यसैया 61:8 - लिम्बु8 यहवे दाङ्बे़ल्ले़ पाःत्तुरो, “आङ्गाॽ कुदोःप्मा खासे़न्निन् आसिराॽ थाङ्लो, मना तुक्खे चाःप्मा नु कुॽइभे़म्मे़न् आङ्गाॽ चिःत्तुङ्लो॥ नसाःन्साबा पोङ्ङाआङ् आमनाहाॽ थुम्घो पिरुङ्सिङ्लो, हे़क्क्याङ् खे़ङ्हाॽनु लत्छा नुप्मे़न्दिङ् माङ्हुप् चोगुङ्लो॥ Gade chapit la |
यसैया 61:8
34 Referans Kwoze
कर आङ्दिङ् के़लॽबे़ल्ले़ अक्खे चोगुररो, ‘चक्मे़ल्लॽए मनाहाॽ लुङ्माॽ के़दुक्पा, कुदोःप्मा खासे़न् के़लोःम्बा, हे़क्क्याङ् इक्सादिङ् खाम्बेःक्मो साम्योबा आङ्गाॽ यहवे दाङ्बान् खे़ल्ले़ कुसिङ् निःत्ताररो॥’ हाबा कन् पाःन्हाॽओ आङ्गाॽ आनिङ्वाॽ तारो, आङ्गाॽ यहवे दाङ्बान् पाराङ्ङाङ् वाॽआरो॥”
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
आत्तिन् पाःन्निन् साम्योबा चोक्, खे़न् खे़ने़ॽ के़सिराॽ थाङ्लो, हे़क्क्याङ् आत्तिन् पाःन्निन् ताप्फे़ःम्बा चोक्, खे़न् खे़ने़ॽ के़जिःत्तुरो॥ खे़ल्ले़चोगुल्ले़ के़निङ्वाॽफुमाङ् निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो, हे़क्क्याङ् के़न्जुम्हाॽनुःल्ले़आङ् यरिक् खे़ने़ॽ के़सःप्पा के़जोगे़आङ् वाॽरो॥
हे़क्क्याङ् हे़क्केलॽरिक्के आङ्गाॽ आधाःक्हाॽ निङ्वाॽफुमाङ्ङिल्ले़ मुॽइसाम् पिरुसिरो, थेआङ्भे़ल्ले़ खुने़ॽए आङ्गाॽनु आभाल्ले़आङ् मे़न्नुप्नाबा माङ्हुप् चोगुरो, आभे़ल्ले़आङ् फे़त्मे़ल्लाॽमनाबा माङ्हुप्, आफाल्ले़आङ् मे़ल्ले़ङ्मना माङ्हुप्, खे़न्ने आङ्गाॽ आनिङ्वाॽ वाॽरो, खे़न्ने आङ्गाॽ थङ् आनाःम्मारो, हे़क्क्याङ् निङ्वाॽफुमाङ्ङिल्ले़ के़त्तुरो॥
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
कोःक्मा फाङ्जङ्हाॽ मे़यक्खु हे़क्क्याङ् थे़गु माङ्वाहाॽ मे़घे़त्तुरो हे़क्केसाङ् आफाल्ले़आङ् मे़न्नुप्नाबा मिःम्जि मे़प्मा मे़ले़त्ने़ल्लो, आङ्गाॽ चोगुङ्बा सनारुङ्ले़न् माङ्हुप्पिन्नाङ् मे़ङ्गे़प्मनाबा मे़बोङ्ने़ल्लो,” खे़ने़ॽ लुङ्माॽ के़दुक्पा यहवे दाङ्बे़ल्ले़ पाःत्तुॽ॥
हे़क्क्याङ् खे़निॽ अक्खेआङ् के़बाःत्तुम्ॽ, ‘कङ्ग आक्तङ्बा आनानाबा याःम्बक्निबे, के़लॽरिआङ् खे़निॽ नाःन् के़गिःन्दुम्ॽ’ मुक्साम्दाङ्बा यहवे दाङ्बे़ल्ले़ पाःत्तुॽ॥ ‘के़गाःम्बा, कुलाङ् के़सक्पा नु के़दुक्पा थक्सापुसाहाॽ सिदुङ्जभा हे़क्के के़दोःन्दुम्सिम्, थे खे़निॽ हुक्लाम्बा के़दोःन्दुम्बा अक्तङ्बा हुक्सोयाङ्हाॽ आङ्गाॽ ताःक्तुङ्बाबि?’ यहवे दाङ्बे़ल्ले़ पाःत्तुॽ॥
Piblisite