Biblia Todo Logo
Bib sou entènèt

- Piblisite -




यसैया 9:17 - लिम्‍बु

17 खे़ल्‍ले़चोगुल्‍ले़ दाङ्‌बान् नालिगे़न् थाङ्‌बे़न्‍हाॽनु मे़सःत्‍ने़न्‍लो, हे़क्‍क्‍याङ् मेमेदुमाहाॽ नु चुङ्‌जिगे़न् ये़त्‍छाबा ये़त्‍छामाहाॽआङ् लुङ्‌माॽ मे़दुक्‍तुसिन्‍लो॥ थेआङ्‌भे़ल्‍ले़ खे़ङ्‌हाॽ के़रे़क् निङ्‌वाॽफुमाङ् कुसिङ् मे़न्‍निःप्‍मनाबा मे़जोक्‍लो, खे़ब्‍याङ् ताप्‍फे़ःम्‍बा पान् नु इङ्‌ले़क्‍के पान् मे़बाःत्‍लो॥ आल्‍लसाङ् यहवे दाङ्‌बे़ल्‍ले़ कुसिक्‍के़न् मे़न्‍जिप्‍पे वाॽबाल्‍ले़ चोगुल्‍ले़ खे़ङ्‌हाॽ खुम्‍दिङ् पिमासिरे़ लागि खुने़ॽ कुहुक्‍किल्‍ले़ हाबा साःप्‍सुसिआङ् पत्‍लो॥

Gade chapit la Kopi




यसैया 9:17
33 Referans Kwoze  

खे़ल्‍ले़चोगुल्‍ले़ आल्‍ल खे़ङ्‌हाॽरे़ खुन्‍छिॽ साहाॽ साक्‍मे़न्‍जाए मे़सिररो, खे़ङ्‌हाॽग हयङ् ते़न्‍धङ्‌ङो मे़से़रुसिररो, मे़न्‍छुमाहाॽरे़ खुन्‍छिॽ ये़म्‍बाहाॽ नु साहाॽ मे़मासुसिररो, ये़म्‍बित्‍छाहाॽ तुक्‍मा लाःक्‍मा मिङ्‌देल्‍ले़ मे़सिररो हे़क्‍क्‍याङ् नालिगे़न् थाङ्‌बे़न्‍हाॽ थङ्‌ङो मे़से़रुसिररो॥


मे़नाप्‍तुसिबा चिगक्‌वाहाॽ नाप्‍मासि नु हिप्‍मासि थक्‍मासिआङ् मे़ङ्‌मासि फाॽआङ् माराम्‍मोबा ले़क्‌वान् कुइसिक् चिदोॽ चिदोॽ तोॽमासिरे़ लागि निङ्‌वाॽफुमाङ्‌ङिन् कुसिङ् मे़न्‍निःप्‍नाबा सुवाङ्‌ङिन् हे़क्‍क्‍याङ् आङ्‌गाॽ आसिक् के़भोङ्‌बाहाॽरे़ खुन्‍छिॽ तक्‍ले़ङ्‌वाओ खे़ङ्‌हाॽ हाराहारा पाङ्‌घुङ्‌सिङ्‌ङाङ् वाॽरो॥


खे़ल्‍ले़चोगुल्‍ले़ यहवे दाङ्‌बान् आबाङे कुमनाहाॽरे़ खुन्‍छिॽ तक्‍ले़ङ्‌वाओ कुसिक् पोगे़आङ् वाॽरो॥ खे़न् मनाहाॽ खुम्‍दिङ् पिमासि फाॽआङ् खुने़ॽ कुहुक्‍किन् थाःङ् फोःक्‍खुआङ् पत्‍लो, हे़क्‍क्‍याङ् आल्‍ल खे़ङ्‌हाॽ हिप्‍तुसिरो॥ कोःक्‍मा फाङ्‌जङ् थे़गु माङ्‌वाहाॽ यङ्‌लो खम्‍ब्‍याङ् के़सिबा मनाहाॽरे़ खुन्‍छिॽ नासिङ्‌गे़न् चेधक्‍लाहाॽ माराम्‍हाॽओ ताम्‍जिॽ कुइसिक् ने़रो॥ कम्‍भ्‍यारिक्‍साङ् खुने़ॽ कुसाक्‍के़न् पोःक्‍मा मे़जिप्‍तुन्‍नाङ् खुम्‍दिङ् पिमासिरे़ लागि आल्‍लसाङ् खुने़ॽ कुहुक्‍किन् हाबा थाःङ् पोगे़आङ् पत्‍लो॥


