याकुब 1:6 - लिम्‍बु

⁶ कर के़नाःक्‍पाल्‍ले़ नाःक्‍तुबा पाःन्‍निन् खोसुङ् फाॽआङ् चप्‍चि मे़न्‍जोःक्‍के नाःक्‍तुर पोङ्‌लो॥ चप्‍चि के़जोःक्‍पाङ्‌ग सुरित् केजङ्‌ङिल्‍ले़ मुःत्तुल्‍ले़ वाहङ्‌ङो के़बोःक्‍पा वाभे़ल्‍ले़ङ्‌ङिन् कुइसिक् यो ना थोबा पोङ्‌लो॥

याकुब 1:6 Referans Kwoze

हिब्रु 11:6

हे़क्‍क्‍याङ् नसान् मेःन्‍ने निङ्‌वाॽफुमाङ्‌ङिल्‍ले़ कुनिङ्‌वाॽ तामा सुक्‍मे़दे़त्‍ने़न्‍लो, थेआङ्‌भे़ल्‍ले़ खुने़ॽओ के़दाबाल्‍ले़ निङ्‌वाॽफुमाङ्‌ङिन् से़क्‍खाए वाॽ हे़क्‍क्‍याङ् निङ्‌वाॽ इगेःक्‍काङ् खुने़ॽ के़गोःप्‍पाहाॽ हाङ्‌से़म् पिरुसिॽरो लॽरिक् नसान् चोःक्‍माए पोङ्‌लो॥

एफिसि 4:14

हे़क्‍केःल्‍ले़ आनिॽ अङे़ःक्‌वाहाॽ कुइसिक् कुनिङ्‌वाॽ के़बाःक्‍पा आम्‍बोङ्‌ने़न्॥ हे़क्‍क्‍याङ् वाभे़ल्‍ले़ङ्‌ङिल्‍ले़ हिप्‍तुआङ् वाःन्‍दुबा खःङ्‌बेन् कुइसिक् इङ्‌ले़क्‍के मनाहाॽरे़ खुनिॽ मुजाःप्‍पा फे़न् निसाम्‍मिल्‍ले़ आनिॽ ना कत्‍ना आन्‌वाःन्‍ने़न्‍लो॥

हिब्रु 10:23

हे़क्‍क्‍याङ् आनिॽ आगत्तुम् लॽरिक् ते़न्‍दिङ् आजोगुम्‍बा निङ्‌साङ्‌ङिन् मे़ल्‍ले़त्ते कत्तुम्‍लो, थेआङ्‌भे़ल्‍ले़ माङ्‌हे़क् के़जोःक्‍पाङ्‌ग नसाःन्‍साबा चोक्‍लो॥

हिब्रु 13:9

परिक् परिक्‍पा कुसङ् निसाम्‍हाॽओ लाम्‍मे़बोःत्ते़म्‍मिन्‍ने़ॽओ॥ साक्‍थिम् कुइसिःक्‍पा चामा थुङ्‌माल्‍ले़ग मेःन्, कर निङ्‌वाॽफु लुङ्‌गुम्‍लाम्‍बाने़ खिनिॽ याम्‍साम्‍मिन् के़धुम्‍बा पोङ्‌मा नुबा पोङ्‌लो॥ हे़क्‍तङ्‌बा चामा थुङ्‌मा थिम् के़इःप्‍पा के़नाःप्‍पाहाॽरे़ थेआङ् इन्‍धाःक् मे़ङ्‌घोसुन्‍लो॥

१ तिमोथि 2:8

इङ्‌गाॽ काक् ये़म्‍बित्‍छाॽसाहाॽरे़ आत्तान्‍छाङ् याःक्‍मे़ल्‍ले़ॽए, मे़ङ्‌घेए मे़न्‍धक्‍के हे़क्‍क्‍याङ् सेसेबा हुक्‍हाॽ मे़भोःक्‍खुर निङ्‌वाॽफुमाङ्‌ङिल्‍लो तुवा मे़जोगुर फाॽआङ् निङ्‌वाॽ चोगुङ्‌लो॥

२ पत्रुस 2:17

अक्‍तङ्‌बा मनाहाॽग के़जप्‍पा वाबुन् नु सुरित्‍माल्‍ले़ मुःत्तु तेॽरुबा खाप्‍मिःप्‍पा हे़क्‍तङ्‌बासिरो॥ कङ्‌हाॽरे़ लागि निङ्‌वाॽफुमाङ्‌ङिल्‍ले़ खामाक् लुम्‍बाःत्तिन् यारिप् चोगुआङ् ने़रो॥

तोलिङ्‌सोमु 49:4

च्‍वाःत् हे़क्‍तङ्‌बा खे़ने़ॽ के़ले़ःङ्‌बाआङ् के़वाॽबाने़रो, के़मिङ्‌सो के़धाङ्‌सोरे़ के़न्‍दक्‍ने़ल्‍लो, थेआङ्‌भे़ल्‍ले़ खे़ने़ॽ के़म्‍बारे़ कुइप्‍नाओ के़लासे़, हे़क्‍क्‍याङ् खुने़ॽ कुमेःत्ते़न्‍नु के़इप्‍से़, हे़क्‍क्‍याङ् खे़न् आसुत्‍थो के़जोगुरो॥

मत्ति 14:28

हे़क्‍केःल्‍ले़ पत्रुसरे़ मे़त्तु, “दाङ्‌बे, से़क्‍खा खे़ने़ॽएने़ फाॽग्र इङ्‌गाॽआङ् च्‍वाःत् सम्‍दाङ् लाङ्‌घेगे़र फे़रे़ॽ मे़त्ताङ्‌ङे़ॽओ॥”

सेःक्‌युक्‍मिबाहाॽ 10:20

खे़ल्‍ले़चोगुल्‍ले़ पोगे़ॽआङ् यो थ्‍ये़ॽ, हे़क्‍क्‍याङ् थिम्‍मे़न्‍दङ् सुवाङ्‌सि फाॽआङ् चप्‍चि मे़न्‍जोःक्‍के खे़ङ्‌हाॽनु पेगे़ॽओ॥ खे़ङ्‌हाॽग इङ्‌गाॽए पाङ्‌घुङ्‌सिङ्‌बारो॥”

याकुब 1:7

हे़क्‍केलॽरिक् चप्‍चि के़जोःक्‍पा मनाःल्‍ले़ यहवे दाङ्‌बाओलाम् थे पाःन्‍नाङ् खोसुङ् फाॽआङ् मे़इःत्तुन्‍लरो॥

याकुब 5:15

हे़क्‍क्‍याङ् नसाःन्‍लाम्‍बा चोःक्‍मनाबा तुवाःल्‍ले़ खे़न् के़दुक्‍पे़न् वेःत्‍लो॥ दाङ्‌बाल्‍ले़ खे़न् वेःन्‍दुॽरो॥ खे़ल्‍ले़ लायो चोगुआङ् वये़साङ्, दाङ्‌बाल्‍ले़ खे़न् ले़प्‍मि पिरुॽरो॥