Biblia Todo Logo
Bib sou entènèt

- Piblisite -




यसैया 8:18 - लिम्‍बु

18 आङ्‌गाॽ नु यहवे दाङ्‌बे़ल्‍ले़ पिराङ्‌बा आस्‍साहाॽ आम्‍भा कॽयोए वयिगे़॥ आनिगे़ग सियोन कोःक्‍माओ हाङ्‌युक् के़जोःक्‍पाआङ् के़युङ्‌बा मुक्‍साम्‍दाङ्‌बा यहवे दाङ्‌बे़ल्‍ले़ इस्राइलओ पाङ्‌घिगे़बा मिक्‍सेःन्‍दिगे़॥

Gade chapit la Kopi




यसैया 8:18
27 Referans Kwoze  

हे़क्‍क्‍याङ् सिमियोनरे़ खे़ङ्‌हाॽ मुॽइसाम् थाःसु पिरुसिर मरियम्‍मिन् मे़त्तु, “कन् अङे़ःक्‌वान् इस्राइलओ यरिक्‍ले़ खुनिॽ मे़क्‍मा नु से़न्‍लप्‌रे़ लागि निङ्‌वाॽफुमाङ्‌ङिल्‍ले़ सेगुआङ् वाॽ, हे़क्‍क्‍याङ् यरिक् मनाहाॽ कुदक्‍ले़ङ्‌वाओ मे़बाःत्‍लो॥


यहवे दाङ्‌बे़ल्‍ले़ अक्‍खे पाःत्तुॽ—“आङ्‌गाॽ नुःङ्‌ङाआङ् सियोनओ युआ, हे़क्‍क्‍याङ् यरुसले़ःम्‍मो युङ्‌ङा॥ खे़ब्‍याङ् यरुसले़ःम्‍मिन् ‘नसाःन्‍साबा ये़क्‌यक्’ मे़मे़त्तुॽ, हे़क्‍क्‍याङ् मुक्‍साम्‍दाङ्‌बा यहवे दाङ्‌बे़ल्‍ले़ कुगोःक्‍मान् ‘सेसे कोःक्‍मा’ मे़मे़त्तुॽ॥


आङ्‌गाॽग यरिक् मनाहाॽरे़ खुन्‍छिॽ कुबि पोःक्‍खाङ्‌ङाङ् वाॽआरो, थेआङ्‌भे़ल्‍ले़ खे़ने़ॽग आङ्‌गाॽ आइःम्‍सिङ्‌मादे़न् के़बोक्‍खे़आङ् के़वाॽरो॥


“‘तुम् निङ्‌वाॽफुसाम्‍बा यहोसुए! खे़ने़ॽ नु के़दगि के़युङ्‌बा के़न्‍देःङ्‌बाहाॽए ताःन्‍दिबा मिक्‍सेःन्‍निङ्‌लो॥ कुबोराक् मे़प्‍मनाबा आसे़वारोबे़न् आङ्‌गाॽ तारुङ्‌लो॥


“कर खुने़ॽ खाःम्‍मा नु तुक्‍खे थःप्‍पाङ्‌माग यहवे दाङ्‌बे़ल्‍ले़ कुनिङ्‌वाॽ वये़रो॥ यहवे दाङ्‌बे़ल्‍ले़ खुने़ॽ कुहिङ्‌मन्‍निन् खुने़ॽनु याम्‍मो तङ्‌मारे़ लागि वयागे़न् सिदुङ्‌जभा कुइसिक् चोगुरो॥ हे़क्‍केसाङ् खुने़ॽ कुमुॽइदाङ्‌साहाॽ निसुसिरो हे़क्‍क्‍याङ् खुने़ॽ कुधाक् चाॽरो॥ खे़ब्‍याङ् निङ्‌वाॽफुमाङ्‌ङिल्‍ले़ चोःक्‍मा निङ्‌वाॽ चोगुबा पाःन्‍हाॽ खुने़ॽलाम्‍बा कुलिङ्‌दो के़त्‍लो॥


