Biblia Todo Logo
Bib sou entènèt

- Piblisite -




यसैया 7:18 - लिम्‍बु

18 “खे़न् ये़म्‍मो यहवे दाङ्‌बे़ल्‍ले़ योसमा मिस्र लाजेॽओबा थक्‍सुबाहाॽ नु अस्‍सुर लाजेॽओबा थक्‍सुबाहाॽ मे़दार फाॽआङ् ख्‍योःक्‌वालाम्‍बा उःत्तुसिॽ॥ खे़ङ्‌हाॽरे़ सिजाहाॽ कुइसिक् खे़ने़ॽ के़गब्रिङ् के़म्‍बन्‍नाङ् सक्‌वाहाॽ कुइसिक् के़म्‍सिक्‍काङ् के़म्‍से़त्॥

Gade chapit la Kopi




यसैया 7:18
15 Referans Kwoze  

खुने़ॽ माःङ्‌घाबा मे़न्‍छाम् सुवाङ्‌हाॽरे़ खुन्‍छिॽ लागि लत्‍थिक् निसा लेःत्तुरो, हे़क्‍क्‍याङ् खुने़ॽ योॽबा लाजेःल्‍ले़ कुनुप्‍मो थारिक् के़युङ्‌बा सुवाङ्‌हाॽ ख्‍योःक्‌वालाम्‍बा उःत्तुसिरो, खे़ङ्‌हाॽ हाराआङ् चाःत्‍चाःत् लॽरिक् मे़दारो!


आभाॽरे़ फाॽआङ् मिस्र लाजेॽओ के़बेःक्‍पाहाॽग मे़जिःत्ते़ मे़स्‍ये़रो! खे़ङ्‌हाॽरे़ मिस्र लाजेॽओबा यरिक् अन्‍हाॽ, अन्‍लाधाहाॽ हे़क्‍क्‍याङ् थक्‍सुबाहाॽरे़ ताङ्‌मे़से़ःप्‍तिगे़ फाॽआङ् मे़इःत्तुरो॥ कर इस्राइलबा सेसेबा निङ्‌वाॽफुमाङ्‌ङिल्‍लो निङ्‌वाॽ मे़न्‌युक्‍खुन्‍लो, हे़क्‍क्‍याङ् खुने़ॽओ कुभाॽआङ् मे़ङ्‌गोःत्तुन्‍लो॥


आङ्‌गाॽ खिनिॽ तगितगि सावा सक्‌वा थिक् पाङ्‌घुङ्‌देसुङ्, खे़ल्‍ले़ खे़ङ्‌हाॽ, एमोरिहाॽरे़ खुन्‍छिॽ ने़त्‍छि हाङ्‌हाॽआङ् खिनिॽ तगिलाम् नाःत्तुदेसुसि॥ खे़न् खिनिॽ आप्‍फेक् ताभे नु लिःल्‍ले़ चोःक्‍मा मे़बोःक्‍खे़न्॥


कन्‍नुःल्‍ले़ वेॽ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खे़ङ्‌हाॽरे़ खुन्‍छिॽ के़दाङ्‌बा के़याःक्‍पा नु खिनिॽलाम् के़जिङ्‌सिङ्‌बाहाॽ मे़म्‍मे़क्‍ने़न्‍ल थारिक् खे़ङ्‌हाॽरे़ खुन्‍छिॽ लुम्‍मो सावाहाॽ पाङ्‌घु तासुसिॽ॥


हे़क्‍क्‍याङ् कोःक्‍माओ के़युङ्‌बा एमोरिहाॽ खिनिॽनु मे़धक्‍ते़, खम्‍भ्‍याङ् सक्‌वा पन्‍ज्‍याङ्‌मे़ल्‍ले़ मनान् मे़नाःत्तुबा हे़क्‍के खे़ङ्‌हाॽरे़ खिनिॽ पुबेलाप्‍सा के़म्‍नाःत्ति, खे़ब्‍याङ् सेइरलाम् होर्मा थारिक् खे़ङ्‌हाॽरे़ खिनिॽ के़म्‍नाःन्‍दि॥


इक्‍सादिङ् खाम्‍बेःक्‍मे़ल्‍ले़ नासमा कुया माःङ्‌घा माःङ्‌घाबा लाजेॽलाम् खे़ङ्‌हाॽ मे़दार मे़बत्‍लो॥ यहवे दाङ्‌बे़ल्‍ले़ साॽरिक् कुसाक्‍के़न् पोगे़बाल्‍ले़ चोगुल्‍ले़ के़रे़क् लाजेॽहाॽ खाप्‍पुथ्‍यःङ् चोःक्‍मारे़ लागि खुने़ॽ तार पत्‍लो॥


