यसैया 9:19 - लिम्बु19 मुक्साम्दाङ्बा यहवे दाङ्बे़ल्ले़ कुसाक्के़न्निल्ले़ लाजेन् खाप्पुथ्यःङ् पोङ्लो, मनाहाॽ मि हाःम्मा तिङ्ग्रेक् हे़क्तङ्बा मे़बोःक्खे़आङ् मे़वाॽरो॥ हे़क्क्याङ् आत्तिन् मनाहाॽरे़आङ् आबाङे खुन्छिॽ फुॽनुसाॽहाॽ लुङ्माॽ मे़न्दुक्तुसिन्लो॥ Gade chapit la |
यसैया 9:19
32 Referans Kwoze
खागे़माक्पा नु मुदोखाम्दोबा ये़न् पोङ्लो, माक्सिःङ्ग्याःप्पा नु मुगे़दःम्बा ये़न् पोङ्लो॥ कोःक्मा फाङ्जङ् थे़गुहाॽओ खाओःप्मान् से़बा हे़क्के मुक्के़गुबा थक्सुबाहाॽ कुइसिक् साॽरिक् यरिक् निःङ्घुक्वाहाॽ मे़दारो॥ तगि हे़क्तङ्बा आप्फाल्ले़आङ् मे़म्बोङ्ङे वये़रो हे़क्क्याङ् याम्मो थाःक्थाःक्को थारिक् आभे़ल्ले़आङ् मे़बोङ्ने़न्लो॥
हे़क्क्याङ् यहवे दाङ्बे़ल्ले़ खे़न् मनाहाॽ अक्खे मे़त्तुसिबा आङ्गाॽ खे़प्सुङ्, “ये़क्यक् के़रे़क् पिसाङ् खिनिॽ खे़न् तिम्दे़म्मे़ॽ खे़ब्याङ् खुन्छिॽ त्वाबो मिक्सेन् मे़म्बप्मनाबा के़रे़क् से़रे़म्सिम्मे़ॽ॥ लुङ्माॽ मे़दुक्ते़म्सिम्मिन्ने़ॽ, लुङ्माॽ स्याःत् लॽमा ओसेःन् मे़धाक्ते़म्सिम्मे़न्ने़ॽ!
खुने़ॽ खामाक्मान् ताःप्मानुःल्ले़ तगिए, युःन्छिक्पा खाधाम्मो थे़गु माङ्वाहाॽओ खिनिॽ लाङ्हाॽ तोःक्मानुःल्ले़ तगिए यहवे दाङ्बा खिनिॽ निङ्वाॽफुमाङ्ङिन् मिङ्सो इङ्धाङ् पिरे़म्मे़ॽओ॥ खिनिॽग से़न्दाङ्गे़न् ओःत्तिःन् ओमे़प्मा निङ्वाॽ के़जोगुम्लो कर खुने़ॽ खे़न् खामाक्मो ले़क्खुआङ् माक्सिःङ्ग्याःप्पा चोगुरो॥
कल्ले़चोगुल्ले़ लत्छा माङ्देधिक्ले़ इक्सादिङ् खाम्बेःक्मान् खाप्पुथ्यःङ् पोङ्लो॥ हे़क्क्याङ् खे़न् इक्सादिङ् खाम्बेःक्मो के़युङ्बा मनाहाॽरे़ खुन्छिॽ आप्तिक्किल्ले़ खुम्दिङ् मे़घोसुरए पोङ्लो॥ पा कल्ले़चोगुल्ले़ योॽबा लाजेॽओ के़युङ्बा मनाहाॽरे़ मिमे़धिक्खु मे़से़रुसिरो, हे़क्क्याङ् चबे़ःत्छिक् मनाहाॽरक् मे़हिङे़ मे़याःक्ते़आङ् मे़वाॽरो॥