असेःक्‍पासे, कुनिङ्‌वाॽ के़जिःप्‍पा के़जोगिॽ, हे़क्‍केःल्‍ले़ आक्‍खेलॽरिक् नुबा पान् पाःप्‍मा के़सुक्‍तिबे? थेआङ्‌भे़ल्‍ले़ निङ्‌वाॽबो के़याक्‍पा पाःन्‍हाॽए मुराःल्‍ले़ पाःत्तुॽरो॥


हे़क्‍केलॽरिक् खे़ॽयोबा चुजुक्‍सा सिङ्‌बोराःक्‍हाॽ हेआङ् मे़ए़क्‍खुरो, खे़ब्‍याङ् मे़न्‍छुमाहाॽ मे़दाआङ् मिओ सिङ् मे़हाःन्‍दुरो॥ थेआङ्‌भे़ल्‍ले़ कङ्‌हाॽग सिक्‍कुम् निङ्‌वाॽ के़होप्‍पा लत्‍छा सुवाङ्‌सिरो खे़ल्‍ले़चोगुल्‍ले़ खुन्‍छिॽ के़जोःक्‍पा निङ्‌वाॽफुमाङ्‌ङिल्‍ले़ खे़ङ्‌हाॽ लुङ्‌माॽ मे़दुक्‍तुसिन्‍लो खे़ब्‍याङ् खुन्‍छिॽ नावागे़न् चइःत् के़जोक्‍पे़न् खे़ङ्‌हाॽओ कुलुङ्‌मास्‍याःत् मे़लॽने़न्‍लो॥


अरामिहाॽरे़ तॽइ नाङ्‌गे़न् पिसाङ्‌लाम्‍बा हे़क्‍क्‍याङ् पलिस्‍तिहाॽरे़ नाम्‍धा पिसाङ्‌लाम्‍बा खे़ङ्‌हाॽरे़ खुन्‍छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्‍भ्‍यारिक्‍काङ्‌साङ् खुने़ॽ कुसिक्‍के़न् मे़न्‍जिप्‍पे वाॽरो, खे़ब्‍याङ् आल्‍लसाङ् खुने़ॽ कुहुक्‍किल्‍ले़ खे़ङ्‌हाॽ साःप्‍सुसिआङ् पत्‍लो॥


मे़दे़म्‍सु मे़देॽरुसिबाहाॽनु सोसोरिक् सॽसिङ्‌मा हे़क्‍क्‍याङ् मे़से़रुसिबाहाॽरे़ खुनिॽ लुम्‍मो तोःक्‍माआङ् चोःम्‍मानुःल्‍ले़ वेॽ नुबा थेआङ् होप्‍लो॥ हे़क्‍केसाङ् यहवे दाङ्‌बे़ल्‍ले़ कुसिक्‍के़न् मे़जिःक्‍तुन्‍लो खे़ब्‍याङ् खुम्‍दिङ् पिमासिरे़ लागि खुने़ॽ कुहुक्‍किन् आल्‍लसाङ् फोःक्‍खुआङ्‌ङे पत्‍लो॥


एफ्राइम्‍मिल्‍ले़ कुधाःक्‍हाॽ नु मनस्‍सेःल्‍ले़ कुधाःक्‍हाॽ आबाङे खुन्‍छिॽ तक्‍ले़ङ्‌वाओ मे़बोक्‍लो, हे़क्‍क्‍याङ् याङ्‌सि खे़ङ्‌हाॽ थिक्‍हुप् मे़बोङ्‌ङाङ् यहुदान् मे़भत्तुरो॥ करसाङ् यहवे दाङ्‌बे़ल्‍ले़ कुसिक् पोःक्‍मान् मे़न्‍जिःक्‍के वाॽरो, हे़क्‍क्‍याङ् आल्‍लसाङ् खुने़ॽ कुहुक्‍किल्‍ले़ साःप्‍सुसिआङ्‌ङे पत्‍लो॥


