खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥
यसैया 9:12 - लिम्बु12 अरामिहाॽरे़ तॽइ नाङ्गे़न् पिसाङ्लाम्बा हे़क्क्याङ् पलिस्तिहाॽरे़ नाम्धा पिसाङ्लाम्बा खे़ङ्हाॽरे़ खुन्छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्भ्यारिक्काङ्साङ् खुने़ॽ कुसिक्के़न् मे़न्जिप्पे वाॽरो, खे़ब्याङ् आल्लसाङ् खुने़ॽ कुहुक्किल्ले़ खे़ङ्हाॽ साःप्सुसिआङ् पत्लो॥ Gade chapit la |
यसैया 9:12
25 Referans Kwoze
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
एफ्राइम्मिल्ले़ कुधाःक्हाॽ नु मनस्सेःल्ले़ कुधाःक्हाॽ आबाङे खुन्छिॽ तक्ले़ङ्वाओ मे़बोक्लो, हे़क्क्याङ् याङ्सि खे़ङ्हाॽ थिक्हुप् मे़बोङ्ङाङ् यहुदान् मे़भत्तुरो॥ करसाङ् यहवे दाङ्बे़ल्ले़ कुसिक् पोःक्मान् मे़न्जिःक्के वाॽरो, हे़क्क्याङ् आल्लसाङ् खुने़ॽ कुहुक्किल्ले़ साःप्सुसिआङ्ङे पत्लो॥
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
खे़ल्ले़ याःन्दिक् आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् चुक् हे़क्क्याङ् आङ्गाॽ खे़ङ्हाॽ लाप्फेसुङ्सिङ्ॽ, खम्भ्याङ् आङ्गाॽ आनारान् खे़ङ्हाॽलाम् चिक्खुङ्ङाङ् खे़ङ्हाॽ खाप्पुथ्यःङ् मे़मे़क्॥ यरिक् तुक्खे लाक्खेहाॽ नु के़साक्पा पाःन्हाॽ खे़ङ्हाॽरे़ खुन्छिॽ सम्धाङ् इदारो॥ खे़ब्याङ् खे़ल्ले़ याःन्दिक् खे़ङ्हाॽरे़ अक्खे मे़बाःत्तुॽ, ‘आनिॽ निङ्वाॽफुमाङ्ङिन् आनिॽ लुम्मो होप्पाल्ले़ चोगुल्ले़ए आनिॽ सम्धाङ् अक्तङ्बा के़साक्पा तुक्खे लाक्खेहाॽ त्ये़बाग मेःम्बि?’
खे़ङ्हाॽ मे़भुङ्सिङ्ङाङ् नाम्धा पिसाङ्बा फिलिस्ति लाजेॽओ के़ने़बा याक्केःक्केःक्पादे़न्नो मे़सःक् मे़बेःक्लो॥ खे़ङ्हाॽ मे़दङ्सिङ्ङाङ् नाङ्गे़न् पिसाङ्बा मनाहाॽ मे़नाप्तुसिरो, खे़ङ्हाॽरे़ ए़दोम नु मोआब लाजेॽहाॽ मे़लिसुरो, खे़ब्याङ् अम्मोनबा मनाहाॽ खे़ङ्हाॽरे़ युक्को मे़दारुसिरो॥
आभाॽरे़ फाॽआङ् मिस्र लाजेॽओ के़बेःक्पाहाॽग मे़जिःत्ते़ मे़स्ये़रो! खे़ङ्हाॽरे़ मिस्र लाजेॽओबा यरिक् अन्हाॽ, अन्लाधाहाॽ हे़क्क्याङ् थक्सुबाहाॽरे़ ताङ्मे़से़ःप्तिगे़ फाॽआङ् मे़इःत्तुरो॥ कर इस्राइलबा सेसेबा निङ्वाॽफुमाङ्ङिल्लो निङ्वाॽ मे़न्युक्खुन्लो, हे़क्क्याङ् खुने़ॽओ कुभाॽआङ् मे़ङ्गोःत्तुन्लो॥
“आङ्गाॽ यरिक्ले़ङ् खिनिॽ सिङ्सेॽइक्हाॽओ नु खिनिॽ चे़ल्ले़क्सेॽ इक्ताप्हाॽओ खुःक्वामेःत् नु सुक्नाःम्बा थ्ये़र याःन्दुङ्लो॥ खिनिॽ पःत्छेॽहाॽ नु खिनिॽ चैतुन सिङ्बुङ्हाॽ निःङ्घुक्वाहाॽरे़ मुरे़क् खारे़क् मे़जोगुर याःन्दुङ्सिङ्लो, हे़क्केसाङ् खिनिॽ आङ्गाॽओ मे़न्नुःङ् मे़न्दाए के़वयिरो,” यहवे दाङ्बे़ल्ले़ उवा चोगुरो॥
“आङ्गाॽ खिनिॽ लुम्मो मिस्र लाजेॽओ चोगुङ्बा हे़क्के मिङ्देॽहाॽ पाङ्घुङ्लो॥ खिनिॽ थाङ्बे़न् मनाहाॽ ताभेःल्ले़ स्ये़रुङ्सिङ्लो, खिनिॽ अन्हाॽ तेॽरुङ्सिङ्ङाङ् पाङ्घुङ्देसुङ्सिङ्लो, हे़क्क्याङ् खिनिॽ थक्सुबा ने़त्ना साःङ्गाहिम्हाॽओबा कुगिःक्किन् खिनिॽ ने़बोओ थारिक्के थिम्सुङ्लो, हे़क्केसाङ् खिनिॽ आङ्गाॽ ले़प्माङ् मे़न्नुःङ्ङे के़वयिरो,” यहवे दाङ्बे़ल्ले़ उवा चोगुरो॥
Piblisite