यसैया 8:7 - लिम्बु7 आङ्गाॽ दाङ्बे़ल्ले़ अस्सुरबा पयम् हाङ्ङिन् नु खुने़ॽ के़रे़क् कुधक्सुबाहाॽ यहुदाओ थङ् चोःक्से़ तारुङ्सिङ्लो॥ यम्बा युफ्रेतिस वहःङ्ङिन् कुङ्ङिल्ले़ च्वाःत्तिन् आत्तातान्ने सःक् युआङ् कुया कुदिङ् सधे़क् तिम्बा हे़क्के खे़ङ्हाॽ तगि मे़बो मे़भे़न्लो॥ Gade chapit la |
यसैया 8:7
38 Referans Kwoze
“यहवे दाङ्बे़ल्ले़ खे़ने़ॽ के़लाजेःल्ले़ कुदक्ले़ङ्वाओ नु खे़ने़ॽ के़हिम्सयङ्हाॽरे़ खुन्छिॽ तक्ले़ङ्वाओ यम्बा तुक्खे लाक्खे तारुॽ॥ हे़क्क्याङ् सोलोमनरे़ कुहाङ्जुम्मिन् इस्राइल नु यहुदा ने़त्छि हाङ्जुम्मो पःक्खे़बा तङ्बेआङ् कत्थो पोःक्खे़बा हिन्धोःक्हाॽनुःल्ले़आङ् पयम् यम्बा किमे़न् हाराए के़निसु के़दुमुॽ॥ खे़ब्याङ् यहवे दाङ्बे़ल्ले़ अस्सुरबा के़आःप्पा हाङ्ङिल्ले़ यरिक् कुधक्सुबाहाॽ तारुसिॽ॥”
“तुक्पोङ्ङाङ् ने़त्छि ‘नुसिहाॽ’ एगाङ् खे़न् माङ्थोःक्ना के़बोङ्बा मनान् मे़से़रुॽ खे़न्नु थेधिक्काङ् मे़याःक्ने़न्॥ युक्साबा मनाहाॽ मे़दाआङ् खे़न् ये़क्यक्किन् नु सेसेदे़न्निन् खाप्पुथ्यःङ् मे़जोगुॽ॥ वहित् थामा ये़म्मो के़गुङ्बा च्वाःत् हे़क्के कुनुप्मान् तारो—कुनुप्मो थारिक्के थङ् पोङ्ङाङ् पत्, हे़क्क्याङ् मुरे़क् खारे़क् पोङ्मा इङ्जाङ्ङिन् इङ्भन् पोःक्खे़आङ् वाॽ॥
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
खे़न् नुबा पाङ्यक्को हिम् के़जोःक्पा मना कुइसिःक्लो॥ खे़ल्ले़ हिम् चोःक्मा फाॽआङ् यो खाम् सिगाङ्बा यम्बा लुङ्ङिन् मे़न्याङ्ङे थारिक् तयु॥ हे़क्क्याङ् यम्बा लुङ्सम्दाङ् पाङ्यक् नेम्भो ने़स्सुआङ् लुङ्धाक् से़त्तुर हिम् चोगुॽ॥ हे़क्क्याङ् यम्बा वाहिप्मान् थ्ये़आङ् वाकुक्से़ ये़आङ् च्वाःत्तिल्ले़ खे़न् हिम्मिन् लक्तु, कर थेआङ् मे़बोःक्खे़न्, थेआङ्भे़ल्ले़ खे़न् हिम्मिल्ले़न् नुरिक्काङ् पाङ्यक् युक्खुआङ् वये़रो॥
कल्ले़चोगुल्ले़ अस्सुरबा हाङ्ङिल्ले़ कुयाःम्बेओ यहवे दाङ्बे़ल्ले़ अक्खे पाःत्तुरो— “खुने़ॽ कन् ये़क्यक्को मे़लाःत्ने़न्लो, इग्र खे़ल्ले़ तोङ् थिक्काङ् कप्मो मे़आबुन्लो॥ खुने़ॽ खोःन् याङ्सिङ्ङाङ् कल्ले़ कुदगि मे़दाने़न्लो, इग्र कल्ले़ कन् कब्रिङ् किर्गप् कप्मारे़ लागि खाम्मिन् उःक्चम्जम्बा थोःक्सिङ्दे़न् मे़जोगुन्लो॥
खे़ने़ॽ च्वाःत्लाम्बा के़बोङ्ङाङ् के़बेःक्किल्ले़ आङ्गाॽ खे़ने़ॽनु वाॽआरो॥ खे़ने़ॽ यङ्घङ् वहःङ्लाम् लाङ्गे़घेःक्किल्ले़ खे़ल्ले़ खे़ने़ॽ के़न्हुम्ने़ल्लो॥ मिलाम्बा लाङ्गे़घेःक्काङ् के़बेःक्किल्ले़ खे़ने़ॽ मिगे़न्दिक्ने़ल्लो॥ खे़न् मिधुङ्दिङ् मिराःक्किल्ले़ खे़ने़ॽ खाप्पुथ्यःङ् के़न्जोःक्ने़ल्लो॥
यहवे दाङ्बे़ल्ले़ अक्खे पाःत्तुरो, “लाजेन् च्वाःत्तिल्ले़ सधे़क् तिम्मारे़ लागि थाङ्गे़त् लाम्बानु च्वाःत्तिन् कुङ् युर पत्लो॥ खे़ल्ले़ लाजेन् नु खे़प्मो के़वाॽबा के़रे़क् पाःन्हाॽ, ये़क्यक्हाॽ हे़क्क्याङ् मनाहाॽ मे़क्खुसिरो॥ मनाहाॽ मे़गि मे़यङ्ङाङ् मे़भिःक्लो, हे़क्क्याङ् लाजेॽओ के़वाॽबा के़रे़क् मे़रिङ् मे़धक्लो॥
हे़क्क्याङ् खुने़ॽ खे़ङ्हाॽरे़ खुन्छिॽ नुॽमादामारे़ कुबुङ् पोङ्लो॥ आल्ल अस्सुरिहाॽरे़ आनिॽ लाजेन् मे़लिसु मे़दारुल्ले़ हे़क्क्याङ् आनिॽ थेःक्सिङ्मा हाङ्यक्हाॽ मे़लुःन्दुल्ले़ खे़ङ्हाॽरे़ खुन्छिॽ तक्ले़ङ्वाओ नुसि मे़ल्लुक्कम्बाहाॽ इग्र ये़त्छि लाम्लोबाहाॽ आनिॽ आभोःक्खुम्सिम्लो॥
खे़निॽ अक्खे के़बाःत्तुम्माङ् आङ्दिङ् के़लॽरिरो, “सिमे़न्नु आनिगे माङ्हे़क् चोगुम्बे़आङ् वयिगे़रो, खे़ब्याङ् खे़मा यङ्सङ्ङिन्नु माङ्हे़क् चोगुम्बे़आङ् वयिगे़रो॥ साॽरिक् यम्बा तुक्खेलाक्खे नु सिमे़न् आनिगे सम्धाङ् तासाङ् खे़न् तुक्खे लाक्खेःल्ले़ आनिगे मे़सुसिगे़न्लो॥ थेआङ्भे़ल्ले़ आनिगे इङ्ले़क्के से़ःप्सिङ्मादे़न्निन् इःम्सिङ्मादे़न् चोगुम्बे़आङ् वयिगे़रो हे़क्क्याङ् से़क्खा मेःम्बे़न् आनिगे चिङ्सिङ्मादे़न् चोगुम्बे़आङ् वयिगे़रो॥”
Piblisite