Biblia Todo Logo
Bib sou entènèt

- Piblisite -




यसैया 66:3 - लिम्‍बु

3 कर खे़ङ्‌हाॽरे़ आबाङे खुन्‍छिॽ लाम्‍मिन् मे़सेगुआङ् मे़वाॽरो खे़ब्‍याङ् खे़ङ्‌हाॽरे़ खुन्‍छिॽ याम्‍साम्‍मिन् आबाङे खुन्‍छिॽ सिक्‍के़ले़ःङ्‌बा याःम्‍बक्‍हाॽओ सःत्‍लो॥ कुम्‍बाबा पित् वयागे़न् सिदुङ्‌जभा के़जोःक्‍पे़ङ्‌ग मना के़से़प्‍पा हे़क्‍तङ्‌बारो॥ थुःम्‍बा वयागे़न् सिदुङ्‌जभा के़जोःक्‍पे़ङ्‌ग कोःत्‍चोःल्‍ले़ कुनिःङ्‌मा के़ए़ङ्‌बा कुइसिःक्‍लो॥ हाःत्‍ले़ कुजा सिदुङ्‌जभा तोःन्‍दुॽ, खे़ङ्‌ग फाक्‍किल्‍ले़ कुमाक्‍खिॽ के़दोम्‍बा कुइसिःक्‍लो॥ आत्तिल्‍ले़ साङ्‌सिङ् सुक्‍पा हाःन्‍दु, खे़ङ्‌ग नावाइत्‍ला से़वा के़मे़प्‍पा हे़क्‍तङ्‌बारो॥

Gade chapit la Kopi




यसैया 66:3
19 Referans Kwoze  

कुॽइगे़भे़म्‍बा मनाःल्‍ले़ वयागे़न् कुसिदुङ्‌जभान् यहवे दाङ्‌बे़ल्‍ले़ कुनिमो सिक्‍के़ले़ःङ्‌बा चोक्‍लो, कर कुदोःप्‍माआङ् के़वाॽबाल्‍ले़ कुबेःल्‍लिःल्‍ले़ खुने़ॽ सःत्‍लो॥


यहवे दाङ्‌बे़ल्‍ले़ पाःत्तुॽ, “नावाइत्‍ला माङ्‌घमारे़ लागि सुत्‍थो के़जोःक्‍सिङ्‌बा, कुदिःक् कुदिःक् माङ्‌धाःन्‍हाॽओ के़बेःक्‍पा हे़क्‍क्‍याङ् फाक्, सुबा नु वेॽ सिक्‍के़ले़ङ्‌बा कुजा के़जाबा मनाहाॽरे़ खुन्‍छिॽ मे़क्‍मासिमे़न् निःत्ताङ् तार पत्॥


खिनिॽ त्‍वाबो आसे़त्‍से़प्‍पा सिमे़न् साप्‍तुङ् पिनिङ्‌ङाङ् पत्‍लो थेआङ्‌भे़ल्‍ले़ आङ्‌गाॽ पाःन्‍छाःत्‍निङ्‌ङिल्‍ले़ खिनिॽ के़म्‍बारिन्‍लो हे़क्‍क्‍याङ् पाराङ्‌ङिल्‍ले़ आबाःन्‍निन् के़ङ्‌घे़प्‍सुम्‍ने़न्‍लो॥ खिनिॽ निनिबा लायो के़जोगुम्‍लो हे़क्‍क्‍याङ् चिःत्तुङ्‌बा पाःन्‍निन् के़सेगुम्‍लो॥”


खे़ब्‍याङ् खे़ल्‍ले़ हारुने़ल्‍ले़ कुस्‍सा निङ्‌वाॽफुसाम्‍बाहाॽओ खे़न् तारुर॥ खे़न्‍लाम्‍बा निङ्‌वाॽफुसाम्‍बाल्‍ले़ हुक्‍पुप्‍थिक् काङ्‌गाङ्‌बा चुन्‍जुम्‍बा फेॽरुम् नु निःङ्‌गेन् के़रे़क् सुक्‍पान्‍नु सोरिक् लःत्तु लारुर॥ हे़क्‍क्‍याङ् निङ्‌वाॽफुसाम्‍बाल्‍ले़ यहवे दाङ्‌बे़ल्‍ले़ खे़न् कुसिराॽ के़धाङ्‌बा कुनाम्‍गे़नुॽबा, मिलाम्‍बा तोःम्‍मनाबा सिदुङ्‌जभा, हुक्‌वा हे़क्‍के ले़त्ति तोःम्‍मादे़न्‍नो मिधिक्‍खुदेसुर॥


