याकुब 1:21 - लिम्बु21 खे़ल्ले़चोगुल्ले़ ताप्फे़ःम्बा नु सिक्के़ले़ःङ्बा पाःन्हाॽ ले़रे़म्देःसे़म्मे़ॽआङ् निङ्वाॽफुमाङ्ङिल्ले़ खिनिॽ सिक्लुङ्मो लेःत्तुबा खिनिॽ ताङ्से़ःप्मा के़सुक्पा कुबाःन्जाक्किन् खिनिॽ नःम्नःम्माङ् ताःक्ते़म्मे़ॽओ॥ Gade chapit la |
याकुब 1:21
37 Referans Kwoze
खे़ल्ले़चोगुल्ले़ नसानिबा हिङ्मन्ले़ कुयाःम्बेओ कम्म्याक् यरिक् तोःन्दिहाॽरे़ खुनिॽ लुम्मो आवाॽबाल्ले़ चोगुल्ले़ याप्मि के़हम्बा पाःन्हाॽ नु के़रे़क् परिक्ले़न् याप्मि के़घबा लायोहाॽ लाप्फुसुम्लो, हे़क्क्याङ् निङ्वाॽफुमाङ्ङिल्ले़ ने़स्सु आबिरे़बा लोःक्लोःक्के चाःत्तो नासि थःत्तुम्ल लोःक्तिरो॥
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
यहवे दाङ्बे़ल्ले़ कुइङ्जाङ् के़इःप्पा के़नाःप्पा कन् लाजेॽओबा चुङ्जिगे़न् नःम्नःम्बासे, खिनिॽ खुने़ॽ कोःत्ते़म् हक्से़म्मे़ॽओ॥ साम्योनिमान् खिनिॽ कोःत्ते़म्मे़ॽओ, चुङ्जिगे़न् नःम्नःम्बा पाःन्हाॽ हक्से़म्मे़ॽओ, यहवे दाङ्बे़ल्ले़ कुसाक्के़न् पोःक्मा ये़न्नो हाग खिनिॽ से़ःप्सिङ्मादे़न् के़घोसुम्बिरो॥
थेआङ्भे़ल्ले़ आनिगे सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे पाःत्तुम्बे़बा पाःन्निन् से़क्खासमा वये़ फाॽआङ् के़निसुम्लो॥ आनिगे खिनिॽनु वयिगे़ल्ले़ खिनिॽ लागि आनिगे हिङ्मन्निन् आक्तङ्बा वये़ के़लॽबान् नुरिक्काङ् के़निसुम्माङ् वाॽरो॥
Piblisite