यसैया 64:11 - लिम्बु11 आनिगे पाधे़बा सुधे़बाहाॽरे़ खे़ने़ॽ के़नारा मे़भोसुबा आनिगे सेसे नु मिमिदिङ्गे़न् माङ्हिम्मिन् मिदिगे़आङ् ने़रो, हे़क्क्याङ् आनिगे सिराॽ के़धाङ्बा लेःत्तुम्बे़बा चिगक्वा सामाहाॽ कुयःक्वे़त् पोःक्खे़आङ् ने़रो॥ Gade chapit la |
यसैया 64:11
21 Referans Kwoze
यरुसले़ःम्मिल्ले़ कुदुक्खे नु कुलाक्खेबा ये़न्नो उन्छोन् तुमुबा के़रे़क् इमे़ल्लुङ्बा पाःन्हाॽ निङ्वाॽ इःत्तुरो॥ खुने़ॽ कुमनाहाॽ निङ्मिहाॽरे़ खुन्छिॽ हुक्को मे़ध्ये़ःल्ले़, खे़न् के़भाॽबा आत्तिन्नाङ् होःप्ते़रो, खुने़ॽ कुनिङ्मिहाॽरे़ खे़न् ओमे़मे़त्तुरो, हे़क्क्याङ् खे़न् खाप्पुथ्यःङ् पोःक्खे़बाओ किनाःन्दि मे़बिरुरो॥
खे़ङ्हाॽरे़ यहवे दाङ्बे़ल्ले़ कुहिम्मे़न् फुत्लुम् मिमे़धिक्खु मे़देसु हे़क्क्याङ् यरुसले़म ये़क्यक्कोबा लुङ्धाक्किन् मे़लुःन्दु मे़देसु॥ खे़ङ्हाॽरे़ ये़क्यक्कोबा यम्बयम्बा हिम्हाॽ के़रे़क् मिमे़धिक्खु मे़देसु खम्भ्याङ् खे़प्मोबा के़रे़क् कुमे़न् के़घिःक्पा चिगक्वा सामाहाॽ खाप्पुथ्यःङ् मे़जोगु॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
दाङ्बे़ल्ले़ खुने़ॽओ ले़त्ति तोःम्मादे़न्निन् नाॽरुआङ् ने़रो, खुने़ॽ कुसेसेदे़न्निन् लाप्फेसुआङ् ने़रो॥ खुने़ॽ खे़प्मो के़ने़बा हाङ्हिम्मोबा लुङ्धाक्हाॽ निङ्मिहाॽरे़ खुन्छिॽ हुक्को पिरुसिआङ् ने़रो॥ खे़ङ्हाॽरे़ यहवे दाङ्बे़ल्ले़ कुहिम्मोए निःन्धो के़बोङ्बा तङ्नाम्मोबा ये़न् कुइसिक् मे़जोगुआङ् ने़रो॥
खे़ब्याङ् यहवे दाङ्बे़ल्ले़ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, खे़ल्ले़ याःन्दिक्, खे़ङ्हाॽरे़ खुन्छिॽ के़धुम्बा हाङ्यक्किन्, खुन्छिॽ निङ्वाॽ ये़ये़ लॽमान् नु मिमिदिङ्ङिन्, खुन्छिॽ निङ्वाॽरे़ नाःक्तुबा पाःन्निन्, खुन्छिॽ साॽरिक् सिराॽ के़धाङ्बा याङ्साकुन्धेन् आङ्गाॽ तेॽरुङ्ॽ, हे़क्क्याङ् खे़ङ्हाॽरे़ खुन्छिॽ ये़म्बित्छासाहाॽ नु मे़न्छुमा साहाॽआङ् आङ्गाॽ तेॽरुङ्सिङ्ङाङ् पेःक्का॥
निङ्वाॽफुसाम्बाहाॽ नु ले़बिहाॽआङ् निःन्धो के़बोङ्बादे़न्नो मे़ये़म्सिङ्, हे़क्क्याङ् दाउद हाङ्ङिल्ले़ यहवे दाङ्बे़ल्ले़ कुलागि से़वासाम्लो साम्मे़प्मा नु नुगे़न् पिमारे़ लागि खुने़ॽ चोगुबा मुक्लाहाॽ मे़याङ्सिङ्ङाङ् मे़मुक्सु हे़क्क्याङ् कम्भलॽरिक् यहवे दाङ्बे़ल्ले़ कुनारा फोसुरो, “खुने़ॽ लुङ्माॽ आदुक्तुक्पा कुमिःम्जिन् सदादिङ् वाॽरो॥” ले़बिहाॽरे़ खुन्छिॽ सामाहाॽ मे़याङ्सिङ्ङाङ् सादाङ्हाॽ के़मुःप्पा निङ्वाॽफुसाम्बाहाॽरे़ खुन्छिॽ तगि मे़ये़म्सिङ्॥ खे़न् ये़म्मो के़रे़क् इस्राइलिहाॽ खे़प्मो मे़ये़बे़॥
मि थ्ये़आङ् पत्छे़बा नु यहवे दाङ्बे़ल्ले़ कुमिमिदिङ्ङिन् माङ्हिम्मो लासे़आङ् पत्छे़बा आल्ल के़रे़क् इस्राइलिहाॽरे़ मे़निसुल्ले़ लुङ् फे़मनाबा आःम्भोॽओ खे़ङ्हाॽ खाम्बाङ्ङो थारिक् साबन् हबत् मे़भन्छिङ् हे़क्क्याङ् अक्खे मे़बाःत्तुआङ् यहवे दाङ्बे़न् नुगे़न् मे़बिरुरो, “यहवे दाङ्बे़न् के़नुॽबा चोक्लो, थेआङ्भे़ल्ले़ खुने़ॽ कुमिःम्जिन् सदादिङ् वाॽरो॥”
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
आयाक्को यहवे दाङ्बे़ल्ले़ कुसिक् पोःक्मो सियोनरे़ कुस्सा मे़न्छुमान् माक्सिःङ्ग्याःप्पा खामाक्मे़ल्ले़ सुःप्तुआङ् पत्लो! इस्राइलरे़ कुहाङ्वा कुमाङ्वान् खुने़ॽ ताङ्साङ्बोलाम् इक्सादिङ् खाम्बेःक्मो मक्थाःन्दुआङ् वाॽरो॥ खुने़ॽ कुसिक् पोगे़बा ये़न्नो आप्फेक् कुलाङ्तोॽभेत् सियोने़न्नाङ् खुने़ॽ निङ्वाॽ इःत्तुबा होप्लो॥
Piblisite