यसैया 64:12 - लिम्‍बु

¹² यहवे दाङ्‌बाए, कन्‍हाॽ के़रे़क् पोःक्‍खे़आङ् थे खे़ने़ॽ एगाङ् एगाङ् के़नुःङ्‌बि? थे खे़ने़ॽ स्‍वाःत् के़वाॽआङ् आनिगे थःप्‍माए सुक्‍मे़न्‍दे़प्‍मनाबा तुक्‍खे याप्‍मि के़जाःप्‍पि?

यसैया 64:12 Referans Kwoze

यसैया 42:14

“यरिक् ये़म् थारिक् आङ्‌गाॽ स्‍वाःत् युङाङ्‌लो, आङ्‌गाॽ मे़म्‍बाःत्ते युङाङ्‌लो, हे़क्‍क्‍याङ् आबाङे थेःक्‍सिङ्‌ङारो॥ कर अङे़ःक्‌वा सागे़वाःम्‍मा मे़न्‍छुमा कुसिङ् आल्‍ल अःक्‍कारो, आङ्‌गाॽ हे़ङ्‌गे़ःक् हे़ङ्‌गे़ःक् लॽआरो खे़ब्‍याङ् सक्‍मा सोःन्‍छिङ्‌ङारो॥

जकरिया 1:12

खे़ब्‍याङ् यहवे दाङ्‌बे़ल्‍ले़ कुमाङ्‌लाइङ्‌बे़ल्‍ले़ पाःत्तु, “मुक्‍साम्‍दाङ्‌बा यहवे दाङ्‌बाए, कन् नुबोङ् तङ्‌बे थारिक् आदाङ्‌बा यरुसले़म नु यहुदा पाङ्‌जुम्‍हाॽओबा मनाहाॽनु के़सिक् पोगे़आङ् वाॽ॥ आदाङ्‌बारे़ आभे़ल्‍ले़ थारिक् खे़ङ्‌हाॽ लुङ्‌माॽ के़न्‍दुक्‍तुसिन्‍बाबे?”

निङ्‌वाॽफु साम्‍लोसुम् 83:1

निङ्‌वाॽफुमाङ्‌ङे, मे़म्‍बाःत्ते स्‍वाःत् मे़वये़न्‍ने़ॽओ, खे़ने़ॽ मे़म्‍बाःत्ते आम्‍भा मे़युङे़न्‍ने़ॽओ, खे़ने़ॽ थेआङ् मे़न्‍जोःक्‍के मे़म्‍बाःत्ते मे़वये़न्‍ने़ॽओ, निङ्‌वाॽफुमाङ्‌ङे!

सुफो 6:10

खे़ङ्‌हाॽ अक्‍खेलॽरिक् यम्‍बा इक्‍लाओ मे़अःक्‍ते़, “सेसे नु से़क्‍खाबा मुक्‍साम्‍दाङ्‌बाए, खे़ने़ॽ याप्‍मि के़से़प्‍पा इक्‍सादिङ् खाम्‍बेःक्‍मोबा मे़न्‍छाम् याप्‍मिहाॽ आप्‍फाल्‍ले़ खासे़न् के़लोःन्‍दुसिआङ् खुम्‍दिङ् के़बिरुसिबाबे?”

निङ्‌वाॽफु साम्‍लोसुम् 79:5

यहवे दाङ्‌बाए, आभे़ल्‍ले़ थारिक् खे़ने़ॽ आनिगे़नु के़सिक् पोःक्‍पाबे? मि के़दिःप्‍पा हे़क्‍के आक्‍ख्‍यारिक् इरिक् के़याःक्‍ले़ॽमा मे़जिप्‍ने़म्‍बाबे?

निङ्‌वाॽफु साम्‍लोसुम् 10:1

यहवे दाङ्‌बाए, खे़ने़ॽ थेआङ् माःङ्‌घा के़ये़प्‍पाबे? इनोगे़न् तुक्‍खेओ थ्‍ये़ॽइगे़ल्‍ले़ थेआङ् के़जिङ्‌सिङ्‌बाबे?

यसैया 63:15

साङ्‌ग्राम्‍पेदाङ्‌लाम् ओमे़त्ते़ॽओ, हे़क्‍क्‍याङ् के़रे़क्‍नुःल्‍ले़ केःम्‍बा नु सेसेदे़न् हे़क्‍क्‍याङ् मिमिदिङ्‌गे़न् हाङ्‌युक्‍नालाम्‍बा यो ओमये़ॽओ॥ खे़ने़ॽ के़सिक्‍सम्‍मान् नु के़मुक्‍साम्‍मिन् आत्ति पेबे? खे़ने़ॽ के़नःम्‍नःम् लॽमान् नु आनिगे याप्‍मि लुङ्‌माॽ के़दुक्‍ते़बान् आत्ति वाॽबे?

यसैया 65:6

खे़ङ्‌हाॽ आक्‍तङ्‌बा परिक्‍ले़न् खुम्‍दिङ् पिमासि पोङ्, आङ्‌गाॽ तगिए निङ्‌सेक् चोगुङ् सुरुङ्‌ङाङ् वाॽरो, आङ्‌गाॽ साप्‍लाओ साप्‍तुङ् सुरुङ्‌ङाङ् पत्‍लो॥ आङ्‌गाॽ आल्‍ल स्‍वाःत् मे़युङ्‌आल्‍लो, आङ्‌गाॽ खे़ङ्‌हाॽ कुले़क्‌वा नुःक्‍तुङ् पिरुङ्‌सिङ्‌लो॥