खुने़ॽग के़धुम्‍बा अन्‍हाॽरे़ कुनिङ्‌वाॽ मे़न्‍दासुल्‍लो, हे़क्‍क्‍याङ् मुक्‍के़गुबा मनाहाॽआङ् कुसिराॽ मे़न्‍धाङ्‌ने़ल्‍लो॥


हे़क्‍क्‍याङ् तानाम् ताङ्‌साक्‍पे़न् मुदःप्‍पिल्‍ले़ आइन् वाहित् थाःसुॽ, सुरित् केजङ्‌ङिन् हुःॽ लॽरिक् के़बाःत्तुम्॥ अक्‍खेलॽरिक् ताङ्‌साक्‍पे़न् ओगे़मे़त्तुम्‍माङ् वाये़म्‍मिन् नुबा नु ताप्‍फे़ःम्‍बा चोक् फाॽआङ् के़से़न्‍दुम्‍मिल्‍ले़ आक्‍खेलॽरिक् कन् ये़म्‍मो के़दाबा मिक्‍सेःन्‍हाॽ कुसिङ् के़न्‍निःत्तुम्‍मिन्‍बाबे?


खे़ङ्‌हाॽ साॽरिक् पनुनुबा नु के़घे़म्‍सिङ्‌बा मे़बोङ्‌लो! पोगुगे़न् कुजाःल्‍ले़ नालिगे़न् थाङ्‌बे़न्‍हाॽ के़घे़म्‍सिङ्‌बा चोगुसिरो खम्‍भ्‍याङ् कुबोक् चे़ल्‍ले़क्‍सेॽ थिःल्‍ले़ मे़न्‍छ्‌याहाॽ के़वे़म्‍मा चोगुसिरो॥


कुदोःप्‍मा मनाहाॽ लाजेॽलाम् मे़मे़गे़आङ् मे़वाॽरो, कुदोःप्‍मा मना हाःत्ताङ् याःक्‍ते़आङ् मे़वाॽने़न्‍लो॥ मना से़प्‍मासिरे़ लागि के़रे़क्‍ले़ मे़सुगुसिआङ् मे़युङ्‌लो, के़रे़क्‍ले़ चे़न् मे़गे़सुआङ् फुॽनुसाॽहाॽ मे़से़रुसिरो॥


“आङ्‌गाॽ से़क्‍खाए कुहिङ्‌वे़त् वाॽआबा कुइसिक्, मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ, आङ्‌गाॽ साॽरिक् आसिक् पोःक्‍मो के़धुम्‍बा हुक्‍किल्‍ले़, सन्‍छुङ्‌बा आहुक्‍किल्‍ले़ हे़क्‍क्‍याङ् किप्‍मा के़घुबा मुक्‍साम्‍मिल्‍ले़ खिनिॽ सम्‍धाङ् युक् चोगुङ्‌ॽ॥


यहवे दाङ्‌बे़ल्‍ले़ अक्‍खे पाःत्तुरो, “यरुसले़ःम्‍बा माराम्‍माहाॽओ थो नु यो पेगे़ॽओ, हे़क्‍क्‍याङ् के़रे़क् पिसाङ् ओमये़ॽआङ् निङ्‌वाॽ इःत्ते़ॽओ॥ कोःत्ते़ॽर लाम्‍दोहाॽओ ओमये़ॽओ, कुदोःप्‍मा याःम्‍बक् के़जोःक्‍पा नु से़क्‍खान् के़हङ्‌बा लत्‍छा कोःत्ते़ॽओ हे़क्‍तङ्‌बा मनाधिक् खे़ने़ॽ के़घोसुने़भग्र आङ्‌गाॽ खे़न् ये़क्‌यक्‍किन् ले़प्‍मि पिरुङ्‌लो॥


