हाङ्माल्ले़ कुनु के़धुङ्बा अङे़ःक्वा हे़क्केए मुक्साम्साबा हाङ्हाॽ नु मुक्के़गुबा मे़न्छाम् सुवाङ्हाॽरे़ खे़ने़ॽ चाहा के़जोःक्पा पाःन्हाॽओ के़निङ्वाॽ के़म्दा के़म्बिरो॥ आङ्गाॽ, यहवे दाङ्बा, के़से़न्लप्दाङ्बा, खे़ब्याङ् खे़ने़ॽ के़धे़ॽबा, हे़क्क्याङ् इस्राइलबा मुक्साम्दाङ्बाआ फाॽआङ् खे़ने़ॽ कुसिङ्गे़निःत्तुरो॥
यसैया 66:12 - लिम्बु12 यहवे दाङ्बे़ल्ले़ पाःत्तुरो, “आङ्गाॽ खिनिॽ आभे़ल्ले़आङ् मे़न्हेमनाबा वहःङ् कुइसिक् नुॽमादामा पिनिङ्लो॥ थिम्मे़न्दङ् सुवाङ्हाॽरे़ खुन्छिॽ याङ्साकुन्धेहाॽ के़गुङ्बा के़युबा वहःङ् कुइसिक् खे़निॽओ सःक्तारो॥ खिनिॽग कुम्मारे़ कुस्सान् लुङ्माॽ तुक्तुबा हे़क्क्याङ् कुभक्ताङ्ङो युक्खुआङ् यम्बा चोगुबा अङे़ःक्वा हे़क्तङ्बा के़बोक्खिरो॥ Gade chapit la |
यसैया 66:12
19 Referans Kwoze
यहवे दाङ्बे़ल्ले़ अक्खे पाःत्तुरो— “मिस्र लाजेॽओ के़बोःक्पा कुजान् नु कुस लाजेॽबा याङ्साकुन्धेन् खे़ने़ॽ के़याङ्साकुन्धे पोङ्लो॥ हे़क्क्याङ् सेबाबा कुलिङ्गे़न् केःम्ब केःम्बा मनाहाॽ खे़ने़ॽ के़योःग्बा मे़बोङ्लो॥ फे़न्जेॽ थक्क्रङ्ङिल्ले़ इमे़घेःक्खुसिआङ् खे़ङ्हाॽ के़एगाङ् मे़भे़न्लो, खे़ङ्हाॽरे़ खे़ने़ॽ से़वा के़म्मे़त् हे़क्क्याङ् अक्खे पाःप्मा मे़दे़ल्लो॥ ‘निङ्वाॽफुमाङ्ङिन् खे़ने़ॽनु वाॽरो, खुने़ॽरक् निङ्वाॽफुमाङ्लो॥’”
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
इक्सादिङ् खाम्बेःक्कोबा मे़न्छाम् सुवाङ्हाॽरे़ यहवे दाङ्बे़ल्ले़ कुमनाहाॽ नुःङ्मा पेःक्मा मे़भाॽरुसिरो, हे़क्क्याङ् यहवे दाङ्बे़ल्ले़ कुलाजेॽओ युङ्से़ के़दाबा मनाहाॽरे़ इस्राइलिहाॽ से़वा मे़मे़त्तुसिआङ् याःम्बक् मे़जोगु मे़बिरुसिरो॥ खे़न् इस्राइलिहाॽ के़दे़म्बा के़घेःङ्बाहाॽ इस्राइलिहाॽरे़ मे़दे़म्सु मे़घेःक्खुसिरो, खे़ब्याङ् इस्राइलिहाॽरे़ खुन्छिॽ निङ्मिहाॽ सम्धाङ् युक् मे़जोगुरो॥
Piblisite