Biblia Todo Logo
Bib sou entènèt

- Piblisite -




यसैया 60:9 - लिम्‍बु

9 कुत्‍चाॽए वागप्‍खाम्‍मो के़युङ्‌बाहाॽरे़ खुने़ॽ ओमे़मे़त्तुरो, तगि ले़ङ्‌हङ् के़जोःक्‍पा यम्‍बा वालाधाहाॽ मे़ये़प्‍लो॥ यहवे दाङ्‌बा खे़ने़ॽ के़निङ्‌वाॽफुमाङ्‌ङिल्‍ले़ लागि, इग्र इस्राइलबा सेसे निङ्‌वाॽफुमाङ्‌ङिल्‍ले़ कुमिङ्‌सो इङ्‌धाङ्‌ले़ लागि खे़ङ्‌हाॽरे़ खे़ने़ॽ के़स्‍सा ये़म्‍बित्‍छा मे़न्‍छुमाहाॽ खुन्‍छिॽ साम्‍म्‍याङ् युप्‍पानु सोरिक् माःङ्‌घा माःङ्‌घालाम् मे़दारुसिरो॥ थेआङ्‌भे़ल्‍ले़ खुने़ॽ कुहाङ्‌वा कुमाङ्‌वारे़ के़गाप्‍ते़आङ् वाॽरो॥

Gade chapit la Kopi




यसैया 60:9
46 Referans Kwoze  

आल्‍ल खे़निॽ वेॽ लाजेॽबा मे़न्‍छाम् सुवाङ्‌हाॽ के़उःत्तुम्‍सिम्‍लो— थिक् ये़म्‍मो खे़ङ्‌हाॽरे़ खे़निॽ कुसिङ् के़मे़न्‍निःत्तिल्‍लो, कर आल्‍ल खे़ङ्‌हाॽ खिनिॽनु फुत्‍छिङ्‌मारे़ लागि मे़लोक् मे़दारो! थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ् इस्राइलबा सेसेबाल्‍ले़ खिनिॽ मिमिदिङ् चोःक्‍निङ्‌ङाङ् वाॽरो॥”


तर्सिस वागप्‍खेःङ्‌ङोबा के़रे़क् यम्‍बा चिगक्‌वा के़गुबा वालाधाहाॽ नु नुबा वालाधाहाॽ वरःङ्‌ङो हुम्‍सु केःत्तुसिरो॥


आङ्‌गाॽ आसाम्‌योबा पाःन्‍हाॽ हारा निःत्ताङ् तारो, आङ्‌गाॽ आसे़न्‍लप्‍पिन् लाम्‍मोसा तार पत्‍लो, हे़क्‍क्‍याङ् आङ्‌गाॽ आमुक्‍साम्‍मिल्‍ले़ मे़न्‍छाम् सुवाङ्‌हाॽओ खासे़न् तारुङ्‌लो॥ वरःङ्‌ङिल्‍ले़ कुयाओ के़युङ्‌बाहाॽरे़ आङ्‌गाॽ ओमे़मे़त्तारो, खे़ब्‍याङ् आङ्‌गाॽ आमुक्‍साम्‍मो खे़ङ्‌हाॽरे़ लाम् ओमे़मे़त्तुरो॥


खे़न् ये़न्‍निन् ताआङ् दाङ्‌बे़ल्‍ले़ याम्‍मो थिक्‍ले़ङ् खुने़ॽ कुमुक्‍साम्‍मिन् ओःन्‍धाक्‍तुसि हे़क्‍क्‍याङ् अस्‍सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्‍क्‍याङ् के़रे़क् माःङ्‌घा माःङ्‌घाबा वरःङ्‌ङिल्‍ले़ कुयाओ के़ने़बा वागप्‍खाम् लाजेॽहाॽओलाम् खुने़ॽ कुमनाहाॽ याम्‍मो इस्राइल लाजेॽओ नुःक्‍तुॽ तारुसिरो॥


कर चोःक्‌युम्‍भोमा साराःङ्‌ग साङ्‌ग्राम्‍पेदाङ्‌बा यरुसले़म कुइसिक् चोक्‍लो॥ खुने़ॽए आनिॽ मारो॥


