यसैया 7:25 - लिम्‍बु

²⁵ काःङ्‌ङे़ल्‍ले़ अःक्‍मनाबा के़रे़क् कोःक्‍मा थे़गुहाॽओ सेर्दाःक्‍मा नु तिङ्‌ङे़न् के़गिरुम्‍बाल्‍ले़ चोगुल्‍ले़ याम्‍मो खे़निॽ खे़ॽयो के़म्‍बेगिन्, कर खे़न् ते़न्‍हाॽ पित् साःङ्‌वा चाराम्‍मादे़न् नु मे़ल्‍लुक् के़लोःक्‍पाआङ् के़वाॽबादे़न् पोङ्‌लो॥”

यसैया 7:25 Referans Kwoze

सपन्‍याह 2:6

करेतिहाॽ मे़युङ्‌बा वरःङ्‌ङिल्‍ले़ कुयाओबा लाजेन्, मे़ल्‍लुक्‍कम्‍बाहाॽरे़ खुन्‍छिॽ लागि वाॽमादे़न् पोङ्‌लो हे़क्‍क्‍याङ् मे़ल्‍लुक्‍हाॽरे़ लागि चाराम्‍मादे़न् पोङ्‌लो॥

यसैया 17:2

अरोएरबा ये़क्‌यक्‍हाॽ मुरे़क् खारे़क् नु चिजि खक्‍खक् पोङ्‌लो, हे़क्‍क्‍याङ् माराम्‍हाॽओ मे़ल्‍लुक् मे़ःन्‍दा चामे़राम्‍माङ् मे़इम्‍माङ् मे़ने़रो, खे़ॽयो मे़ल्‍लुक्‍हाॽ के़नाःप्‍पा के़देबा हाःत्ताङ् होप्‍लो॥

यसैया 5:17

खे़ब्‍याङ् मे़ल्‍लुक्‍हाॽ आबाङे चाराम्‍दे़न्‍नो हे़क्‍के चारामे़राम्‍लो, हे़क्‍क्‍याङ् थुःम्‍बाहाॽरे़ग याङ्‌साकुन्‍धेसाबाहाॽरे़ खुन्‍छिॽ के़लुःम्‍बा नु के़यम्‍बा के़याःक्‍पा लुम्‍मो मे़जरो॥

यसैया 7:19

खे़ङ्‌हाॽ मे़दाआङ् के़रे़क् चिहुॽहुॽबा याक्‍केःक्‍हाॽ, याक्‍पेॽ फिःप्‍माहाॽ, के़रे़क् तिङ्‌ग्रेक् लाहाॽओ नु के़रे़क् च्‍वाःत् वालाम्‍हाॽओ मे़युङ्‌सिङ्‌ॽ॥

यसैया 7:24

सेर्दाःक्‍मा नु कुदिङ् युङ्‌बाल्‍ले़ चोगुल्‍ले़ मनाहाॽ खे़ॽयो तोङ् लि मे़याङ्‌सिङ्‌ङाङ् सा आप्‍से़ मे़बेःक्॥ हे़क्‍क्‍याङ् लाजेन् के़रे़क् तिङ्‌ग्रेक् नु कुदिङ् के़युङ्‌बा फुङ्‌ले़ तिम्॥

होसे 4:16

पान् मे़ङ्‌घे़म्‍मनामा करःङ् पिप्‍मा कुइसिक् इस्राइलिहाॽ आधिङ्‌गानि मे़बोःक्‍खे़आङ् मे़वाॽरो॥ खे़ब्‍याङ् आक्‍खेलॽरिक् यहवे दाङ्‌बे़ल्‍ले़ खे़ङ्‌हाॽ चाराम्‍मादे़न्‍नो मे़ल्‍लुक्‍साःत्‍हाॽ चामे़राम्‍बा कुइसिक् चाराम्‍सुसिबे?