यसैया 65:3 - लिम्बु3 खे़ङ्हाॽरे़ खुन्छिॽ सेसेबा फुङ्इक्ताप्हाॽओ आदगिए नावाइत्लाहाॽ से़वा मे़मे़त्तुआङ् कुनामे़न्छाॽ मे़मे़त्ताॽरो॥ खे़ङ्हाॽरे़ नावाइत्ला से़वा के़मे़प्पाहाॽरे़ खुन्छिॽ ले़त्ति तोःम्मादे़न्नो सुक्पा मे़हाःन्दुरो॥ Gade chapit la |
यसैया 65:3
20 Referans Kwoze
खे़न् माङ् मे़ःन्बाल्ले़ चोगुल्ले़ खे़ङ्हाॽरे़ कुनागे़हे़म्बा मे़जोगाङ्लो, खे़ङ्हाॽरे़ खुन्छिॽ हने़बा नावाइत्लाहाॽरे़ चोगुल्ले़ खे़ङ्हाॽरे़ आङ्गाॽ आसिक् मे़भोःक्खुरो॥ लत्छा सुवाङ्ङे के़होप्पा मनाहाॽलाम् आङ्गाॽ खे़ङ्हाॽ कुना के़हे़म्बा चोगुङ्सिङ्लो, खासिङ् मे़न्निःप्मनाबा लत्छा सुवाङ्लाम् आङ्गाॽ खे़ङ्हाॽरे़ खुन्छिॽ साक्के़न् फोःक्खुङ्लो॥
मनाहाॽरे़ खुन्छिॽ तोःम्मा के़बोङ्बा सिदुङ्जभाहाॽ लाःक्कात् ताम्दाम्बादे़न्नो सिदुङ्जभा मे़न्दोःन्दुन्ल फाॽआङ् कन् इङ्जाङ्ङिन् पोःक्खे़आङ् वाॽ॥ खे़ङ्हाॽरे़ निङ्वाॽफुसाम्बाओ तुम्मादे़न् साःङ्गाहिम्मोए ताःप्मासिआङ् खे़ङ्हाॽ यहवे दाङ्बाओ तङ्जुम् वयागे़न् सिदुङ्जभा हे़क्के तोःम्मासि पोङ्ॽ॥
खे़ङ्हाॽ पिनिङ् मे़त्तुङ्सिङ्ङाङ् माङ्हुप् चोगुङ्बा लाजेॽओ खे़ङ्हाॽ फे़त्तुङ्सिङ्ङिल्ले़, खे़ङ्हाॽरे़ मे़निसुबा के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् सरेःक्याःप्पा हुम्बे़प्पा सिङ्बुङ्हाॽरे़ कुसिगाङ् खे़ङ्हाॽरे़ सिदुङ्जभा मे़दोन्दु! खे़ङ्हाॽरे़ सिदुङ्जभा मे़दोन्दुआङ् आङ्गाॽ आत्ति आत्ति साॽरिक् आसिक् मे़भोःक्खु॥ खे़ङ्हाॽरे़ खुन्छिॽ आत्तारहाॽ नु सुक्पा मे़दारु हे़क्क्याङ् खुन्छिॽ वदुम्बक्वा सिदुङ्जभाहाॽरे़ खे़ङ्हाॽ मे़ले़ःक्तुसि॥’
योसियाहन् हाङ् वये़ल्ले़ यहवे दाङ्बे़ल्ले़ आङ्गाॽ मे़त्ताङ्, “याम्बोःप्मा याःम्बक् के़जोःक्मा मे़न्छुमाःल्ले़ हे़क्के इस्राइलरे़ थेधे चोगु, थे खे़ने़ॽ के़निसुबि? खे़ल्ले़ आङ्गाॽ ले़प्माङ् आबाङे कुएःक्थाःक्मान् हिसाङ् पिराङ् हे़क्क्याङ् के़रे़क् कोःक्मा फाङ्जङ् थे़गु माङ्वाहाॽओ नु के़रे़क् सरेःक्याःप्पा सिङ्बुङ् सिगाङ् याम्बोःप्मा याःम्बक् चोगु॥
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खे़ब्याङ् आप्फेक् हुक्किल्ले़ मे़जोगुसिबा के़रे़क् नावाइत्लाहाॽरे़ आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ कन् ते़न्निल्ले़ कुदक्ले़ङ्वाओ आङ्गाॽ आयाक् ले़ॽरे़आङ् वाॽ, हे़क्क्याङ् आसिक् पोःक्मे़न् मे़जिःक्तुन्ॽ॥’
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
Piblisite