याङ्‌सि के़दाबा मुॽइदाङ्‌साहाॽरे़ कुसे़वा मे़जोगुरो, खे़ङ्‌हाॽरे़ खुनिॽनुःल्‍ले़ एगाङ् के़दाबाहाॽ यहवे दाङ्‌बे़ल्‍ले़ कुयाःम्‍बेओ मे़जे़क्‍तुसिरो॥


साम्‍लोरे़म्‍मे़ॽआङ् सियोनओ हाङ् के़जोःक्‍पा यहवे दाङ्‌बे़ल्‍ले़ कुनारा फोसे़म्‍मे़ॽओ॥ यहवे दाङ्‌बे़ल्‍ले़ चोगुबा कुयाःम्‍बक्‍हाॽ के़रे़क् मनाहाॽ चे़क्‍ते़म्‍सिम्‍मे़ॽओ॥


कर खिनिॽग सियोन कोःक्‍माओ, कुहिङ्‌वे़त् निङ्‌वाॽफुमाङ्‌ङिल्‍ले़ कुये़क्‌यक् साङ्‌ग्राम्‍पेदाङ्‌बा यरुसले़म्‍मो के़द्‌ये़ॽइआङ् के़वयिरो॥ खिनिॽग हे़न्‍छिङ् हे़न्‍छिङ् माङ्‌लाइङ्‌बाहाॽरे़ खुनिॽ ओमुलॽमारे़ कुधिम्‍बा खुनिॽ चुम्‍लुङ्‌ङो के़द्‌ये़ॽइआङ् के़वयिॽरो॥


हे़क्‍क्‍याङ् लाबे़न् माक्‍ताङ्‌बा पोङ्‌ङाङ् मे़ओःत्‍ने़न्‍लो, खम्‍भ्‍याङ् नाम्‍मिन्‍नाङ् मे़से़ःक्‍ने़न्‍लो थेआङ्‌भे़ल्‍ले़ मुक्‍साम्‍दाङ्‌बा यहवे दाङ्‌बे़ल्‍ले़ सियोन कोःक्‍माओ नु यरुसले़म ये़क्‌यक्‍को के़वाॽबा साम्‌योसिक्‍साम्‍बाहाॽरे़ खुन्‍छिॽ तगि मिमिदिङ्‌गे़न् हाङ्‌युक् चोगुरो॥


सियोन ये़क्‌यक्‍कोबा मनासे, यम्‍बा इक्‍लाओ अःक्‍ताम्‍मे़ॽ हे़क्‍क्‍याङ् सःत्ताम्‍मे़ॽर साम्‍लोराम्‍मे़ॽओ, थेआङ्‌भे़ल्‍ले़ खे़निॽ लुम्‍मो के़वाॽबा इस्राइलबा सेसे निङ्‌वाॽफुमाङ्‌ङिन् पयम् यम्‍बा चोक्‍लो॥”


कर खुने़ॽ नुबा नु ताप्‍फे़ःम्‍बा फाॽआङ् कुसिङ्‌निःप्‍मानुःल्‍ले़ तगि खे़निॽ खे़न् तल्‍लिक् के़गिरुम्‍सिम्‍बा इस्राइलबा नु अरामबा हाङ्‌हाॽरे़ खुन्‍छिॽ लाजेन् मुरे़क् खारे़क् नु चिजि खक्‍खक् मे़जोगु॥


“हे़क्‍केःल्‍ले़ खे़न् सुवाङ्‌ङोबा हाङ्‌लाइङ्‌बाहाॽ आनिॽ थे नुगप् पिमासिबे? ‘यहवे दाङ्‌बे़ल्‍ले़ यरुसले़ःम्‍मिन् थुम्‍धुम्‍बा चोगुआङ् वाॽरो, हे़क्‍क्‍याङ् खे़न् याङ्‌गे़साॽबा खुने़ॽ कुमनाहाॽरे़ खे़ॽयो से़ःप्‍सिङ्‌मा मे़घोसुरो॥’”


