याकुब 1:19 - लिम्बु19 आमिःम् फुॽनुसाॽ नु ने़ॽनुसाॽसे, नाघे़म्माओ के़रे़क् चात्ते़म्मे़ॽओ, कर पाःप्माओ नु सिक् पोःक्माओ सुःसे़म्मे़ॽओ फाॽआङ् कुसिङ् निःत्ते़म्मे़ॽओ॥ Gade chapit la |
कर इङ्गाॽ मे़त्निङ्, हात् कुन्साॽइन्नु कुयाःक्ले़ॽ, खे़ल्ले़ खुम्दिङ् खोसुॽरो॥ याम्मो हाःत्ले़ कुन्साॽइन् कुनामे़न्छाॽ मे़त्तुॽ, खे़ङ्ग के़रे़क्नुःल्ले़ यम्बा यहुदि खासे़न्लोःम्बाहाॽरे़ खुनिॽ तगि मे़ये़प्सुॽ, कर हाःत्ले़ कुन्साॽइन् ‘अदङ्’ मे़त्तुॽ, खे़ङ्ग खे़मायङ्सङ्ङोबा मिओ पेःक्मा सुक्लो॥
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
खे़ङ्हाॽरे़ के़इङ्जाङ्ङिन् इःप्मा नाःप्मा मे़न्दे़न्दे़न्लो, हे़क्क्याङ् खुन्छिॽ मे़निसुर के़जोगुबा के़रे़क् के़याःम्बक्हाॽ नु निङ्वाॽ के़माबा के़याःम्बक्हाॽ खे़ङ्हाॽरे़ निङ्वाॽ मे़भेःत्छुरो॥ खे़ङ्हाॽ आबाङे आङ्दिङ् मे़लॽरे़आङ् याम्मो मिस्र लाजेॽओ योक् पोङ्से़ नुःङ्मा पेःक्मा फाॽआङ् खे़ङ्हाॽरे़ लाम्लोबाधिक् मे़सेगुरो॥ कर खे़ने़ॽ ले़प्मि के़बिबा निङ्वाॽफुमाङ्ने़रो, लुङ्माॽ आदुक्तुक्पा नु नुरिक् आमे़प्मे़प्पा हे़क्क्याङ् हारा कुसिक् मे़म्बोःक्मनाबा निङ्वाॽफुमाङ्ने़रो, खे़ने़ॽ साॽरिक् लुङ्माॽ आदुक्तुक्पा के़जोःक्लो, खे़ङ्हाॽ के़न्नाॽरुन्सिन्लो॥
खे़ङ्हाॽ आबाङे मे़ये़बे़बादे़न्नो मे़ये़म्सिङ् हे़क्क्याङ् कुमुक् सुम्सि थारिक् खुनिॽ यहवे दाङ्बा निङ्वाॽफुमाङ्ङिल्ले़ कुसाम्योथिम् इङ्जाङ् साप्पनिन् मे़निरु॥ खे़ब्याङ् खे़ङ्हाॽरे़ वेॽ कुमुक् सुम्सि थारिक् आबाङे खुनिॽ लायोलाम् मे़हिन्दे़र खुनिॽ यहवे दाङ्बा निङ्वाॽफुमाङ्ङिन् चक्मे़ल्लॽए साबन् मे़भन्छिङ्ङाङ् से़वा मे़मे़त्तुआङ् मे़बत्छे़॥
थिक्सिगेक्पा ये़न्नाङ्धो कुनुप्मा ये़न् थारिक् थिक्याःन्धक् ए़ज्राःल्ले़ निङ्वाॽफुमाङ्ङिल्ले़ कुसाम्योथिम् इङ्जाङ्ङिन् निरु॥ नुसि ये़न् थारिक् खे़ङ्हाॽरे़ अक्खेलॽरिक् ससाङ्स्रोत् मे़जोगु॥ हे़क्क्याङ् ये़त्छिगेक्पा ये़न्नो साम्योथिम् कुइसिक् खे़ङ्हाॽरे़ कुनुप्मा चुम्लुङ् मे़जोगुरो॥
फुॽनुसाॽ नु ने़ॽनुसाॽसे, वेॽहाॽरे़ तक्ले़ङ्वाओ ताप्फे़ःम्बा पान् मे़बारे़म्मिन्ने़ॽओ॥ आत्तिन् कुन्साॽरे़ कुदक्ले़ङ्वाओ ताप्फे़ःम्बा फे़न्पान् पाःत् इग्र आत्तिल्ले़ कुन्साॽ आप्तिक् कुःत्तुॽ, खे़ङ्ग साम्योथिम्मिल्ले़ कुदक्ले़ङ्वाओ पाःत्ताङ् साम्योथिम्मिन् खासे़न् लोःन्दुॽरो॥ आल्ल साम्योथिम्मिन् खासे़न् के़लोःन्दुॽने़ फाॽग्र, साम्योथिम् के़इःप्पा के़नाःप्पा मेःन्, कर साम्योथिम्मिल्ले़न् खासे़न्लोःम्बा के़बोङ्लो॥