यसैया 8:19 - लिम्बु19 कर मनाहाॽरे़ग साम्माङ्च्याःङ् मुरागे़मे़प्पा नु कित्चाक् के़जोःक्पा मनाहाॽ सुजा नाःक्ताम्सिम्मे़ॽ फाॽआङ् खे़निॽ के़म्मे़त्तिॽ॥ हे़क्केःल्ले़ “मनाहाॽरे़ खुन्छिॽ निङ्वाॽफुमाङ्ङो पेःक्माआङ् सेःन्दोमा मे़बोङ्ने़म्बि? कुहिङ्वे़त्हाॽरे़ लागि के़सिबाहाॽ थेआङ् सेःन्दोमासिबे?” Gade chapit la |
यसैया 8:19
28 Referans Kwoze
खुने़ॽ कुस्सा ये़म्बित्छा मे़न्छुमाहाॽ बेन-हिन्नोमबा ने़ने़बादे़न्नो मिओ सिदुङ्जभा चोगुसि॥ खुने़ॽ कित्चाक् चोगुआङ् थुम्या इसु हे़क्क्याङ् खागे़इक्पाहाॽ नु साम्माङ् च्याःङ्हाॽ मुरा के़मे़प्पाहाॽ सुजा नाःक्तुसि॥ खुने़ॽ यहवे दाङ्बे़ल्ले़ कुनिमो साॽरिक् ताप्फे़ःम्बा चोगुआङ् खुने़ॽ कुसाक्के़न् फोःक्खु॥
खे़ॽयोबा मनाहाॽ यो मक्मे़धाआङ् खाम्बाङ्लाम्मे मे़बाःत्लो, हे़क्क्याङ् कुसिङ् निःत्मे़न्दे़प्मनाबा खुन्छिॽ इक्लान् खाम्भुत्छ्रुःम्बालाम् लःन्लो, खुन्छिॽ इक्लान् च्याःङ्माङ् इक्ला कुइसिक् खाम्बेक् सिगाङ्लाम् लःन्लो, हे़क्क्याङ् खुन्छिॽ इक्लान् खाम्हिःक् सिगाङ्लाम् खुस्खुस् लॽरिक् पाःत्लो॥
खे़ल्ले़चोगुल्ले़ सावले़न् वेॽ तेत् चाक्सिङ् हे़क्क्याङ् कुसिङ् निःप्मे़न्दे़प्मनाबा ले़ङ्सिङ्ङाङ् ने़प्फु कुमनाहाॽनु से़न्दिक् खे़न् मे़न्छुमाओ पे॥ हे़क्क्याङ् खे़न् मे़त्तु, “आत्तिन् मिङ् लोःक्तुङ्, साम्माङ् च्याङ्हाॽ सेःन्दोसे़से़ॽआङ् हाबा खे़न् मनाःल्ले़ कुसाम्मिन् आङ्गाॽ आलागि उःत्ताङ् पिराङ्ङे़ॽ॥”
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
कन्नुःल्ले़ वेॽ यहवे दाङ्बे़ल्ले़ कुहिम्मो निङ्वाॽफुसाम्बा हिल्कियाहःल्ले़ खोसुबा साम्योथिम् इङ्जाङ् साप्पन्नो साप्ते़बा पाःन्हाॽ के़प्मारे़ लागि योसियाहःल्ले़ के़रे़क् खागे़इक्पाहाॽ, हे़क्क्याङ् फे़न्साम् मुरा के़मे़प्पाहाॽ, के़रे़क् हिम्साम्माङ्हाॽ नु नावाइत्लाहाॽ, खे़ब्याङ् यहुदाओ नु यरुसले़ःम्मो निगे़दे़प्पा के़रे़क् याम्गे़सिङ्बा पाःन्हाॽ थ्यःङ् मे़क्खु॥
कर उन्छोन् इस्राइलओ इङ्ले़क्पा माङ्निङ्वाॽपान् के़बाःप्पाहाॽ मे़वये़बा कुइसिक् खिनिॽ लुम्मोआङ् इङ्ले़क्के सिक्साम्बाहाॽ मे़लन् मे़दारो॥ खे़ङ्हाॽरे़ग स्वाःत्ताङ् याप्मि के़मे़ङ्बा इङ्ले़क् पाःन्हाॽ मे़हुॽरुसिॽ, हे़क्क्याङ् खे़ङ्हाॽरे़ खुनिॽ मे़ल्लुङ् के़हुङ्बाआङ् के़धे़ॽबा दाङ्बान्नाङ् मे़नाॽरुआङ् हाराए आबाङे खुनिॽओ मे़क्मे़न् मे़दारुॽ॥
आसेःन् आनिगे से़वा मे़त्तुम्सिम्बे़बाहाॽ मे़स्ये़ मे़घे़रे़आङ् मे़होप्लो, खे़ङ्हाॽरे़ खुन्छिॽ याम्साम्मिन् आफाल्ले़आङ् याम्मो मे़न्नुःङ्ने़न् मे़न्दाने़न्लो॥ खे़ने़ॽ खे़ङ्हाॽ खुम्दिङ् के़बिरुसिआङ् के़मे़क्खुसिरो खे़ब्याङ् खे़ङ्हाॽ के़रे़क् याम्मो निङ्वाॽसुम् मे़ल्लॽमनाबा के़जोगुसिरो॥
“इस्राइलबा सेसेबा निङ्वाॽफुमाङ्, खे़ङ्हाॽ नावागे़न् चइःत् के़जोःक्पा निङ्वाॽफुमाङ्, यहवे दाङ्बे़ल्ले़ अक्खे पाःत्तुरो— ‘खे़ने़ॽ ताःन्दि पोङ्मा के़इःप्पा पाःन्निल्ले़ कुयाःम्बेॽओ सेःन्गे़दोआबि? आङ्गाॽ आस्साहाॽ नु आहुक्किल्ले़ चोगुबा आयाःम्बक्किल्ले़ कुयाःम्बेओ मुरा के़मे़त्ताबाबि? खे़न् सेःन्लाप्मा के़युक् होप्लो!
“‘कल्ले़चोगुल्ले़ खिनिॽ माङ्निङ्वाॽपान् के़बाःप्पाहाॽ, खागे़इक्पाहाॽ, से़प्माङ्ङिल्ले़ कुबे के़हम्बाहाॽ, के़सिबा मनाःल्ले़ कुसाम् मुरा के़मे़प्पाहाॽ नु मिक्ले़ःङ्मा याःम्बक् के़जोःक्पाहाॽरे़ मे़बाःत्तुबान् मे़घे़प्से़म्मिन्ने़ॽ, खे़ङ्हाॽरे़ मे़बाःत्तुॽ, “बेबिलोनबा हाङ्ङिल्ले़ कुयुक्को खिनिॽ वाॽमा मे़बोङ्ने़न्॥”
Piblisite