थेआङ्‌भे़ल्‍ले़ दाउदरे़ पाःत्तुआङ् वये़, “यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ कुमनाहाॽ ताप्‍थेक् याम्‍धेक् कत्तुसिआङ् वाॽ, हे़क्‍क्‍याङ् यरुसले़ःम्‍मो खुने़ॽ सदादिङ् वाॽ॥


कुभा ये़म्‍मोग खिनिॽ मनाहाॽरे़ खुनिॽ तगि हिनाःम् के़म्‍मे़त्तिआङ् तुक्‍खे के़म्‍जाःत्तिॽ॥ हे़क्‍क्‍याङ् कुभा ये़म्‍मोग हे़क्‍तङ्‌बा पाःन्‍नो के़धाबाहाॽनु सोरिक् के़वयिआङ् कुभाॽ के़बिरुम्‍सिम्‍लो॥


खे़ब्‍याङ् यहवे दाङ्‌बे़ल्‍ले़ यसैयान् मे़त्तु, “आल्‍ल आबाङे के़स्‍सा सार्यासुबे़न् तेॽरे़आङ् थोसमा वरक्‍कोबा वालाम्‍मो पेगे़ॽ, इग्र चाङ् वागे़हप्‍पाहाॽरे़ खुन्‍छिॽ प्‍याङ्‌सिओबा माराम्‍मो पेगे़ॽआङ् आहाजे़न् तुमे़ॽ॥


आङ्‌गाॽ अक्‍तङ्‌बा मनाहाॽरे़ खुन्‍छिॽ तक्‍ले़ङ्‌वाओ आनारान् हिसिङ्‌ॽ हे़क्‍क्‍याङ् आङ्‌गाॽ आमनाहाॽरे़ खुन्‍छिॽ लुम्‍मोलाम् खे़ङ्‌हाॽ युम्रे़क् मे़क्‍खुङ्‌सिङ्‌ङाङ् खे़ङ्‌हाॽ लत्‍छा किप्‍मा के़घुबा कुबि नु चाहाक् चोगुङ्‌सिङ्‌ॽ॥ खे़ब्‍याङ् आङ्‌गाॽए यहवे दाङ्‌बाआ फाॽआङ् खिनिॽ निङ्‌वाॽ के़घोसुम्‌ॽ॥


खे़ब्‍याङ् आङ्‌गाॽ आहिम्‍सामा माङ्‌निङ्‌वाॽपान् के़बाःप्‍मे़न्‍नु इप्‍साङ्, हे़क्‍क्‍याङ् खुने़ॽ मे़न्‍छुक्‍मा पोःक्‍खे़आङ् ये़म्‍बित्‍छा साधिक् कत्तु॥ खे़म्‍ब्‍याङ् यहवे दाङ्‌बे़ल्‍ले़ आङ्‌गाॽ मे़त्ताङ्, “खे़ल्‍ले़ कुमिङ् ‘महेर-सालल-हाज-बज’ युक्‍खे़ॽ॥


खे़ब्‍याङ् एसाबे़न् अक्‍खे ओमये़ल्‍ले़ मे़न्‍छुमाहाॽ नु हिन्‍जाॽ पित्‍छाॽहाॽ निसुसिआङ् मे़त्तु, “खे़ने़ॽनु के़वाॽबा के़वाॽमा कन् याप्‍मिहाॽ हाःत्‍छिनिबे?” याकुबरे़ नुगप् पिरु, “निवाॽफुमाङ्‌ङिल्‍ले़ खे़ने़ॽ के़से़वारोबान् लुङ्‌माॽ तुक्‍तुआङ् पिरुबा हिन्‍जाॽसिरो॥”


खिनिॽ नु खिनिॽ थिन्‍दाङ् सायोबोराहाॽरे़ खुन्‍छिॽ सम्‍धाङ् सदादिङ्‌ले़ लागि खे़न् मिक्‍सेःन्‍हाॽ नु ने़हिरे़ मे़न्‍धाप्‍मनाबा पाःन्‍हाॽ पोङ्‌ॽ॥