यरुसले़म नु खे़प्‍मो के़युङ्‌बा मनाहाॽरे़ मे़जोगुल्‍ले़ आङ्‌गाॽ आबाङेआङ् सःत्तारो, खे़प्‍मो हाःप्‍मा चिःङ्‌मा नु आभाॽरे़ॽ के़लॽबा इक्‍ला खे़म्‍मे़दे़त्‍ने़न्‍लो॥


नालिगे़न् थाङ्‌बे़न्‍निल्‍ले़ लत्‍छा सिसागे़न् मे़न्‍छुमान् ते़न्‍धाम् मेःक्‍खिम् मे़त्तुरो, हे़क्‍केलॽरिक्‍के खे़ने़ॽ के़स्‍साहाॽरे़ खे़ने़ॽ मेःक्‍खिम् के़म्‍मे़त्‍लो॥ मेःक्‍खिम्‍साबे़न् कुमेःक्‍खिम्‍सामे़ल्‍ले़ कुलागि पसःत्‍सःत्‍लो, खे़म्‍भलॽरिक्‍के खे़ने़ॽ के़निङ्‌वाॽफुमाङ्‌ङिन् के़लागि सःत्‍लो॥


खे़ङ्‌हाॽरे़ खुन्‍छिॽ लि नु तोःङ्‌ङिल्‍ले़ नालिगे़न् थाङ्‌बे़न्‍हाॽ मे़आबुसिआङ् मे़से़रुसिरो॥ हे़क्‍क्‍याङ् खे़ङ्‌हाॽरे़ नुयाम्‍मोबा अङे़ःक्‌वाहाॽ लुङ्‌माॽ मे़न्‍दुक्‍तुसिन्‍लो, खे़ङ्‌हाॽरे़ हिन्‍जाॽ पित्‍छाहाॽ ओमे़मे़त्तुसिआङ् खुन्‍छिॽ लुङ्‌माॽ स्‍याःत्ताङ् मे़लॽने़न्‍लो॥”


याङ्‌गे़साॽबाहाॽरे़ खुन्‍छिॽ युक्‍किन् नाप्‍मासि नु निङ्‌घुम्‍मो के़धाबा आमनाहाॽरे़ खुन्‍छिॽ खासे़न् मे़न्‍जोःक्‍मारे़ लागि, हे़क्‍क्‍याङ् मेमेदुमाहाॽरे़ मे़गत्तुबा पाःन्‍हाॽ नाप्‍मासिरे़ लागि खे़ब्‍याङ् ये़त्‍छाबा ये़त्‍छामाहाॽरे़ मे़गत्तुबा पाःन्‍हाॽ नाप्‍मासिरे़ लागि खे़ङ्‌हाॽरे़ अक्‍खे मे़जोगुरो॥


नाॽराङ्‌स्‍याङ्, लायोबा सुवाङ्, आप्‍तिक्‍साबा मनाहाॽ, ताप्‍फे़ःम्‍बा याःम्‍बक् के़जोःक्‍पाहाॽरे़ खुन्‍छिॽ साहाॽ, हे़क्‍क्‍याङ् स्‍वाःत्ताङ् सुरुत्‍याङ् के़जाबाहाॽरे़ खुन्‍छिॽ थिन्‍दाङ् सायोबोराहाॽ! खे़ङ्‌हाॽरे़ यहवे दाङ्‌बे़न् मे़नाॽरुआङ् वाॽरो, खे़ङ्‌हाॽरे़ इस्राइलबा सेसेबे़न् कुनामे़न्‍छाॽ मे़मे़त्तुरो हे़क्‍क्‍याङ् एःक्‍मे़मे़त्तुआङ् मे़वाॽरो॥


निङ्‌वाॽफुमाङ्‌ङिन् नसान् मे़न्‍जोःक्‍मनाबा मनाहाॽरे़ खुनिॽ मुॽइदाङ्‌सा मे़म्‍बोङ्‌ने़न्‍लो हे़क्‍क्‍याङ् सुरुत् याङ् ताःक्‍मोलाम्‍बा मे़जोगुसिबा हिम्‍हाॽ मिःल्‍ले़ खाप्‍पुथ्‍यःङ् पोङ्‌लो॥


