यसैया 64:9 - लिम्बु9 यहवे दाङ्बाए, साॽरिक् के़सिक् मे़बोगे़न्ने़ॽओ, आनिगे लायो लासोःत्हाॽ तिबेलाबे निङ्वाॽ मे़इःत्ते़न्ने़ॽओ॥ पेलि फाक्कासिगे़, आनिगे लुङ्माॽ आदुक्ते़ॽओ, थेआङ्भे़ल्ले़ आनिगे के़रे़क् खे़ने़ॽ के़मनादिगे़रो॥ Gade chapit la |
यसैया 64:9
27 Referans Kwoze
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
एसाबरे़ कुमुॽइदाङ्सा ए़दोम लाजेॽओ के़युङ्बा एदोमिहाॽरे़ मे़बाःत्तुबिला, “आनिगे ये़क्यक्हाॽ खाप्पुथ्यःङ् पोःक्खे़आङ् ने़ःॽ, हे़क्केसाङ् के़धुप्पा के़यम्बा आनिगे ये़क्यक्हाॽ याम्मो चोगुम्बे़॥” कर मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “खे़न्हाॽरे़ चोःक्माग मे़जोगुर, कर आङ्गाॽ यन्छुङ् पिरुङ्सिङ्ॽ॥ खे़न्हाॽरे़ खुनिॽ लाजेन् कुइगे़भे़म्बा मनाहाॽरे़ खुन्छिॽ लाजेॽसिङ्बुङ् फाॽआङ् कुसिङ् निःत्ते़त्, हे़क्क्याङ् खे़ॽयोबा मनाहाॽनु यहवे दाङ्बे़न् आभे़ल्ले़साङ् हाङ्गे़न् सिक्चा लोरो॥
यहवे दाङ्बाए, खे़ने़ॽ के़मिङ्सो के़धाङ्सोन् आङ्गाॽ खे़प्सुङ्ङाङ् वाॽआरो, यहवे दाङ्बाए, खे़ने़ॽ के़याःम्बक्हाॽ खे़प्सुङ्लो हे़क्क्याङ् आङ्गाॽ साॽरिक् आनिङ्वाॽ मारो॥ आनिगे ये़न्नो खे़ङ्हाॽ खे़ने़ॽ कुसङ् चोगे़ॽओ हे़क्क्याङ् खे़ङ्हाॽ आनिगे ओसेन् आधाक्ते़ॽओ आनिगे ये़म्मो खे़ङ्हाॽ कुसिङ् निःप्मा आबाङ्घे़ॽओ, साॽरिक् के़साक्के़न् पोःक्पा ये़म्मो लुङ्माॽ आदुक्ते़ॽओ॥
यहवे दाङ्बे़ल्ले़ यरुसले़ःम्मिन् मे़त्तुरो, “वेॽ लाजेॽबा मनाहाॽरे़ के़लुङ्धाक्किन् याम्मो मे़से़त्तुरो, हे़क्क्याङ् खे़ङ्हाॽरे़ खुन्छिॽ हाङ्हाॽरे़ खे़ने़ॽ से़वा के़म्मे़त्लो॥ आङ्गाॽ आसाक्के़न् पोगे़ल्ले़ खे़ने़ॽ हिप्ने़रो, हे़क्क्याङ् आङ्गाॽ आलुङ्माॽ स्याःत् लॽमो खे़ने़ॽ लुङ्माॽ तुक्ने़रो॥
“खे़ब्याङ् याम्मो आभे़ल्ले़आङ् कुभाॽ नाःक्मारे़ लागि इस्राइलरे़ मिस्रःन् कुनामे़साॽरुन्ॽ॥ के़बेःक्पा ये़न्हाॽओ मिस्रःन् नासाॽरुबा पाःन्निन् आक्ख्यारिक् लायोबा चोगे़ फाॽआङ् मिस्ररे़ तुमुबा कुमे़क्मा याक्नाम्मिल्ले़ इस्राइले़न् निङ्वाॽसुम् तारुपिरुॽ॥ खे़ब्याङ् आङ्गाॽए मुक्साम्दाङ्बा यहवे दाङ्बाआ फाॽआङ् इस्राइलरे़ निङ्वाॽ खोसुरो॥”
दाङ्बे़ल्ले़ खुने़ॽओ ले़त्ति तोःम्मादे़न्निन् नाॽरुआङ् ने़रो, खुने़ॽ कुसेसेदे़न्निन् लाप्फेसुआङ् ने़रो॥ खुने़ॽ खे़प्मो के़ने़बा हाङ्हिम्मोबा लुङ्धाक्हाॽ निङ्मिहाॽरे़ खुन्छिॽ हुक्को पिरुसिआङ् ने़रो॥ खे़ङ्हाॽरे़ यहवे दाङ्बे़ल्ले़ कुहिम्मोए निःन्धो के़बोङ्बा तङ्नाम्मोबा ये़न् कुइसिक् मे़जोगुआङ् ने़रो॥
Piblisite