ताक्‍के़भे़ॽबे़ल्‍ले़ तोःन्‍दुबा सिदुङ्‌जभान् याम्‍गे़सिङ्‌बा चोक्‍लो, ताप्‍फे़ःम्‍बा निङ्‌वाःल्‍ले़ तोःम्‍मनाबे़न् आक्‍खे़न् साॽरिक् सिक्‍ले़ःङ्‌ङिरो!


कुभा माङ्‌हे़क्‍किन् के़प्‍मारे़ लागि मे़न्‍छुमाःल्‍ले़ इग्र ये़म्‍बित्‍छाःल्‍ले़ याम्‍बोःप्‍मा याःम्‍बक्‍लाम् थगु तारुबा आत्तिन् याङ्‌ङिन्‍नाङ् निङ्‌वाॽफुमाङ्‌ङिल्‍ले़ कुहिम्‍मो मे़दारे़म्‍मिन्‍ने़ॽ, थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ ने़प्‍माङ् चिःत्तुसिॽ॥


फाक्‍किन्‍नाङ् आसुत्‍थो चोक्, थेआङ्‌भे़ल्‍ले़ खे़ल्‍ले़ कुलाङ् तोॽभे़ःत्तिन् के़से़म्‍बाग पत् कर खे़ल्‍ले़ कुजा मे़अन्‍दुन्‌ॽ॥ खे़ङ्‌हाॽ खिनिॽ लागि आसुत्‍थो मे़जोक्॥ खे़न् थक्‍सा साहाॽ खिनिॽ मे़जे़म्‍मिन्‍ने़ॽ, खे़न् कुसिवे़त् थक्‍साहाॽ मे़सुसे़म्‍मिन्‍ने़ॽ॥


पेगे़म्‍मे़ॽआङ् खिनिॽ के़सेगुम्‍सिम्‍बा माङ्‌हाॽ कुभाॽरे़ लागि पेलि फाक्‍ते़म्‍सिम्‍मे़ॽ, हे़क्‍क्‍याङ् खे़ङ्‌हाॽरे़ खिनिॽ तुक्‍खेवा ये़म्‍मो के़म्‍से़ःप्‍तिररो॥”


आङ्‌गाॽरक् चोगुङ् पाःत्तुङ् के़लॽबा खे़ल्‍ले़ लायो इस्‍सेःङ्‌बा कुनिङ्‌वाःल्‍ले़ चोगुल्‍ले़ आङ्‌गाॽ आयाक् ले़ॽरे़आङ् वयाङ्‌लो॥ आङ्‌गाॽ खे़न् खुम्‍दिङ् पिरुङ्‌लो, हे़क्‍क्‍याङ् आङ्‌गाॽ आनारान् चिक्‍खुङ्‌लो॥ करसाङ् खे़न् पाःन्‍मे़ङ्‌घे़म्‍मनाबा पोःक्‍खे़आङ् आबाङे कुलाम्‍मिन् नाःप्‍मा मे़ले़रुन्‍लो॥


आल्‍ल खे़ङ्‌हाॽरे़ कुसङ् माङ्‌हाॽ मे़सेगुसिल्‍ले़, ये़क्‌यक्‍हाॽओबा यम्‍बा लाम्‍धेःत्‍हाॽओ ते़न्‍धङ् पोःक्‍खे़रो, हे़क्‍क्‍याङ् इस्राइलबा लिबोङ् हे़न्‍छिङ् थक्‍लिहाङ्‌हाॽरे़ खो इग्र लाःक्‍काङ् मे़गत्तुबा निमे़दे़त्ते़न्‍लो॥


