यसैया 8:9 - लिम्‍बु

⁹ मे़न्‍छाम् सुवाङ्‌से, ते़न्‍धङ् चोःक्‍मा उवा चोगे़म्‍मे़ॽओ हे़क्‍क्‍याङ् किसाम्‍मे़ॽआङ् यक्‍खे़म्‍मे़ॽओ! माःङ्‌घा माःङ्‌घा के़ने़बा लाजेॽसे, थङ् चोःक्‍मारे़ लागि यारिप् पोःक्‍खाम्‍मे़ॽओ, खे़ब्‍याङ् खिनिॽ यङ्‌माॽ के़रे़म्‍मे़ॽओ! थङ् थक्‍मारे़ लागि यारिप् पोःक्‍खे़म्‍मे़ॽओ, खे़म्‍ब्‍याङ् फुत्‍लुम् थ्‍यःङ् पोःक्‍खाम्‍मे़ॽओ!

यसैया 8:9 Referans Kwoze

खाहुन् 11:21

कन् पाःन्‍निन् से़क्‍खाएरो—कुॽइगे़भे़म्‍बा मनाहाॽ खुम्‍दिङ् मे़ङ्‌घोए खे़त्‍छिङ्‌मा मे़ङ्‌घोने़न्‍लो, कर साम्‌योबाहाॽरे़ से़ःप्‍सिङ्‌मा मे़घोसुरो॥

१ हाङ् 20:11

इस्राइलबा हाङ्‌ङिल्‍ले़ नुगप् पिरुसि, “खे़न् मे़त्ते़म्‍मे़ॽ—‘साःङ्‌बे से़ःप्‍चाङ् के़जाङ्‌बा मनान् खे़न् साःङ्‌बे से़ःप्‍चाङ् के़भे़म्‍बा के़देबा मनान् कुइसिक् यम्‍बा ले़ङ्‌सिङ्‌मा मे़नुॽने़न्‍लो॥’”

यसैया 54:15

कुभारे़ खे़ने़ॽ के़म्‍सॽ के़म्‍भत्तिल्‍ले़ खे़ङ्‌हाॽ आङ्‌गाॽ मुरा मे़त्तुङ्‌सिङ्‌बा मेःल्‍लो, खे़ने़ॽनु थङ् के़जोःक्‍पाहाॽ हारिमे़दारो॥

यसैया 37:36

खे़ब्‍याङ् यहवे दाङ्‌बे़ल्‍ले़ कुमाङ्‌लाइङ्‌बान् अस्‍सुरिहाॽरे़ खुन्‍छिॽ तुराहिम्‍मो पेआङ् लाङे़न्‍छिङ् थिक् नु ये़प्‍पोङ्‌ङाङ् हे़न्‍छिङ् ङासि (१,८५,०००) मनाहाॽ हदॽ स्‍ये़रुसि॥ मनाहाॽ तानाम् मे़बोगे़ल्‍ले़ खे़ङ्‌हाॽरे़ खे़न् के़सिबा मनाहाॽ मे़निसुसि॥

यसैया 28:13

खे़ल्‍ले़चोगुल्‍ले़ यहवे दाङ्‌बे़ल्‍ले़ कुबाःन्‍जाःक्‍किन् इस्राइल लाजेॽओबा मनाहाॽरे़ खुन्‍छिॽ लागि अक्‍खे के़बोङ्‌बा वाॽरो— चोगाम्‍मे़ॽआङ् युङे़म्‍मे़ॽ, चोगाम्‍मे़ॽआङ् युङे़म्‍मे़ॽओ, खासे़न् लोःन्‍दाम्‍मे़ॽ, खासे़न् लोःन्‍दाम्‍मे़ॽओ, आजे़ःत्‍छिक् खे़ॽयो, आजे़ःत्‍छिक् कॽयो॥ अक्‍खेलॽरिक् खे़ङ्‌हाॽ तगि लाम्‍मे़लोररो हे़क्‍क्‍याङ् मे़गे़ङ्‌ङाङ् मे़भत्‍छिङ्‌लरो, मे़गाःन्‍नाङ् चे़न्‍नो मे़धार खे़ब्‍याङ् मे़दे़म्‍सु मे़देॽरुसिररो॥