खुने़ॽ हाःत्‍ले़आङ् लुङ्‌माॽ मे़दुक्‍तुल्‍लरो, खुने़ॽ ले़रुधसिबा ये़त्‍छाबा ये़त्‍छामा कुस्‍साहाॽ हाःत्‍ले़आङ् ओमे़मे़त्तुसिल्‍लरो॥


यरुसले़ःम्‍मिन् खा लुःम्‍मा खे़प्‍मा चोक्‍लो, हे़क्‍क्‍याङ् यहुदाःन्‍नाङ् चोःन्‍ल पत्‍लो, खे़ॽयो के़युङ्‌बा मनाहाॽरे़ खुन्‍छिॽ पाःन्‍जाःक्‍किन् नु याःम्‍बक्‍किन् यहवे दाङ्‌बे़ल्‍ले़ कुनिमाओ ताप्‍फे़ःम्‍बा चोक्‍लो खुने़ॽ कुमिमिदिङ्‌गे़न् कुदामा कुयुमे़न् खे़ङ्‌हाॽरे़ निनिबा मे़अत्तुरो॥


खे़ने़ॽ वेॽहाॽ हे़क्‍के नुरिक्‍काङ् के़मे़न्‍लुप्‍ने़न्‍लो, थेआङ्‌भे़ल्‍ले़ खे़ने़ॽ आबाङे के़लाजेन् खाप्‍पुथ्‍यःङ् के़जोगुआङ् ने़रो, खे़ने़ॽ आबाङे के़मनाहाॽ के़से़रुसिआङ् मे़वाॽरो॥ कुॽइके़भे़म्‍बे़ल्‍ले़ कुमुॽइदाङ्‌हाॽरे़ खुन्‍छिॽ मिङ्‌हाॽ याम्‍मो आभे़ल्‍ले़आङ् मे़न्‍जे़क्‍खुन् मे़म्‍बाःत्तुन्‍लो॥


इक्‍सादिङ् खाम्‍बेःक्‍मो के़युङ्‌बा मनाहाॽरे़ खुन्‍छिॽ लायोल्‍ले़ चोगुल्‍ले़ कन् इक्‍सादिङ् खाम्‍बेःक्‍मान् चिःन्‍जिःन् के़घुबा पोःक्‍खे़आङ् ने़रो॥ थेआङ्‌भे़ल्‍ले़ खे़ङ्‌हाॽरे़ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् मे़भेःन्‍दुआङ् वाॽरो, कुभाङ्‌हाॽ मे़भेःन्‍दुआङ् वाॽरो हे़क्‍क्‍याङ् सदादिङ्‌बा माङ्‌हुप्‍पिन् इःप्‍मा नाःप्‍मा मे़ले़रुआङ् वाॽरो॥


हे़क्‍केसाङ् खुने़ॽग सिक्‍कुम्‍साबा चोक्‍लो, हे़क्‍क्‍याङ् खुने़ॽ मे़क्‍मासिमा ताःप्‍मा सुक्‍तुरो, हम्‍भ्‍याङ् पाःत्तुबा पाःन्‍निन् याङ्‌ना मे़नुःक्‍तुन् मे़देॽरुन्‍लो॥ ताप्‍फे़ःम्‍बा याःम्‍बक् के़जोःक्‍पाहाॽरे़ खुन्‍छिॽ हिम्‍सयङ् नु लायो लासोत् के़जोःक्‍पाहाॽ कुभाॽ के़बिबाहाॽ खुने़ॽ खुम्‍दिङ् पिरुसिरो॥


कर मिस्रिहाॽग मनासिरक् निङ्‌वाॽफुमाङ्‌सि मेःन्‍लो, खे़ङ्‌हाॽरे़ खुन्‍छिॽ अन्‍हाॽ नासिगे़न् थक्‍लासि, याम्‍साम्‍सि मेःन्‍लो, निङ्‌वाॽफुमाङ्‌ङिल्‍ले़ कुहुक्‍किन् सन्‍छुल्‍ले़ खे़ङ्‌हाॽ कुभाॽ के़बिबे़न् के़ङ्‌लो, हे़क्‍क्‍याङ् मे़भाॽरुबान्‍नाङ् हर्जुॽ चोःन्‍लो खे़ब्‍याङ् ने़प्‍माङ् थिक्‍ले़ङ्‌ले़ मे़क्‍सिरो॥


