यसैया 8:14 - लिम्बु14 आङ्गाॽग से़ःप्सिङ्दे़न् पोङ्ङारो, हे़क्क्याङ् साॽरिक् सेसेबा चोःक्काबाल्ले़ चोगुल्ले़ आङ्गाॽ आदोःक्तोःक्पा लुङ् हे़क्के लॽआरो॥ आङ्गाॽ यहुदा, इस्राइल नु यरुसले़म ये़क्यक्पा मनाहाॽ चे़न्नो के़धाबा कुसिङ् लॽआरो॥ Gade chapit la |
यसैया 8:14
24 Referans Kwoze
खे़ल्ले़चोगुल्ले़ के़रे़क्नुःल्ले़ यम्बा यहवे दाङ्बे़ल्ले़ पाःत्तुरो, “ओमे़त्ते़म्मे़ॽ, आङ्गाॽ यरुसले़म ये़क्यक्को लत्छा लुङ्धिक् युक्खुङ्लो॥ हे़क्क्याङ् खे़ङ्ग से़क्खा चोःक्मनाबा लुङ् थधप् मे़ल्लॽमनाबा हिम्पाङ्यक्ले़ लागि लत्छा कुसुक्पोबा इमे़ल्लुङ्बा मालुङ्लो॥ खे़ॽयो नसान् के़जोःक्पा नु निङ्वाॽ के़युङ्बाहाॽ आप्फाल्ले़आङ् निङ्साङ् पुक्माओ मे़न्धाने़न्लो॥
“खे़ल्ले़चोगुल्ले़, लाजेॽलाम् मे़लःत्तु मे़देसुसिबाहाॽ मे़त्ते़ॽसे़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—इक्सादिङ् खाम्बेःक्मोबा लाजेॽहाॽओ खिनिॽ फुत्छिङ्ज्याङ् से़निङ्देनिङ्ङाङ् के़वयिसाङ्, खिनिॽ लाजेॽलाम् के़म्लःत्ति के़म्देसिआङ् के़वयिबा ये़म्मो आङ्गाॽए खिनिॽ सेसेदे़न्नारो॥’
याङ्गे़साॽबा मनाहाॽरे़ खुन्छिॽ लागि हे़क्क्याङ् ये़त्तुक्खे के़दुम्बा कुधेआङ् के़होःप्पाहाॽरे़ लागि खे़ने़ॽ से़ःप्सिङ्मादे़न् के़बोक्खे़आङ् के़वाॽरो, सुरित् केजङ् हुःल्ले़ वाइःप्सिङ्मादे़न् हे़क्क्याङ् नाम्से़ःक्किल्ले़ इःम्सिङ्मादे़न् नाम्जिःक्खोॽ के़बोक्खे़आङ् के़वाॽरो॥ थेआङ्भे़ल्ले़ कुनिङ्वाॽ के़जिःप्पाहाॽरे़ खुन्छिॽ सक्माःङ्ग लुङ्धाक्को के़दोःक्पा सुरित् केजङ् कुइसिःक्लक् लॽरो,
“साम्योबा मनाहाॽ खुन्छिॽ साम्योबा याःम्बक्हाॽलाम् मे़नुःङ् मे़बेःक् हे़क्क्याङ् आङ्गाॽ खे़ङ्हाॽरे़ खुन्छिॽ लाम्मो ने़स्सुङ्बा आघघबा पाःन्हाॽ निनि मे़ल्लाप्तुन्ने़भग्र, खे़ङ्हाॽ मे़सिरो॥ खे़ब्याङ् खे़ने़ॽ खे़ङ्हाॽ साम्दिङ् के़म्बिरुसिन्ने़भग्र, खे़ङ्हाॽ खुन्छिॽ लायोओ मे़सिरो॥ खे़ङ्हाॽरे़ खुन्छिॽ आत्तिन् साम्योबा याःम्बक्हाॽआङ् निङ्वाॽसुम् मे़बोङ्ने़न्, हे़क्क्याङ् आङ्गाॽ खे़ङ्हाॽरे़ खुन्छिॽ सिमाओ खे़ने़ॽ के़धार याःन्ने़रो॥
Piblisite