यर्मिया 42:11

यहवे दाङ्‌बे़ल्‍ले़ अक्‍खे पाःत्तुॽ, “बेबिलोनबा हाङ्‌ङिन्‍नु आल्‍लआङ्‌धो खिनिॽ मे़गिसे़म्‍मिन्‍ने़ॽ॥ थेआङ्‌भे़ल्‍ले़ आङ्‌गाॽ खिनिॽनु वाॽआआङ् खिनिॽ से़ःप्‍निङ्‌ॽ हे़क्‍क्‍याङ् खे़ल्‍ले़ कुमुक्‍साम्‍लाम् खिनिॽ ताङ्‌से़ःप्‍निङ्‌ॽ॥

यर्मिया 51:20

यहवे दाङ्‌बे़ल्‍ले़ अक्‍खे पाःत्तुरो, “खे़ने़ॽग आधङ् चोःक्‍मा थवाने़रो, आङ्‌गाॽ खे़ने़ॽलाम् सुवाङ्‌हाॽ चिधक् चिधक् थगुङ्‌सिङ्‌लो हे़क्‍क्‍याङ् यरिक् हाङ्‌जुम्‍हाॽ मे़क्‍खुङ्‌सिङ्‌लो॥

इजकिएल 38:7

“खे़ने़ॽ ताम्‍सिङ्‌ङे़ॽ, खे़ने़ॽ यारिप् पोःक्‍खे़ॽ! खे़ने़ॽ के़गे़रे़क् पिसाङ् के़रे़क् थक्‍सुबाहाॽ मुरामे़त्ते़से़ॽ, हे़क्‍क्‍याङ् खे़ङ्‌हाॽ इङ्‌जाङ् पिरे़से़ॽ॥

यहोसु 11:5

कन् के़रे़क् हाङ्‌हाॽ मे़जुप्‍से़, हे़क्‍क्‍याङ् खे़ङ्‌हाॽ मे़ये़आङ् इस्राइलिहाॽनु थङ् चोःक्‍मारे़ लागि मेरोम मे़प्‍मनाबा वरक् निःत्ताङ् सोरिक् थक्‍सुबा ने़त्‍ना साःङ्‌गाहिम् मे़जोगु॥

यर्मिया 46:3

“खे़निॽ सिदि मादि खोहाॽ यारिप् चोगे़म्‍मे़ॽओ, थङ् चोःक्‍मारे़ लागि तगि पोरे़म्‍मे़ॽओ!

यर्मिया 46:4

अन्‍हाॽओ करेलिहाॽ इसिक्‍खे़म्‍मे़ॽओ हे़क्‍क्‍याङ् अन्‍हाॽ युक्‍ते़म्‍सिम्‍मे़ॽओ! खिनिॽ ये़प्‍मादे़न्‍नो ये़बे़म्‍मे़ॽओ थे़गेःक्‍को खुःङ्‌माहाॽ खुःक्‍खे़म्‍मे़ॽओ! खिनिॽ लाःक्‍हाॽ ये़राप्‍ते़म्‍मे़ॽओ! हे़क्‍क्‍याङ् खिनिॽ फे़जाभे़युम्‍हाॽ यारिप् चोगे़म्‍मे़ॽओ॥

इजकिएल 38:8

यरिक् ये़न् एगाङ् खिनिॽ थङ् चोःक्‍से़ के़म्‍उःत्तिॽ॥ हे़क्‍क्‍याङ् इस्राइलबा मनाहाॽ यरिक् लाजेॽहाॽओलाम् कप्‍मोबा कोःक्‍मा फाङ्‌जङ् थे़गु माङ्‌वाहाॽओ मे़नुःङ्‌बा एगाङ् नु ते़न्‍धङ्‌लाम् नादङ् पोङ्‌ङाङ् नुॽमा तामा सनारुङ्‌नु निङ्‌वाॽ हाङ्‌हाङ् मे़युङ्‌बा ताःन्‍दिबा ताये़म्‍मो इस्राइलबा लाजेन् खिनिॽ थङ्‌ङो के़भत्तुम्‌ॽ॥