याकुब 1:8 - लिम्‍बु

⁸ खे़ङ्‌ग कुनिङ्‌वाॽ के़लाम्‍बा मनारो, हे़क्‍क्‍याङ् खे़ल्‍ले़ काक् चोगुबा याःम्‍बक्‍को चोगुङ्‌बि मे़जोःक्‍कान्‍बि लॽरो॥

याकुब 1:8 Referans Kwoze

१ हाङ् 18:21

एलियान् मनाहाॽरे़ खुन्‍छिॽ तगि त्‍ये़आङ् मे़त्तुसि, “खिनिॽ आभे़ल्‍ले़ थारिक् पिर्बेःम्‍बो के़ध्‍ये़ॽइआङ् के़युङिबे? यहवे दाङ्‌बे़न्‍ने निङ्‌वाॽफुमाङ्‌ने़भग्र खुने़ॽ तिम्‍दे़म्‍मे़ॽ॥ कर बाल माङ्‌ङिन् निङ्‌वाॽफुमाङ्‌भग्र खे़न् तिम्‍दे़म्‍मे़ॽ॥ कर मनाहाॽरे़ थेआङ् मे़म्‍बाःत्तुन्॥”

मत्ति 6:24

आत्तिल्‍ले़आङ् ने़प्‍फु दाङ्‌बाहाॽ से़वा चोःक्‍मासि मे़सुक्‍तुन्‍सिन्‍लो॥ खे़ल्‍ले़ थिक्‍किन् नुरिक् मे़त्तुॽआङ् वेॽसमा चिःत्तुॽरो, मे़ःङ्‌ग्र थिक्‍किन् इङ्‌धाङ् पिरुआङ् वेॽसमा इङ्‌धाङ् मे़बिरुन्‍लो॥ खे़ने़ॽ निङ्‌वाॽफुमाङ्‌ङिन् नु याङ्‌साकुन्‍धेन् सोसोरिक् से़वा चोःक्‍मा के़न्‍छुक्‍तुन्‍लो॥”

याकुब 4:8

निङ्‌वाॽफुमाङ्‌ङिल्‍ले़ कुबेसाङ् त्‍ये़म्‍मे़ॽ, हे़क्‍क्‍याङ् खुने़ॽआङ् खिनिॽ पेसाङ् ताःरो॥ खिनिॽ लायोबासे, लायो चोःक्‍मा ले़रे़म्‍मे़ॽओ, हे़क्‍क्‍याङ् हिल्‍लिक्‍लिक्‍पा निङ्‌वाॽ के़गप्‍पासे, खिनिॽ सिक्‍लुङ्‌मान् सेसे चोगे़म्‍मे़ॽओ

यसैया 29:13

दाङ्‌बे़ल्‍ले़ अक्‍खे पाःत्तुरो, “कन् मनाहाॽ खुन्‍छिॽ नारा ओसेःन्‍धाक्‍से़ आङ्‌गाॽ आबेसाङ् मे़दारो हे़क्‍क्‍याङ् खुन्‍छिॽ मुराःल्‍ले़रक् आङ्‌गाॽ मिङ्‌सो इङ्‌धाङ् मे़बिआरो, कर खुन्‍छिॽ निङ्‌वान् आङ्‌गाॽलाम् माःङ्‌घा वाॽरो॥ खे़ङ्‌हाॽरे़ आङ्‌गाॽ से़वा मे़मे़त्ताबाङ्‌ग हने़ मनाहाॽरे़ मे़हुॽरुसिबा चोःक्‍थिम्‍लक्‍लो॥

२ पत्रुस 2:14

खे़ङ्‌हाॽरे़ खुनिॽ मिक्‍किल्‍ले़ ताप्‍फे़ःम्‍बा याम्‍दादाबा चाराम्‍मा याःम्‍बक्‍हाॽ मे़जोगुआङ् आक्‍खे़न् लायो मे़जोगुसाङ् खुनिॽ निङ्‌वाॽ मे़दाने़न्‍लो॥ खे़ङ्‌हाॽरे़ कुदोःप्‍मा मनाहाॽ लायोओ मे़धासुसिॽ॥ खे़ङ्‌हाॽरे़ग खिःम्‍मा याःम्‍बक् चोःक्‍मा साॽरिक् मे़ले़स्‍सुॽरो॥ खे़ङ्‌हाॽग निङ्‌वाॽफुमाङ्‌ङिल्‍ले़ कुसाङ्‌ग्रारे़ ते़त्तुसिबा मनासिरो॥