वागप्‍खाम् लाजेॽहाॽओ के़युङ्‌बासे, आङ्‌गाॽ आबाःन्‍निन् खे़प्‍साम्‍मे़ॽओ॥ माःङ्‌घा के़युङ्‌बा सुवाङ्‌से, कन् पाःन्‍निन् खे़प्‍साम्‍मे़ॽओ॥ सावाःन्‍छिङ्‌मानुःल्‍ले़ तगि यहवे दाङ्‌बे़ल्‍ले़ आङ्‌गाॽ उःत्ताङ्‌लो॥ आङ्‌गाॽ सावाःन्‍छिङ्‌ङाङ्‌ङाङ्‌धोए खुने़ॽ आमिङ्‌ङिल्‍ले़न् पान् पाःत्तुआङ् वाॽरो॥


यहवे दाङ्‌बे़ल्‍ले़ कुलागि कुसङ् साम्‍लोधिक् साम्‍मे़त्ताम्‍मे़ॽओ, इक्‍सादिङ् खाम्‍बेःक्‍माल्‍ले़ नासमा कुयाओनु खुने़ॽ कुनारा फोसे़म्‍मे़ॽओ, तुङ्‌गोदिङ् वरःङ्‌ङो लाम्‍दिक् के़जोःक्‍पासे, हे़क्‍क्‍याङ् खे़ॽयो के़याक्‍पा के़रे़क् परिक्‍पा पाधुङ् ले़ःक्‍ङासे, वागप्‍खाम्‍हाॽ नु खे़ॽयो के़युङ्‌बासे साम्‍लोरे़म्‍मे़ॽओ!


खे़ल्‍ले़ इक्‍सादिङ् खाम्‍बेःक्‍को खासे़न् चोःक्‍मा याःम्‍बक्‍किन् थधप् मे़ल्‍लॽमनाबा मे़न्‍जोःक्‍के थारिक् खुने़ॽ योःन्‍जोॽजोॽबा मे़न्‍धुम्‍मनाबा मे़बोङ्‌ने़ल्‍लो॥ हे़क्‍क्‍याङ् कुसिक्‍काङ् मे़भे़क्‍ने़ल्‍लो, खे़ल्‍ले़ कुनिसाम्‍मो वागप्‍खाम्‍मो के़युङ्‌बाहाॽरे़ लाम् ओमे़मे़त्तुरो॥”


ख्रिस्‍त ये़सुओबा खिनिॽ नसाःन्‍लाम् के़रे़क् निङ्‌वाॽफुसा के़बोःक्‍खिआङ् के़वयिॽरो॥


कर दाङ्‌बाल्‍ले़ हननियान् मे़त्तु, “खे़ने़ॽ पेगे़ॽ! थेआङ्‌भे़ल्‍ले़ खे़न् मनान् इङ्‌गाॽ आसे़वा चोगुनि फाॽआङ् सेगुङ्‌ङाङ् वाॽआरो॥ खे़ल्‍ले़ग थिम्‍मे़न्‍दङ् सुवाङ्‌हाॽ, हाङ्‌हाॽ, नु इस्राइलिहाॽ आमिङ् इङ्‌भन्‌ चोगुसिॽरो॥


इङ्‌गाॽ लुङ्‌माॽ के़दुक्‍ताङ्‌बा लुङ्‌माॽ तुक्‍मे़न् खुनिॽनुआङ् वाॽर हे़क्‍क्‍याङ् इङ्‌गाॽआङ् खे़ङ्‌हाॽओ वाॽआर फाॽआङ् खे़ने़ॽ के़याःम्‍बेओ कङ्‌हाॽ मे़त्तुङ्‌सिङ्‌ङाङ् वाॽआ हे़क्‍क्‍याङ् आल्‍लसाङ् याम्‍मो मे़त्तुङ्‌सिङ्‌लो॥”


खुने़ॽ थिम्‍मे़न्‍दङ् सुवाङ्‌हाॽरे़ लागि ओःत्ति ओसेःन्‍गे़धाक्‍पा हे़क्‍क्‍याङ् खुने़ॽग के़रे़क् इस्राइलिहाॽरे़ खुनिॽ मिमिदिङ् पोङ्‌लो॥”


यहुदाःल्‍ले़आङ् यरुसले़ःम्‍मो ते़न्‍धङ् चोगुॽ॥ कब्रिङ् पिसाङ्‌बा के़रे़क् मे़न्‍छाम् सुवाङ्‌हाॽरे़ खुन्‍छिॽ याङ्‌साकुन्‍धेहाॽ मे़सुप्‍सुॽ—साम्‍म्‍याङ्, युप्‍पा, चाङ्‌हाॽ आत्तातान्‍ने यरिक् मे़भुक्‍खुॽ॥


