‍नेबा आबोङ्‌लो॥

२ कोरन्‍थि 7:1

आमिःम् आन्‍जुम्‍से, आनिॽग कन् माङ्‌हे़क्‍हाॽ आघोसुम्‍माङ् आवाॽबाल्‍ले़ चोगुल्‍ले़ आनिॽ नासिङ्‌गे़न् थक् नु याम्‍साम् के़जिःम्‍बा पाःन्‍हाॽलाम् सेसे चोःक्‍कासिरो॥ हे़क्‍क्‍याङ् निङ्‌वाॽफुमाङ्‌ङिल्‍ले़ मिङ्‌सो इङ्‌धाङ् खोसुर फाॽआङ् आनिॽ सेसे पोःक्‍खिर पिगिरो॥

२ कोरन्‍थि 5:17

आत्तिल्‍ले़ ख्रिस्‍ते़न् नसान् चोगुॽ, खे़न् कुसङ् मना पोङ्॥ हे़क्‍क्‍याङ् तगिसमा पाःन्‍हाॽग ले़क्‍ते़बेआङ् काक् कुसङ् पोःक्‍खे़आङ् वाॽरो!

रोमि 8:1

खे़ल्‍ले़चोगुल्‍ले़ आल्‍ल ख्रिस्‍त ये़सुन् नु थिक्‍हुप् के़वाॽबाहाॽ निङ्‌वाॽफुमाङ्‌ङिल्‍ले़ आप्‍तिक् मे़गुःत्तुन्‍छिन्,

रोमि 4:6

दाउद हाङ्‌ङिल्‍ले़ निङ्‌वाॽफुमाङ्‌ङिल्‍ले़ खे़न् याःम्‍बक् मे़न्‍जोःक्‍के साम्‌योबा लेःत्तुबा मनान् आक्‍खे़न् मुॽइसाबाबे फाॽआङ् अक्‍खे पाःत्तुआङ् पत्,

रोमि 9:19

हे़क्‍केःल्‍ले़ खिनिॽओ कुभारे़ इङ्‌गाॽ अक्‍खे याप्‍मि के़मे़त्तिबिला, “हे़क्‍केने़ फाॽग्र निङ्‌वाॽफुमाङ्‌ङिल्‍ले़ आल्‍लसाङ् थेआङ् पान् आधिक्‍पाबे? आत्तिल्‍ले़आङ् खुने़ॽ चोःक्‍मा इःत्तुबा पाःन्‍निन् अप्‍मा मे़सुक्‍तुन्‍लो॥”