२ हाङ् 17:41

यहवे दाङ्‌बे़न् माङ्‌से़वा मे़मे़त्तुसाङ् खे़ङ्‌हाॽरे़ खुन्‍छिॽ नावाइत्‍लाहाॽआङ् से़वा मे़मे़त्तुसि॥ आइन्‍बा ये़न् थारिक्‍के खे़ङ्‌हाॽरे़ खुन्‍छिॽ साएहाॽ नु मे़न्‍छाॽहाॽ खुन्‍छिॽ पाधे़बाहाॽरे़ खुन्‍छिॽ ये़प्‍ले़क्‍हाॽओ लाङ्‌मे़घेःक्‍ल मे़वाॽरो॥

२ पत्रुस 3:16

कन् पाःन्‍निल्‍ले़ कुयाःम्‍बेओग पावलरे़ बा अक्‍खेलॽरिक्‍के कुसक्‍इङ्‌घङ्‌हाॽओ साप्‍तुआङ् वये़॥ खुने़ॽ साप्‍तुबा कुभा पाःन्‍हाॽ कुसिङ् निःप्‍मा साक्‍लो॥ थेआङ् मे़ल्‍ले़मनाबा नु हिल्‍लिक्‍लिक्‍पा मनाहाॽरे़ग खे़न् पाःन्‍निल्‍ले़ कुबेन् मे़ले़क्‍खुआङ् मे़वाॽरो॥ खे़ङ्‌हाॽरे़ वेॽ साम्‌योसाप्‍लाओ के़बप्‍पा पाःन्‍हाॽरे़ कुबेन्‍नाङ् बा हे़क्‍केलॽरिक्‍के मे़ले़क्‍खुआङ् मे़वाॽ॥ हे़क्‍के मे़जोगुबाल्‍ले़ चोगुल्‍ले़ खे़ङ्‌हाॽरे़ खुनिॽ मे़क्‍मान् आबाङे मे़दारुरो॥

२ हाङ् 17:33

खे़ङ्‌हाॽरे़ यहवे दाङ्‌बे़न् माङ्‌से़वाग मे़मे़त्तु, कर खुन्‍छिॽ आत्तिन् सुवाङ्‌हाॽलाम् मे़भे़त्तुसिआङ् मे़वये़, खे़ङ्‌हाॽरे़ खुन्‍छिॽ साक्‍थिम् कुइसिक् मे़वये़आङ् खुन्‍छिॽ आप्‍फेक् माङ्‌हाॽ से़वा मे़मे़त्तुसि॥

होसे 10:2

खे़ङ्‌हाॽरे़ खुन्‍छिॽ सिक्‍लुङ्‌मान् इङ्‌ले़क्‍पा चोक्‍लो, हे़क्‍क्‍याङ् खुन्‍छिॽ आप्‍तिक्‍किल्‍ले़ कुले़क्‌वा खुम्‍दिङ् खोमाए पोङ्‌लो॥ यहवे दाङ्‌बे़ल्‍ले़ खे़ङ्‌हाॽरे़ खुन्‍छिॽ ले़त्ति तोःम्‍मादे़न्‍हाॽ यन्‍छु पिरुसिरो, खे़ङ्‌हाॽरे़ खुन्‍छिॽ सेसे लुङ्‌हाॽ वरे़ङ्‌ले़ङ् यःप्‍सु पिरुसिरो॥

मत्ति 6:22

“मिक्‍किङ्‌ग नासिङ्‌गे़न् थक्‍कोबा सेमिरो, खे़ल्‍ले़चोगुल्‍ले़ के़मिक्‍किन् नुॽने़ फाॽग्र, के़रे़क् नासिङ्‌गे़न् के़धक्‍किन् ओःत्‍लो॥

निङ्‌वाॽफु साम्‍लोसुम् 119:113

निरिक्‍काङ् खे़ने़ॽओ निङ्‌वाॽ मे़म्‍बिमनाबाहाॽ चिःत्तुङ्‌सिङ्‌लो, कर आङ्‌गाॽग खे़ने़ॽ के़इङ्‌जाङ्‌हाॽ आङ्‌गाॽ आसिराॽ थाङ्‌लो॥

याकुब 1:7

हे़क्‍केलॽरिक् चप्‍चि के़जोःक्‍पा मनाःल्‍ले़ यहवे दाङ्‌बाओलाम् थे पाःन्‍नाङ् खोसुङ् फाॽआङ् मे़इःत्तुन्‍लरो॥