आल्‍ल यहवे दाङ्‌बे़न् खे़ङ्‌हाॽरे़ खुन्‍छिॽ किप्‍मा के़घुबा पोङ्‌लो खे़ब्‍याङ् खुने़ॽ लाजेॽओबा के़रे़क् माङ्‌हाॽ इरे़म्‍सुसिरो, के़रे़क् कुया कुयाओबा, सुवाङ्‌हाॽरे़ खुन्‍छिॽ आप्‍फेक् लाजेॽ थक्‍मा खुने़ॽ माङ्‌से़वा मे़मे़त्तुरो॥


खे़प्‍मो के़युङ्‌बाहाॽरे़ नुगे़न् तोःम्‍मा साम्‍लोन् साम्‍मे़मे़त्तुरो हे़क्‍क्‍याङ् खुन्‍छिॽ निङ्‌वाॽ ताआङ् पसःत् मे़सःत्‍लो॥ आङ्‌गाॽ आहाङ्‌वा मुॽइःल्‍ले़ खे़ङ्‌हाॽ यरिक् चोगुङ्‌सिङ्‌लो॥ हे़क्‍क्‍याङ् खे़ङ्‌हाॽ सुःल्‍लिक् मे़म्‍बोङ्‌ने़ल्‍लो॥ आङ्‌गाॽ खे़ङ्‌हाॽ मिङ्‌सो इङ्‌धाङ् पिरुङ्‌सिङ्‌लो खे़ब्‍याङ् खे़ङ्‌हाॽ कुनामे़न्‍छाॽ मे़म्‍बोङ्‌ने़न्‍लो॥


खे़न् ये़म्‍मिन् ताआङ् यरुसले़ःम्‍मिन् ‘यहवे दाङ्‌बे़ल्‍ले़ कुहाङ्‌युक्‍ना’ मे़मे़त्तुॽ हे़क्‍क्‍याङ् खे़प्‍मो के़रे़क् मे़न्‍छाम् सुवाङ्‌हाॽ यहवे दाङ्‌बे़ल्‍ले़ कुमिङ्‌ङिन् मिङ्‌सो इङ्‌धाङ् पिसे़ मे़जुम्॥ खे़ङ्‌हाॽ खुन्‍छिॽ हादिङ्‌धक्‍मा नु सिक्‍लुङ्‌मोबा ताप्‍फे़ःम्‍बा पाःन्‍हाॽओ याम्‍मो आफाल्‍ले़आङ् मे़म्‍बत्‍ने़न्॥


के़मिक्‍के़न् हन्‍दे़ॽआङ् के़रे़क् पिसाङ् ओमे़त्ते़ॽओ, खे़ङ्‌हाॽ के़रे़क् मे़भुङ्‌सिङ्‌ङाङ् खे़ने़ॽओ मे़दारो॥ खे़ने़ॽ के़स्‍सा ये़म्‍बित्‍छाहाॽ माःङ्‌घालाम् मे़दारो, हे़क्‍क्‍याङ् खे़ने़ॽ के़स्‍सा मे़न्‍छुमाहाॽ अङे़ःक्‌वा कुसिङ् हुक्‍को मे़बक्‍खु मे़दारुसिरो॥


आङ्‌गाॽरक् चोगुङ् पाःत्तुङ् के़लॽबा खे़ल्‍ले़ लायो इस्‍सेःङ्‌बा कुनिङ्‌वाःल्‍ले़ चोगुल्‍ले़ आङ्‌गाॽ आयाक् ले़ॽरे़आङ् वयाङ्‌लो॥ आङ्‌गाॽ खे़न् खुम्‍दिङ् पिरुङ्‌लो, हे़क्‍क्‍याङ् आङ्‌गाॽ आनारान् चिक्‍खुङ्‌लो॥ करसाङ् खे़न् पाःन्‍मे़ङ्‌घे़म्‍मनाबा पोःक्‍खे़आङ् आबाङे कुलाम्‍मिन् नाःप्‍मा मे़ले़रुन्‍लो॥