थिक् मनाःल्ले़ वेॽसमा मनान् निङ्घुम् मे़त्तुरो थिक् मनान् वेॽसमा मनाःल्ले़ कुदक्ले़ङ्वाओ पोःक्लो॥ थिक् हिम्बेसाङ्बे़न् वेॽसमा हिम्बेसाङ्बे़ल्ले़ कुदक्ले़ङ्वाओ पोःक्लो, काप्पो तुम्साहाॽरे़ खुन्छिॽ तक्ले़ङ्वाओ चप्प्रक् थाङ्बे़न् के़गे़प्पाहाॽ मे़बोक्लो हे़क्क्याङ् मिङ्सो इङ्धाःङ्साबाहाॽरे़ खुन्छिॽ तक्ले़ङ्वाओ थेनाधेबा सुहि मनाहाॽ मे़बोक्लो॥
खे़ल्ले़चोगुल्ले़ मिःल्ले़ याॽलाङ्ङिन् हाॽरुआङ् खाप्पुथ्यःङ् चोगुबा नु के़हेबा याःन्निन् मिःल्ले़ हाॽरुआङ् खाप्पुथ्यःङ् पोङ्बा कुइसिक् खे़ङ्हाॽरे़ खुन्छिॽ साःप्पे़न् किबेःक्लो॥ खे़ब्याङ् खे़ङ्हाॽरे़ खुन्छिॽ फुङ्ङिन्नाङ् खाम्हिःक् पेबा कुइसिक् पे़बेःक्लो थेआङ्भे़ल्ले़ खे़ङ्हाॽरे़ मुक्साम्दाङ्बा यहवे दाङ्बे़ल्ले़ कुधिम्मे़न् इःप्मा नाःप्मा मे़ले़रुआङ् वाॽरो॥ हे़क्क्याङ् इस्राइलबा सेसेबा निङ्वाॽफुमाङ्ङिल्ले़ कुइङ्जाङ्ङिन् कुनामे़न्छाॽ मे़मे़त्तुआङ् वाॽरो॥
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
यहवे दाङ्बाए, खे़ङ्हाॽ खुम्दिङ् पिमासिरे़ लागि के़हुक्किल्ले़ थाःङ् के़साःप्सुसिआङ् पत्लो, कर खे़ने़ॽ के़हुक्किल्ले़ के़साःप्सुसिसाङ् खे़ङ्हाॽरे़ निनिआङ् मे़ल्लाप्तुन्लो॥ आबाङे के़मनाहाॽरे़ खुनिॽ लागि खे़ने़ॽ के़सिक्सम्मान् खे़ङ्हाॽरे़ मे़निसुआङ् खे़ङ्हाॽ सिरिङ्ममो मे़धाररो॥ खे़ने़ॽ के़दक्ले़ङ्वाओ के़बोःक्पाहाॽरे़ लागि लाःत्लाःत् के़युक्सुबा मिःल्ले़ खे़ङ्हाॽ खाप्पुथ्यःङ् चोगुसिररो॥
सियोनओ के़वाॽबा लायोबाहाॽ मे़गिसे़आङ् मे़वाॽरो, निङ्वाॽफुमाङ् वाॽ फाॽआङ् निङ्वाॽफुमाङ्ङिन् कुसिङ् मे़न्निप्नाबा मनाहाॽ किमा यङ्मारे़ ते़म्सुसिआङ् मे़वाॽरो, खाप्पुथ्यःङ् आजोःक्चोःक्पा मिओ युङ्मा के़सुक्पा आनिॽओ हात् वाॽबे? आभे़ल्ले़साङ् मिधुङ्दिङ् मिराःक् के़बोःक्पादे़न्नो युङ्मा के़सुक्पा आनिॽओ आत्तिन् वाॽग?