हाःत्ताङ् युङ्‌ङाङ् निङ्‌वाॽ मे़इःत्‍छिङ्‌ङे़न्‍लो, कम्‍भे पाःप्‍मारे़ लागि आत्तिल्‍ले़आङ् सिक्‍कुम् निङ्‌वाॽ मे़गत्तुन्‍लो, इग्र खासिङ् मे़निःत्‍ने़न्‍लो, “आङ्‌गाॽ खे़ल्‍ले़ कुभ्रे़ःङ् सिङ् हाःन्‍दुङ्‌लो॥ हाबा खे़न् सिङ्‌ङिल्‍ले़ खरे़ःङ् ले़ःक्‍खुङ्‌लो, आङ्‌गाॽ सा नयुङ्‌ङाङ् चाङ्‌लो॥ थे आल्‍ल खे़न् के़नम्‍बा सिङ्‌ङिन् याम्‍गे़सिङ्‌बा सामा चोगुङ्‌बाबि? थे आङ्‌गाॽ सिङ्‌मुःत्ते़ल्‍ले़ कुदगाङ् साम्‍बोन् हबत् पप्‍मा पोङ्‌बाबि?”


आङ्‌गाॽ आमनाहाॽ लाम्‍दाःक्‍मासिरे़ लागि आङ्‌गाॽ आभे़ल्‍ले़साङ् यारिप् वाॽआरो कर आङ्‌गाॽ आमनाहाॽ पाःन्‍मे़ङ्‌घे़म्‍मनाबा मे़बोःक्‍खे़आङ् आत्तिन् पाःन्‍निन् ताप्‍फे़ःम्‍बा चोक्, आम्‍भा खे़न् मे़जोगुरो खे़ब्‍याङ् आबाङे खुन्‍छिॽ लाम्‍मो लाङ्‌मे़घेःक्‍लो॥


सेबा लाजेॽलाम् नु माःङ्‌घा लाजेॽलाम् कुनाम्‍गे़नुॽबा सुक्‍पा हे़क्‍क्‍याङ् मारुक्‍हाॽ थेःल्‍ले़ लागि आङ्‌गाॽओ मे़दारुबाइरो? आङ्‌गाॽ खे़ङ्‌हाॽरे़ खुन्‍छिॽ मिधिङ्‌मनादेमनाबा सिदुङ्‌जभान् मे़दाःक्‍कान्‍लो, खे़ब्‍याङ् खे़ङ्‌हाॽरे़ खुन्‍छिॽ वयागे़न् सिदुङ्‌जभाःल्‍ले़आङ् आनिङ्‌वाॽ मे़दाने़ल्‍लो॥


खे़न् ये़म्‍मो इस्राइलओ हाःत्ताङ् हाङ् होःप्‍ते़, हे़क्‍क्‍याङ् के़रे़क् मनाहाॽरे़ आत्तिन् पाःन्‍निन् नुबा चोगे़ हाबा खे़न्‍ने मे़जोगुरो॥


आनिॽ के़रे़क् लाम् के़बोःप्‍पा मे़ल्‍लुक्‍हाॽ हे़क्‍तङ्‌बा आवये़रो, आनिॽ आबाङे लाम्‍मो लाङ् आघेगे़रो, कर आनिॽ के़रे़क्‍ले़ आजोगुम्‍बा लायोन् यहवे दाङ्‌बे़ल्‍ले़ खुने़ॽ कुसम्‍धाङ् चुक्‍ते़र याःन्‍दुरो॥


खे़ब्‍याङ् हाग्‍गैःल्‍ले़ खे़ङ्‌हाॽ मे़त्तुसि, “‘आङ्‌गाॽ आनिमो कन् मे़न्‍छाम् सुवाङ्‌बा मनाहाॽआङ् आसुत्‍थोए मे़जोक्‍लो,’ फाॽआङ् यहवे दाङ्‌बे़ल्‍ले़ पाःत्तुरो॥ ‘कन्‍हाॽरे़ थे़मा मे़जोगुॽ हे़क्‍क्‍याङ् थे़मा मे़दोन्‍दुॽ, खे़न् आसुत्‍थो पोङ्‌ॽ॥


Swiv nou:

Piblisite


Piblisite