थाङ्‌बे़न् मनाःन्‍नाङ् मे़न्‍धुम्‍मनाबा पोङ्‌लो, हे़क्‍क्‍याङ् पनानासिरो, खे़ब्‍याङ् नालिगे़न् थाङ्बे़न्‍साबाहाॽआङ् खुन्‍छिॽ सक्‍मा पुॽआङ् मे़जोन्‍लो॥


“आङ्‌गाॽ खिनिॽ लुम्‍मो मिस्र लाजेॽओ चोगुङ्‌बा हे़क्‍के मिङ्‌देॽहाॽ पाङ्‌घुङ्‌लो॥ खिनिॽ थाङ्‌बे़न् मनाहाॽ ताभेःल्‍ले़ स्‍ये़रुङ्‌सिङ्‌लो, खिनिॽ अन्‍हाॽ तेॽरुङ्‌सिङ्‌ङाङ् पाङ्‌घुङ्‌देसुङ्‌सिङ्‌लो, हे़क्‍क्‍याङ् खिनिॽ थक्‍सुबा ने़त्‍ना साःङ्‌गाहिम्‍हाॽओबा कुगिःक्‍किन् खिनिॽ ने़बोओ थारिक्‍के थिम्‍सुङ्‌लो, हे़क्‍केसाङ् खिनिॽ आङ्‌गाॽ ले़प्‍माङ् मे़न्‍नुःङ्‌ङे के़वयिरो,” यहवे दाङ्‌बे़ल्‍ले़ उवा चोगुरो॥


खे़ल्‍ले़ याःन्‍दिक्, नुमा मे़न्‍छ्‌याहाॽ नु के़धुम्‍बा थाङ्‌बे़न्‍हाॽ वामिःक्‍माल्‍ले़ तरुसिआङ् खुन्‍छिॽ थना ले़ङ्‌लो॥


खे़ल्‍ले़चोगुल्‍ले़ मिःल्‍ले़ याॽलाङ्‌ङिन् हाॽरुआङ् खाप्‍पुथ्‍यःङ् चोगुबा नु के़हेबा याःन्‍निन् मिःल्‍ले़ हाॽरुआङ् खाप्‍पुथ्‍यःङ् पोङ्‌बा कुइसिक् खे़ङ्‌हाॽरे़ खुन्‍छिॽ साःप्‍पे़न् किबेःक्‍लो॥ खे़ब्‍याङ् खे़ङ्‌हाॽरे़ खुन्‍छिॽ फुङ्‌ङिन्‍नाङ् खाम्‍हिःक् पेबा कुइसिक् पे़बेःक्‍लो थेआङ्‌भे़ल्‍ले़ खे़ङ्‌हाॽरे़ मुक्‍साम्‍दाङ्‌बा यहवे दाङ्‌बे़ल्‍ले़ कुधिम्‍मे़न् इःप्‍मा नाःप्‍मा मे़ले़रुआङ् वाॽरो॥ हे़क्‍क्‍याङ् इस्राइलबा सेसेबा निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् कुनामे़न्‍छाॽ मे़मे़त्तुआङ् वाॽरो॥


खे़निॽ अस्‍सेरियाबा मनाहाॽरे़ कुहेद्‌याॽ याॽलाङ्‌हाॽ सुम्‍मनाबा हे़क्‍के कुसुम् मे़न्‍दम्‍नाबा याःम्‍बक् चोःक्‍मा के़गोःत्तुम्‍लो॥ खे़निॽ सक्‍माःङ्‌ग खे़निॽ आबाङे खाप्‍पुथ्‍यःङ् के़जोःक्‍पा मिधुङ् मिराःक्‍लो॥


मनाहाॽ चुनि लुङ् मिधिङ्‌मनादेमनाबा कुइसिक् मिमे़दिक्‍लो, हे़क्‍मना ने़मनाबा तिङ्‌ग्रेक् लाःन् लाप्‍मनाबा हे़क्‍के खे़ङ्‌हाॽ मे़लाबुसिरो॥


Swiv nou:

Piblisite


Piblisite