खे़ल्ले़चोगुल्ले़, खे़ङ्हाॽरे़ खुन्छिॽ सम्धाङ् मि हे़क्तङ्बा खुने़ॽ कुसिक्के़न् थासुरो हे़क्क्याङ् ते़न्धङ्ङो खे़ङ्हाॽ मे़क्खुसिरो॥ खे़ल्ले़चोगुल्ले़ खे़ङ्हाॽरे़ खुन्छिॽ के़रे़क् पिसाङ् मि तिरे़रो, हम्भसाङ् खे़ङ्हाॽरे़ कुसिङ् मे़न्निःत्तुल्लो॥ खे़न् मिःल्ले़ खे़ङ्हाॽ मे़क्खुसिरो, हे़क्केसाङ् खे़न् पाःन्निन् खे़ङ्हाॽरे़ खुन्छिॽ निङ्वाॽओ मे़न्युक्खुल्लो॥”
लाङ्गे़त् ले़प्माङ्बा ताम्भुङ्ङिन् खे़ने़ॽ अक्खे मे़त्ते़ॽ—‘यहवे दाङ्बे़ल्ले़ कुइङ्घङ्ङिन् खे़प्से़ॽ॥ मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ खे़ने़ॽ फाःत्त्रा केःत्ने़रो, हे़क्क्याङ् के़रे़क् सिङ्बुङ्हाॽ, सरेःक्याःप्पा नु के़हेबा ने़प्माङ् मिदिक्लो॥ किप्मा पघुगे़घुबा मिधुङ् मिराःक्हाॽ मे़न्छे़रुन्ॽ, हे़क्क्याङ् यो ते़मे़नलाम् थाङ्गे़त् ले़प्माङ् के़रे़क् पाःन्हाॽ ये़म्दुरो॥
खे़ङ्हाॽरे़ खुन्छिॽ तगि तगि मिःल्ले़ खाप्पुथ्यःङ् चोगुरो खे़ङ्हाॽरे़ खुन्छिॽ एगाङ् एगाङ् मिधुङ् मिराःक् तिःत्लो॥ खे़ङ्हाॽरे़ खुन्छिॽ तगाङ् खाम्बाङ्ङिन् अदनबा सिङ्सेॽइक् हे़क्तङ्बा चोक्लो, खे़ङ्हाॽरे़ खुन्छिॽ एगाङ् मुरे़ःक् खे़रे़ःक् थेआङ् के़होःप्पादे़न् हे़क्तङ्बा चोक्लो, खे़ङ्हाॽओलाम् थेःन्नाङ् खे़त्छिङ्मा मे़सुक्ने़न्लो॥
याकुबरे़ कुहिम्सयङ्हाॽ मि मे़बोङ्लो हे़क्क्याङ् योसेफरे़ कुहिम्सयङ्हाॽ मिराक् मे़बोङ्लो॥ खम्भ्याङ् एसावरे़ कुहिम्सयङ्हाॽग के़हेबा याःन्सुङ् मे़बोङ्लो, हे़क्क्याङ् खे़ङ्हाॽरे़ एसावरे़ कुहिम्सयङ्हाॽ मिमे़धिक्खुसिरो॥ खे़ब्याङ् खे़ङ्हाॽ वरे़ङ्ले़ङ् खाप्पुथ्यःङ् मे़बोङ्लो एसावरे़ कुहिम्सयङ्लाम् हाःत्ताङ् कुहिङ्वे़त् मे़न्दाङ्ने़न्लो॥” यहवे दाङ्बे़ल्ले़ कन् पाःत्तुङ्ङाङ् वाॽरो॥
थेआङ्भे़ल्ले़ आल्लआङ्धो लाजेॽओबा मनाहाॽ आलुङ्माॽ स्याःत् मे़ल्लॽने़न्॥ से़क्खासाङ् आङ्गाॽ के़रे़क् खुन्छिॽ आप्फेक् हिम्बेसाङ्बाहाॽरे़ खुन्छिॽ हुक्को नु खुन्छिॽ आप्फेक् हाङ्ङिल्ले़ कुहुक्को थासुङ्सिङ्ॽ॥ खे़ङ्हाॽरे़ लाजेन् मे़युक्तुॽ, हे़क्क्याङ् खे़ङ्हाॽरे़ खुन्छिॽ हुक्कोलाम् आङ्गाॽ खे़ङ्हाॽ मे़से़ःप्तुङ्सिङ्ङिन्ॽ॥”
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
Piblisite