“यहवे दाङ्‌बे़ल्‍ले़ खे़ने़ॽ के़लाजेःल्‍ले़ कुदक्‍ले़ङ्‌वाओ नु खे़ने़ॽ के़हिम्‍सयङ्‌हाॽरे़ खुन्‍छिॽ तक्‍ले़ङ्‌वाओ यम्‍बा तुक्‍खे लाक्‍खे तारुॽ॥ हे़क्‍क्‍याङ् सोलोमनरे़ कुहाङ्‌जुम्‍मिन् इस्राइल नु यहुदा ने़त्‍छि हाङ्‌जुम्‍मो पःक्‍खे़बा तङ्‌बेआङ् कत्‍थो पोःक्‍खे़बा हिन्‍धोःक्‍हाॽनुःल्‍ले़आङ् पयम् यम्‍बा किमे़न् हाराए के़निसु के़दुमुॽ॥ खे़ब्‍याङ् यहवे दाङ्‌बे़ल्‍ले़ अस्‍सुरबा के़आःप्‍पा हाङ्‌ङिल्‍ले़ यरिक् कुधक्‍सुबाहाॽ तारुसिॽ॥”


खे़ङ्‌हाॽरे़ सक्‌वाहाॽरे़ कुइसिक् काक् पिसाङ्‌लाम्‍बा चिबन् मे़बन्‍छाङ्‌लो, कर तिङ्‌ग्रेक्‍पा लाओ मिगे़लाःप्‍पा हे़क्‍के खे़ङ्‌हाॽ मे़जेबे़ मे़लासे़रो, यहवे दाङ्‌बे़ल्‍ले़ कुमिङ्‌ङो खे़ङ्‌हाॽ थ्‍यःङ् चोगुङ्‌सिङ्‌लो॥


हे़क्‍क्‍याङ् यहवे दाङ्‌बे़ल्‍ले़ फारोल्‍ले़ कुहिम्‍मो नु सुहाङ्‌गे़म्‍बाहाॽरे़ खुन्‍छिॽ हिम्‍मो सिजाहाॽ साॽरिक् यरिक् कुबन्‍ज्‍याङ् कुबन्‍ज्‍याङ् पाङ्‌घु तासुसि॥ सिजाहाॽरे़ मिस्र लाजेॽओ के़रे़क् सक्‍मा हिःक्‍हिःक् मे़मे़त्तु॥


आङ्‌गाॽ आबाःन्‍निन् खे़म्‍मा के़न्‍दे़न्‍ने़न्‍ने़भग्र आङ्‌गाॽ खे़ने़ॽ के़हिम्‍मो, खे़ने़ॽ के़सुहाङ्‌गे़म्‍बाहाॽरे़ खुन्‍छिॽ हिम्‍मो नु के़मनाहाॽरे़ खुन्‍छिॽ हिम्‍मो सिजाहाॽ पाङ्‌घुङ् तासुङ्‌सिङ्‌ङाङ् खे़ने़ॽ खुम्‍दिङ् पिने़॥ मिस्रबाहाॽरे़ खुन्‍छिॽ हिम्‍हाॽ, लाजेॽ सिङ्‌बुङ्‌ङिन् के़रे़क् सिजाहाॽरे़ सधे़क् तिम्‌ॽ, आङ्‌गाॽ पाःत्तुङ्‌बा कन् साम्‍दिङ् पाःन्‍निन् खे़प्‍से़ॽ॥


यहवे दाङ्‌बे़ल्‍ले़ माःङ्‌घालाम्, इक्‍सादिङ् खाम्‍बेःक्‍माल्‍ले़ नासमा कुयाओनु सुबुबुना कक्‍कफिःक्‍माल्‍ले़ मु फत्तुबा कुइसिक् खिनिॽ कुसिङ् के़न्‍निःत्तुम्‍मिन्‍बा पाःन्‍दाङ् के़बाःप्‍पा लत्‍छा सुवाङ्‌समा मनाहाॽ खिनिॽ तक्‍ले़ङ्‌वाओ तारुसिॽ,


“खे़ङ्‌हाॽ आङ्‌गाॽ उःत्तुङ्‌सिङ्‌ङाङ् सुप्‍सुङ्‌सिङ्‌लो, थेआङ्‌भे़ल्‍ले़ से़क्‍खाए मे़ल्‍लुङ् हुङुङ्‌ङाङ् खे़ङ्‌हाॽ थे़ॽरुङ्‌सिङ्‌ङाङ् मे़वाॽरो हे़क्‍क्‍याङ् तगि कुइसिक् निःत्‍मे़न्‍दे़त्ते यरिक् मे़बोङ्‌लो॥


खुने़ॽ सिजा सिक्‍चा हयङ् हयङ् मे़दार फाॽआङ् पाःत्तुरो, हे़क्‍क्‍याङ् लाजेन् के़रे़क् सिजा नु याङ्‌नाःल्‍ले़ तिम्‍से़रो॥


Swiv nou:

Piblisite


Piblisite