यसैया 9:15 - लिम्बु15 इस्राइलबा लाम्लोबाहाॽ कुधे़गेःक्सिरो, हे़क्क्याङ् इङ्ले़क् पान् के़हुॽबा माङ्निङ्वाॽपान् के़बाःप्पाहाॽ कुमिसिरो॥ Gade chapit la |
यसैया 9:15
44 Referans Kwoze
हुक्पक् थिक्ने़त्छि हःक्सि इग्र कुघे़ःक् थिक्ने़त्छि खरे़ःङ्ले़ लागि आङ्गाॽ आमनाहाॽरे़ खुन्छिॽ लुम्मो खिनिॽ आङ्गाॽ आजाःत्थि के़देसुम्॥ इङ्ले़क्पा पाःन्हाॽ खे़म्मा कुसिराॽ के़धाङ्बा आमनाहाॽ खिनिॽ इङ्गे़ले़क्तुम्सिम्माङ् सिमा मे़म्बोङ्मनाबा आमनाहाॽ खिनिॽ के़से़रुम्सिम्ॽ, हे़क्क्याङ् हिङ्मा मे़न्याःप्मनाबा मनाहाॽनु हिङ्मारे़ लागि माङ्हुप् के़जोगुम्ॽ॥
कर कुसे़वारोबे़ल्ले़ मे़त्तु, “खा, आनिङ्वाॽ सुम्लॽरे़, कन् पाङ्जुम्मो निङ्वाॽफुमाङ्ङिल्ले़ लत्छा कुमिङ् के़इङ्बा कुमनाधिक् वाॽ॥ खुने़ॽग कप्मोबा के़रे़क् मनाहाॽरे़ मिङ्सो इङ्धाङ् मे़बिरुॽ, थेआङ्भे़ल्ले़ खुने़ॽ पाःत्तुबा के़रे़क् पाःन्हाॽ के़त्॥ आन्छिॽ पित्छिआङ् खे़न्निन् कोःत्छु॥ आन्छिॽ आत्तिन् लाम् पोङ्माआङ् अदङ् कोःत्छे़ पेःक्माबोङ् के़लॽबा पाःन्निन् आमे़त्छिॽ॥”
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
खिनिॽ इङ्ले़क् पाःन्हाॽरे़ साम्योबाहाॽ खुन्छिॽ सावेःत् यङे़र के़याःन्दुम्सिम्माङ् वाॽ, कर खे़ङ्हाॽ खुन्छिॽ निङ्वाॽ तुक्खे चार के़लॽबा आनिङ्वाॽ होःप्ते़॥ ताक्के़भे़ॽबाहाॽरे़ खुन्छिॽ लायोहाॽ मे़ले़रुल्ले़ खे़ङ्हाॽ ताङ्मे़से़ःप्पि फाॽआङ् खिनिॽ खे़ङ्हाॽ लायो चोःक्माआङ् पप्मा आःन्छिङ्मा के़बिरुम्सिम्॥
माङ्निङ्वाॽपान् के़बाःप्पाहाॽरे़ खुन्छिॽ लागि कन् इङ्घङ्ङिन् वाॽरो— आङ्गाॽ आनिङ्वाॽ तुगे़आङ् वाॽरो आङ्गाॽ के़रे़क् आये़प्पाहाॽ यङ्लो थेआङ्भे़ल्ले़ निङ्वाॽफुमाङ्ङिन् नु खुने़ॽ सेसे कुबाःन्जाक्हाॽरे़ चोगुल्ले़ यरिक् सेजङ्वाःल्ले़ मयुबा लत्थिक् चोनाःम् चोनाःम् के़लॽबा मना हे़क्तङ्बा पोःक्खाङ्ङाङ् वाॽआरो॥
थिक् मनाःल्ले़ वेॽसमा मनान् निङ्घुम् मे़त्तुरो थिक् मनान् वेॽसमा मनाःल्ले़ कुदक्ले़ङ्वाओ पोःक्लो॥ थिक् हिम्बेसाङ्बे़न् वेॽसमा हिम्बेसाङ्बे़ल्ले़ कुदक्ले़ङ्वाओ पोःक्लो, काप्पो तुम्साहाॽरे़ खुन्छिॽ तक्ले़ङ्वाओ चप्प्रक् थाङ्बे़न् के़गे़प्पाहाॽ मे़बोक्लो हे़क्क्याङ् मिङ्सो इङ्धाःङ्साबाहाॽरे़ खुन्छिॽ तक्ले़ङ्वाओ थेनाधेबा सुहि मनाहाॽ मे़बोक्लो॥
खे़न् काप्पोबा माङ्निङ्वाॽपान् के़बाःप्पे़ल्ले़ नुगप् पिरु, “आङ्गाॽआङ् खे़ने़ॽ हे़क्केए लत्छा माङ्निङ्वाॽपान् के़बाःप्पाआ॥ यहवे दाङ्बे़ल्ले़ कुबाःन्जाक्लाम् खे़ने़ॽ आङ्गाॽनु सोरिक् चासे़ थुङ्से़ आहिम्मो ताःप्मारे़ लागि माङ्लाइङ्बा थिक्ले़ आङ्गाॽ मे़त्ताङ्ङाङ् वाॽ॥” (कर खे़न् काप्पोबा मनाःल्ले़ खुने़ॽ मे़त्तुबा कन् पाःन्निन् इङ्ले़क् वये़॥)
कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥
खे़निॽ अक्खे के़बाःत्तुम्माङ् आङ्दिङ् के़लॽरिरो, “सिमे़न्नु आनिगे माङ्हे़क् चोगुम्बे़आङ् वयिगे़रो, खे़ब्याङ् खे़मा यङ्सङ्ङिन्नु माङ्हे़क् चोगुम्बे़आङ् वयिगे़रो॥ साॽरिक् यम्बा तुक्खेलाक्खे नु सिमे़न् आनिगे सम्धाङ् तासाङ् खे़न् तुक्खे लाक्खेःल्ले़ आनिगे मे़सुसिगे़न्लो॥ थेआङ्भे़ल्ले़ आनिगे इङ्ले़क्के से़ःप्सिङ्मादे़न्निन् इःम्सिङ्मादे़न् चोगुम्बे़आङ् वयिगे़रो हे़क्क्याङ् से़क्खा मेःम्बे़न् आनिगे चिङ्सिङ्मादे़न् चोगुम्बे़आङ् वयिगे़रो॥”
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
यहवे दाङ्बे़ल्ले़ अक्खे पाःत्तुरो, “यहुदाःल्ले़ सुम्सि कुलायोहाॽ इग्र लिसिए कुलायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ यहवे दाङ्बे़ल्ले़ कुसाम्योथिम् इङ्जाङ्ङिन् खे़ङ्हाॽरे़ इःप्मा नाःप्मा मे़नाॽरुबाल्ले़ चोगुल्ले़, खम्भ्याङ् खुने़ॽ कुधिम्हाॽ मे़न्इःत्तुन् मे़न्नाःत्तुम्बाल्ले़ चोगुल्ले़ हे़क्क्याङ् खे़ङ्हाॽरे़ खुन्छिॽ पाधे़बाहाॽरे़ मे़दिम्दुसिबा इङ्ले़क्पा माङ्हाॽरे़ खे़ङ्हाॽ इङ्मे़ले़क्तुसिबाल्ले़ चोगुल्ले़,
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
Piblisite