यसैया 61:3 - लिम्बु3 सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥ Gade chapit la |
यसैया 61:3
39 Referans Kwoze
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
आत्तिन् पाःन्निन् साम्योबा चोक्, खे़न् खे़ने़ॽ के़सिराॽ थाङ्लो, हे़क्क्याङ् आत्तिन् पाःन्निन् ताप्फे़ःम्बा चोक्, खे़न् खे़ने़ॽ के़जिःत्तुरो॥ खे़ल्ले़चोगुल्ले़ के़निङ्वाॽफुमाङ् निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो, हे़क्क्याङ् के़न्जुम्हाॽनुःल्ले़आङ् यरिक् खे़ने़ॽ के़सःप्पा के़जोगे़आङ् वाॽरो॥
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
थेआङ्भे़ल्ले़ खे़न् ये़न्नो यहुदिहाॽरे़ खुन्छिॽ निङ्मिहाॽलाम् नाःम्सिङ्मा मे़घोसुबा नु खुन्छिॽ लागि निङ्वाॽ तुक्खे चामालाम् सोसोत्लराङ्ङो हे़क्क्याङ् मे़रिङ् थक्मालाम् ससाङ्स्रोत् चोःक्मा लाओ ले़क्खे़आङ् वये़॥ खे़ङ्हाॽरे़ खे़न् ये़न्हाॽ तङ्नाम् नु सोसोत्लराङ् चोःक्मा, हे़क्क्याङ् खुन्छिॽ लुम्मो चामा कुजाहाॽ हुक्वा हाक्सिङ्मा नु याङ्गे़साॽबाहाॽ हुक्वा पिमासि ये़न् हे़क्के तोमा पोङ्ॽ फाॽआङ् खुने़ॽ साप्तु॥
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥
Piblisite