आङ्‌गाॽ थाङ्‌गे़त् ले़प्‍साङ्‌ङिन् मे़त्तुङ्‌लो, ‘खे़ङ्‌हाॽ पेःक्‍मा फाःक्‍ते़से़ॽओ॥’ हे़क्‍क्‍याङ् लाङ्‌गे़त् ले़प्‍माङ्‌ङिन् मे़त्तुङ्‌लो, ‘खे़ङ्‌हाॽ मे़साक्‍ते़से़न्‍ने़ॽओ॥’ आङ्‌गाॽ आस्‍सा ये़म्‍बित्‍छाहाॽ माःङ्‌घालाम् नुःक्‍ते़से़ॽओ खे़ब्‍याङ् आस्‍सा मे़न्‍छुमाहाॽ इक्‍सादिङ् खाम्‍बेःक्‍माल्‍ले़ नासमा कुयाओनु फे़त्ते़से़ॽओ,


खे़ने़ॽ ताङ्‌से़ःप्‍मारे़ लागि के़ले़क्‌वाओ के़रे़क् थिम्‍मे़न्‍दङ् सुवाङ्‌हाॽ पिरुङ्‌सिङ्‌लो थेआङ्‌भे़ल्‍ले़ खे़ने़ॽ आङ्‌गाॽ आलागि साॽरिक् इमे़ल्‍लुङ्‌बा के़जोःक्‍लो॥ हे़क्‍क्‍याङ् आङ्‌गाॽ खे़ने़ॽ इङ्‌धाङ् पिने़रो, खे़ब्‍याङ् लुङ्‌माॽ तुक्‍ने़रो॥


मनान् खुने़ॽ कुम्‍ब्राओबा पाःन्‍निल्‍ले़ कुसाप्‍पोक् तिम्‍लो, खे़ल्‍ले़ कुम्‍ब्रासेॽलाम् सुप्‍सुबा पाःन्‍छेःक्‌वाःल्‍ले़ कुसिक्‍एःत्तुरो॥


तर्सिस लाजेॽ नु माःङ्‌घाबा वरःङ्‌ङिल्‍ले़ मे़न्‍छाम् सुवाङ्‌हाॽरे़ हाङ्‌युक् के़जोःक्‍पा हाङ्‌हाॽरे़ खुने़ॽओ एःङ्‌याङ् मे़दारुरो, सिबा नु सेबा लाजेॽबा हाङ्‌हाॽरे़ खुने़ॽ हुक्‍सोगे़न् चे़सुङ् मे़बिरुरो॥


ओपिरलाम् साम्‍म्‍याङ् थाक्‍मारे़ लागि यहोसापातरे़ के़जाप्‍पा ले़ङ्‌हङ्‌बा वालाधाहाॽ चोगुसि॥ कर एस्‍योन-गेबेरओ खे़न् वालाधाहाॽ यर्गे़क् वर्गे़क् मे़यरे़बाल्‍ले़ चोगुल्‍ले़ खे़ङ्‌हाॽ वरःङ्‌ङोए पेःक्‍मा मे़न्‍छुक्‍ते़न्॥


हे़रामरे़ कुवालाधाहाॽनु सोसोरिक् वरःङ्‌ङो सोलोमनरे़ हाङ्‌ङिल्‍ले़ ले़ङ्‌हङ् चोःक्‍मा कुलुप् थिक् वालाधाहाॽ कत्तुसि॥ तङ्‌बे सुम्‍सि थक्‍मा कन् वालाधाहाॽरे़ साम्‍म्‍याङ्, युप्‍पा, तक्‍मिबा केःङ्, कुमि के़होप्‍पा खॽबुहाॽ नु सबाहाॽ मे़दारुसिआङ् मे़द्‌ये़॥


आल्‍ल सेबाबा हाङ्‌मे़ल्‍ले़ यहवे दाङ्‌बे़ल्‍ले़ कुमिङ्‌ङिल्‍ले़ कुयाःम्‍बेओ सोलोमनरे़ कुमिङ्‌सो कुधाङ्‌सोन् खे़प्‍सु, हे़क्‍क्‍याङ् के़साक्‍पा के़साक्‍पा पाःन्‍सेःन्‍दोहाॽ थाक्‍तुआङ् सोलोमनरे़ कुनिङ्‌वाॽ साॽमारे़ लागि खुने़ॽ थाङे़॥


