यसैया 61:10 - लिम्बु10 आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥ Gade chapit la |
यसैया 61:10
52 Referans Kwoze
खे़निॽ मिक्के़ल्ले़ के़रे़क् पिसाङ् थे पोङ्ल पत् खे़न् ओमे़त्ते़म्मे़ॽओ, खे़निॽ मनाहाॽ मे़जुम्ल मे़बत् खे़ङ्हाॽ हिम्मो मे़दार मे़बत्लो॥ आङ्गाॽ सदादिङ् कुहिङ्वे़त् वाॽआबा कुइसिक् यहवे दाङ्बे़ल्ले़ पाःत्तुरो, ‘सिसामेःत्तिन् वाःत्ति सामापुमाहाॽ नु हाङ्हाङ् लॽबा कुसिङ् खे़ने़ॽ के़मनाहाॽनु हाङ्हाङ् के़लॽरो॥’
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
यहवे दाङ्बा निङ्वाॽफुमाङ्ङे, आल्ल पोगे़ॽओ, हे़क्क्याङ् आदाङ्बा नु आदाङ्बारे़ मुक्साम्बा के़सन्दोक् के़नाःम्सिङ्मादे़न्नो त्ये़ॽओ॥ यहवे दाङ्बा निङ्वाॽफुमाङ्ङे, आदाङ्बारे़ के़निङ्वाॽफुसाम्बाहाॽ से़न्लप् चाङ् मे़जाक्तुसिररो, हे़क्क्याङ् आदाङ्बा के़नुॽबा के़जोःक्पाओ आदाङ्बारे़ के़सेसे मनाहाॽरे़ खुन्छिॽ निङ्वाॽ ताररो॥
हे़क्क्याङ् खे़प्मो हन्नाःल्ले़ अक्खेलॽरिक् पेलिगे़न् तुवा चोगु, “आङ्गाॽ आनिङ्वान् यहवे दाङ्बाओ सःत्ते़आङ् वाॽरो, यहवे दाङ्बाओ आङ्गाॽ आमुक्साम्मिन् त्ये़आङ् वाॽरो॥ आनिङ्मिहाॽ येःप्मासि पान् आङ्गाॽ आम्ब्राओ त्ये़आङ् वाॽरो, आदाङ्बारे़ आङ्गाॽ से़न्लप् के़बिराङ्बाओ आसिक् पसम्समे़आङ् वाॽआरो॥
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
खे़ब्याङ् नहेम्याहःल्ले़ खे़ङ्हाॽ मे़त्तुसि, “आल्ल खिनिॽ पेगे़म्मे़ॽ हे़क्क्याङ् साभःङ्जा से़से़म्मे़ॽआङ् कुजा के़नुॽबा कुजा चे़म्मे़ थुङे़म्मे़ॽ॥ कुजा मे़ङ्गप्मनाबाहाॽ खुन्छिॽ तःक् लक् हाक्ताम्सिम्मे़ॽ॥ थेआङ्भे़ल्ले़ आनिॽ यहवे दाङ्बे़ल्ले़ कुलागि आइन्बा ये़न्निन् सेसेबा चोक्॥ खे़ल्ले़चोगुल्ले़ मे़रिङ् मे़धक्ते़म्मिन्ने़ॽ थेआङ्भे़ल्ले़ यहवे दाङ्बे़ल्ले़ के़सःत्तिर के़याःन्दिबा पाःन्निल्ले़ खिनिॽ के़धुम्बा के़बोक्खिरो॥”
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
आङ्गाॽ पाःत्तुङ्, “आङ्गाॽ साॽरिक् याःम्बक्क चोगुङ्लो, कर खे़न् हने़ पोःक्खे़रो॥ आङ्गाॽ थेनाधे नु हने़ याःम्बुधिक् चोगुङ्लो, हे़क्केसाङ् आङ्गाॽ थे खोमा के़बोङ्बा वाॽ, खे़न् निङ्वाॽफुमाङ्ङिल्ले़ कुहुक्को वाॽरो, खे़ब्याङ् आङ्गाॽ आघोमा आहाङ्से़म्मिन् निङ्वाॽफुमाङ्ङिल्ले़ कत्तुरो॥”
“यहवे दाङ्बे़ल्ले़ से़क्खासाङ् यरुसले़म के़युङ्बाहाॽ हाङ्हाङ् मे़त्तुसिरो, हे़क्क्याङ् खुने़ॽ खे़न् के़लुःम्बा हिम्यःक्हाॽ लुङ्माॽ तुक्तुआङ् ओमे़त्तुरो॥ खे़ब्याङ् खे़प्मोबा मुरे़क् खारे़क्पा ये़ःङ्घादे़न्निन् अदन सिङ्सेॽइक्के़न् कुसिङ् चोगुरो, हे़क्क्याङ् चा मे़न्नुॽमनाबा खाम्बेःक्के़न् यहवे दाङ्बे़ल्ले़ कुसिङ्सेॽइक् हे़क्के चोगुरो॥ पसःत् सःप्मा नु निङ्वाॽ तामा, हे़क्क्याङ् नुगे़न् पिमा नु साम्लोमारे़ इक्लान् खे़ॽयो खोदे़त्लो॥
थिक्ले़ङ् निङ्वाॽफुसाम्बाहाॽ सेसेबादे़न्नो मे़लाःत्ताङ् माङ्से़वा याःम्बक् मे़जोःक्किल्ले़ मे़जाक्खुबा चाङ्हाॽ खे़प्मो मे़म्भे़न् मे़न्धाए खे़प्मोलाम् लाःक्कात् लक्खुम्मो लःम्मा मे़नुॽने़न्ॽ, थेआङ्भे़ल्ले़ खे़न् चाङ्हाॽ सेसेबा चोक्॥ मनाहाॽ चुम्मारे़ लागि मे़जोगुबादे़न्हाॽरे़ कुनिःत्ताङ् तामानुःल्ले़ तगि खे़ङ्हाॽरे़ वेॽसमा चाङ् मे़जाक्खुर पोङ्लो॥”
Piblisite