यसैया 8:22 - लिम्बु22 खे़ब्याङ् खे़ङ्हाॽरे़ इक्सादिङ् खाम्बेःक्मा पिसाङ् ओमे़मे़त्तुॽ, कर खे़ॽयो तुक्खे, खामाक्मा नु किप्मा के़घुबा निङ्साङ् पुक्मारक् मे़निसुॽ॥ हे़क्क्याङ् खे़ङ्हाॽ खामाक्लुम्बाःत्तो मे़हो मे़लाःत्लो॥ Gade chapit la |
यसैया 8:22
25 Referans Kwoze
खुने़ॽ खामाक्मान् ताःप्मानुःल्ले़ तगिए, युःन्छिक्पा खाधाम्मो थे़गु माङ्वाहाॽओ खिनिॽ लाङ्हाॽ तोःक्मानुःल्ले़ तगिए यहवे दाङ्बा खिनिॽ निङ्वाॽफुमाङ्ङिन् मिङ्सो इङ्धाङ् पिरे़म्मे़ॽओ॥ खिनिॽग से़न्दाङ्गे़न् ओःत्तिःन् ओमे़प्मा निङ्वाॽ के़जोगुम्लो कर खुने़ॽ खे़न् खामाक्मो ले़क्खुआङ् माक्सिःङ्ग्याःप्पा चोगुरो॥
खे़ङ्हाॽ लाङ्मे़घेःक्पा लाम्मिन् खागे़माक्पा नु आले़ःङ्ले़ःङ्बा पोङ्लो॥ खे़ल्ले़ खे़ङ्हाॽरे़ खुन्छिॽ लाङ्ङिन् खसुआङ् मे़जोःन्ल याःन्दुसिरो॥ आङ्गाॽ खे़ङ्हाॽरे़ खुन्छिॽ सम्धाङ् ये़त्तुक्खे तारुङ्लो॥ खे़ङ्हाॽरे़ खुम्दिङ् खोमा ये़म्मिन् तार पत्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥
हे़क्केसाङ् खे़न् खामाक्मा ये़म्मिन् नु निङ्साम्मिन् यरिक् केःल्लिक् मे़बेःक्ने़न्॥ के़रे़क्नुःल्ले़ तगिग खुने़ॽ जबलुन लाजेन् नु नाप्तालि लाजेन् नःम्ने़सिर याःन्दुसि, कर के़दाबा ये़म्मोग खुने़ॽ यर्दन वहःङ् नु वरःङ्ङिल्ले़ कुलुम्मो के़ने़बा गालिलबा थिम्मे़न्दङ् सुवाङ्हाॽरे़ खुन्छिॽ ते़ङ्गप्पिन् इङ्धाङ् पिरुरो—
हे़क्क्याङ् ङासिगेक्पा माङ्लाइङ्बाल्ले़ कुघोर्यान् खे़न् किप्मा के़घुबा थक्साःल्ले़ कुहाङ्युक्ना सम्दाङ् हुक्खुरो॥ हे़क्क्याङ् खे़न् किप्मा के़घुबा थक्साःल्ले़ कुहाङ्जुम्मिन् माक्चिगे़न् खादाम्माल्ले़ सिदे़प् ते़प्तुरो॥ हे़क्क्याङ् साॽरिक् तुक्खेःल्ले़ चोगुल्ले़ खे़प्मोबा मे़न्छाम् याप्मिहाॽ मे़हाबे़ मे़भिःक्ते़रो॥
नेगेब लाजेॽबा थक्साहाॽरे़ याःम्बेओ माङ्निङ्वाॽपान्— केबाल्ले़ कुघा के़ने़बा, असेःक् नु कुनिङ् के़याक्पा के़बे़बा असेःक् के़लःम्बा, तुक्मा नु सिमा के़वाॽबा लाजेॽलाम् पोङ्मार हाङ्लाइङ्बाहाॽ लाङ्घेःक्मा के़बोङ्बा वाॽरो॥ याप्मि फाॽमा मे़न्छुक्मनाबा सुवाङ्हाॽ खुॽमासिरे़ लागि आबाङे खुन्छिॽ अदङ् नु उमेहाॽ इमे़ल्लुङ्बा सुङ्हाॽ मे़गुःत्तु मे़देॽरुसिरो॥
कर आल्ल खिनिॽ के़रे़क् आत्तिन्हाॽरे़ मि के़हाःन्दुम् हे़क्क्याङ् हुरुरु लॽरिक् के़हाॽबा मिजोःत्ते़न् के़गाप्पासि, खिनिॽ पेगे़म्मे़ॽओ, खिनिॽ के़हाःन्दुम्बा मि नु मिजोःत्ते़ल्ले़ ओःत्तिओ लाङ्घेगे़म्मे़ॽओ॥ खे़निॽ आङ्गाॽ आहुक्कोलाम् हाबा कन् के़दुमुम्लो— खिनिॽ के़साक्पा तुक्खेलाक्खेओ के़ध्ये़ॽइरो॥
कल्ले़चोगुल्ले़ कुदोःप्मा खासे़न्निन् आनिॽलाम् माःङ्घा पोःक्खे़आङ् वाॽरो॥ साम्योबा पाःन्निल्ले़ आनिॽ सिॽमा आन्छुक्ने़न्लो आनिॽ खागे़ओःप्पा लाम्मिन् ओआमे़त्तुम्लो, कर के़रे़क् खागे़माक्पा चोक्लो॥ ओःत्तिःल्ले़ लाम्मिन् आहक्सुम्लो, कर माक्स्दिःङ्ग्याःप्पा खामाक्मो लाङ्आघेःक्लो!
Piblisite