यसैया 61:2 - लिम्बु2 यहवे दाङ्बे़ल्ले़ कुमनाहाॽ से़ःप्मासि हे़क्क्याङ् निङ्मिहाॽ हारि चाःप्मासि ये़म्मिन् त्ये़आङ् वाॽ फाॽआङ् उवा चोःक्मारे़ लागि खुने़ॽ आङ्गाॽ पाङ्घाङ्बारो॥ मे़रिङ् के़धक्पा के़हाःप्पा के़जिःङ्बाहाॽ आःन्छिङ्मा पिमासि फाॽआङ् आङ्गाॽ पाङ्घाङ्बारो॥ Gade chapit la |
यसैया 61:2
34 Referans Kwoze
निङ्वाॽफुमाङ्ङिल्ले़ कुसुनाइङ्ङिन् थिम्मे़न्दङ् सुवाङ्हाॽरे़ मे़घे़प्सुआङ् से़न्लप् मे़ङ्घोसुन्ल फाॽआङ् खे़ङ्हाॽरे़ सुनाइङ् इङ्भन् चोःक्मा आनिगे याप्मि साक्मा तम्सिङ् मे़जोगुर मे़वाॽरो॥ अक्खेलॽरिक् निङ्वाॽफुमाङ्ङिल्ले़ कुनिमाओ खे़ङ्हाॽरे़ खुनिॽ लायोन् लुम्सिङ्ल पत्लो॥ कर आल्लग निङ्वाॽफुमाङ्ङिल्ले़ कुसिक्के़न् खे़ङ्हाॽओ चुक्ते़आङ् वाॽरो॥
हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥
मुक्साम्दाङ्बा यहवे दाङ्बा निङ्वाॽफुमाङ्ङिल्ले़ सदादिङ्ले़ लागि सिमे़न् थङ्ङो हारिदासुआङ् वाॽरो॥ खुने़ॽ के़रे़क्ले़ खुन्छिॽ मिक्कोलाम् मिक्वान् तुगु पिरुसिरो, खे़ब्याङ् काक् इक्सादिङ् खाम्बेःक्को कुमनाहाॽ कुनामे़न्छाॽ मे़मे़त्तुसिबान् खुने़ॽ खे़त्तुदेसु पिरुसिरो, कन् पाःन्निन् यहवे दाङ्बे़ल्ले़ आबाङे पाःत्तुआङ् वाॽरो॥
थेआङ्भे़ल्ले़ कङ्ग यहवे दाङ्बे़ल्ले़ कुये़न्लो, मुक्साम्दाङ्बा यहवे दाङ्बे़ल्ले़ कुनिङ्मिहाॽरे़ लागि कुले़क्वा नुःक्मा ये़न्लो॥ ताभेःल्ले़ कुसिक् मे़न्जिम्मे थारिक् ओवा, माक्खिल्ले़ मे़म्मए थारिक्, ताभेःल्ले़ खल्ले़ःङ् ले़ःक्खुसिरो! युफ्रेतिस वहःङ्ङिल्ले़ कुयाओबा थाङ्गे़त् पिसाङ्बा लाजेॽओ यहवे दाङ्बा, मुक्साम्दाङ्बा यहवे दाङ्बे़ल्ले़ आइन् वयागे़न् सिदुङ्जभा यारिप् चोगुर याक्लो॥
यहवे दाङ्बे़ल्ले़ अक्खे पाःत्तुरो— “सुये़म्मो आङ्गाॽ खे़ने़ॽ नुगप् पिने़रो, हे़क्क्याङ् से़न्लप् पिमा ये़न्नो आङ्गाॽ खे़ने़ॽ फाॽने़रो॥ चिजि खक्खक् के़बोङ्बा इस्राइलबा लाजेन् याम्मो फोङ्मारे़ लागि हे़क्क्याङ् खे़न् लाजेःल्ले़ आबाङे कुन्दाङ्बाहाॽ याम्मो नुःक्मा पिमासिरे़ लागि आङ्गाॽ खे़ने़ॽ से़ःप्ने़ कत्ने़रो खे़ब्याङ् मनारे़ लागि आङ्गाॽ खे़ने़ॽ माङ्हुप् चोःक्ने़रो,
थेआङ्भे़ल्ले़ खुने़ॽ माङ्निङ्वाॽपान् के़बाःप्पालाम् अक्खे पाःत्तुआङ् वाॽ, “खे़ने़ॽ के़जोगुबा तुवान् सुये़म्मो खे़प्सुङ्, हे़क्क्याङ् से़न्लप्पिल्ले़ ये़न्नो खे़ने़ॽ कुभाॽ पिने़रो॥” इङ्गाॽ से़क्खा मे़त्निङ्, आल्लो खे़न् “सुये़म्मिन्” त्ये़आङ् वाॽ॥ से़न्लप्पिल्ले़न् ये़न्निन् आइन्नेरो॥
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
थे आङ्गाॽ सेगुङ्बा तःक्ने़त्तिन् हाबा अक्तङ्बारक्पि? मनान् थे थिक्याःन्लक् नःम्नःम्बा पोङ्बाबि? थे मिक्लान् कुसिङ् थे़गेक्पान् अःक्खुम् मे़प्मा हे़क्क्याङ् सिःङ्गो चाङ् चाङ्मा नु खाप्पु हुःत्छिङ्माआङ्लक् नःम्नःम् आबोङ्बाबि? थे हाबा कन् खे़निॽ तःक्ने़त् युङ्मा नु यहवे दाङ्बे़ल्ले़ ताःक्तुबा ये़न् फाॽआङ् के़बाःत्तुम्बि?
यहवे दाङ्बे़ल्ले़ यरुसले़ःम्मिन् मे़त्तुरो, “वेॽ लाजेॽबा मनाहाॽरे़ के़लुङ्धाक्किन् याम्मो मे़से़त्तुरो, हे़क्क्याङ् खे़ङ्हाॽरे़ खुन्छिॽ हाङ्हाॽरे़ खे़ने़ॽ से़वा के़म्मे़त्लो॥ आङ्गाॽ आसाक्के़न् पोगे़ल्ले़ खे़ने़ॽ हिप्ने़रो, हे़क्क्याङ् आङ्गाॽ आलुङ्माॽ स्याःत् लॽमो खे़ने़ॽ लुङ्माॽ तुक्ने़रो॥
Piblisite