याङ्‌सि अस्‍दोद ये़क्‌यक्‍किन् अस्‍सुरिहाॽरे़ खुन्‍छिॽ हुक्‍को थ्‍ये़आङ् यहवे दाङ्‌बे़ल्‍ले़ पाःत्तु, “आङ्‌गाॽ आसे़वारोबा यसैयान् मिस्र लाजेॽ नु कुस लाजेःल्‍ले़ लागि मिक्‍सेन् हे़क्‍क्‍याङ् साम्‍दिङ् पोङ्‌ल फाॽआङ् तङ्‌बेॽ सुम्‍सि थारिक् ले़क्‍चाॽबे़धिःक् नु लाङ्‌सुःप् मेःन्‍ने लाङ्‌घेगे़॥


“हे़क्‍क्‍याङ् यहवे दाङ्‌बे़ल्‍ले़ पाःत्तुॽ, ‘खिनिॽ यङ्‌मा से़त्‍निङ्‌बा के़रे़क् पाःन्‍हाॽ खिनिॽओ के़त् हे़क्‍क्‍याङ् कॽयो खिनिॽ खुम्‍दिङ् पिनिङ्‌ॽ॥ आङ्‌गाॽ कन् पाःन्‍निन् चोगुङ्‌ङाङ् ओसेःन्‍धाक्‍निङ्‌ॽ॥’


खे़ब्‍याङ् खरे़ःङ् ले़ःङ्‌मा फे़न्‍जेॽ खेःक्‌या थिक् याङ्‌सिङ्‌ङे़ॽआङ् खे़न् खे़ने़ॽ नु ये़क्‌यक्‍किल्‍ले़ कुलुम्‍मो ये़प्‍से़ॽ॥ खे़ने़ॽ ये़क्‌यक् ले़प्‍माङ् हिसिङ्‌ङे़ॽ हे़क्‍क्‍याङ् यरुसले़ःम्‍मिन् निङ्‌मिहाॽरे़ किर्गप् मे़गबुबान् आक्‍ख्‍यारिक् के़साक्‍पा पोङ्‌ॽ फाॽआङ् ओसेःन्‍धाङ् चोगे़ॽ॥ कन् इस्राइलबा मनाहाॽरे़ लागि लत्‍छा साम्‍दिङ् पोङ्‌ॽ॥


खे़ङ्‌हाॽ ओमे़मःल्‍ले़ खे़ने़ॽ के़गक्‍किन् फक्‍ताङ्‌ङो फोःक्‍खे़ॽआङ् युक्‍खे़ॽ हे़क्‍क्‍याङ् से़न्‍दिक् लाङ्‌घेगे़ पेगे़ॽ॥ खे़ने़ॽ के़नारान् ते़प्‍ते़ॽ हे़क्‍केलॽरिक् खे़ने़ॽ के़ले़रुबा लाजेन् खे़ने़ॽ निमा के़न्‍छुक्‍तुन्‌ॽ॥ थेआङ्‌भे़ल्‍ले़ इस्राइलबा मनाहाॽरे़ खुन्‍छिॽ लागि खे़ने़ॽ लत्‍थिक् मिक्‍सेन् चोःक्‍ने़आङ् वाॽ॥”


निङ्‌वाॽफुमाङ्‌ङिल्‍ले़ तुक्‍खे लाक्‍खे के़दुम्‍बाहाॽ निङ्‌वाॽ इःत्तुसिरो, खे़ङ्‌हाॽरे़ पेलि मे़भाक्‍तुल्‍ले़ मे़ङ्‌घे़म्‍ना मे़ले़ङ्‌सिङ्‌ङिन्‍लो, हे़क्‍क्‍याङ् कुमना तुक्‍खे के़जाःप्‍पाहाॽ खुम्‍दिङ् पिरुसिरो॥


मे़ल्‍लुक्‍कम्‍बाहाॽरे़ मे़बाःत्तुबा पाःन्‍निन् मनाहाॽरे़ मे़घे़प्‍सुआङ् खुनिॽ निङ्‌वाॽ मये़रो॥


Swiv nou:

Piblisite


Piblisite