“खे़ने़ॽ के़मना इस्राइलिहाॽनुःल्‍ले़ लाःत्‍कात्‍पा कुभा वेॽ लाजेॽबा मनाःल्‍ले़


खे़ङ्‌हाॽरे़ खुने़ॽ मे़मे़त्तु, “खे़ने़ॽ के़योःग्‍बाहाॽ यरिक् माःङ्‌घाबा लाजेॽलाम् यहवे दाङ्‌बा खे़ने़ॽ के़निङ्‌वाॽफुमाङ्‌ङिल्‍ले़ कुमिङ्‌ङिन् खे़प्‍सुम्‍बे़आङ् आनिगे त्‍ये़ॽइगे़बारो, थेआङ्‌भे़ल्‍ले़ खुने़ॽ के़इङ्‌बा कुमिङ्‌ङिन् नु मिस्र लाजेॽओ चोगुबा याःम्‍बक्‍हाॽ आनिगे खे़प्‍सुम्‍बे़आङ् वयिगे़,


खुने़ॽ पाःत्तु, “आङ्‌गाॽ खे़ने़ॽ के़बेसाङ्‌ङे आङ्‌गाॽ आगे़रे़क् नुबा पाःन्‍हाॽ ओःन्‍धाक्‍ने़, हे़क्‍क्‍याङ् खे़ने़ॽ के़बेसाङ्‌ङे ‘यहवे दाङ्‌बा’ मिङ्‌ङिन् उवा चोगुङ्‌ॽ॥ आत्तिन् आङ्‌गाॽ लुङ्‌माॽ तुक्‍मा निङ्‌वाॽ चोगुङ्‌ॽ आङ्‌गाॽ खे़न् लुङ्‌माॽ तुक्‍तुङ्‌ॽ॥ आत्तिन् आङ्‌गाॽ नुरिक् मे़प्‍मा निङ्‌वाॽ चोगुङ्‌ॽ, आङ्‌गाॽ खे़न् नुरिक् मे़त्तुङ्‌ॽ॥”


निङ्‌वाॽफुमाङ्‌ङिल्‍ले़ ये़पेत्ते़न् पोःन्‍थे़ॽर याःन्‍दुररो, खे़न् सेमे़ल्‍ले़ कुसाःङ्‌गा हिम्‍मो याङ्‌धोःक्‍लरो, हे़क्‍क्‍याङ् कनाने़ङ्‌ग ये़पेत्ते़ल्‍ले़ कुयोःग्‍बा पोङ्‌लरो॥”


नाम्‍गे़त् पिसाङ्‌लाम् खइक् खइक् के़इक्‍सिङ्‌बा सुरित् केजङ्‌ङिल्‍ले़ यम्बयम्‍बा वालाधाहाॽ पक्‍खुसि ले़क्‍खुसिबा कुइसिक् खुने़ॽ खे़ङ्‌हाॽ मे़क्‍खुसिरो॥


खे़ल्‍ले़चोगुल्‍ले़ तइनाङ्‌गे़न् पिसाङ्‌बाहाॽरे़ यहवे दाङ्‌बान् मिमिदिङ्‌ङिन् पिरे़म्‍मे़ॽओ॥ वरःङ्‌ङो के़ने़बा वागप्‍खाम्‍हाॽओ के़युङ्‌बाहाॽरे़ इस्राइलबा निङ्‌वाॽफुमाङ् यहवे दाङ्‌बे़ल्‍ले़ कुमिङ्‌ङिन् थाःङ्‌धाःङ् फोःक्‍खाम्‍मे़ॽओ॥


यहवे दाङ्‌बा निङ्‌वाॽफुमाङ्‌ङिल्‍ले़ अक्‍खे पाःत्तुॽ— “ओमे़त्ते़ॽओ, आङ्‌गाॽ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ हुक्‍चाःल्‍किःल्‍ले़ उःत्तुङ्‌सिङ्‌लो, हे़क्‍क्‍याङ् आङ्‌गाॽ आनिसान् इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ खुन्‍छिॽ तगि लेःत्तुङ्‌लो॥ खे़ङ्‌हाॽरे़ खे़ने़ॽ के़स्‍सा ये़म्‍बित्‍छाहाॽ खुन्‍छिॽ हुक्‍को मे़बक्‍खुसिआङ् मे़दारुसि के़म्‍बिरो, खे़ब्‍याङ् के़स्‍सा मे़न्‍छुमाहाॽग खे़ङ्‌हाॽरे़ खुन्‍छिॽ फक्‍ताङ्‌ङो मे़बक्‍खुसिआङ् मे़दारुसिरो॥


उमे लुप्‍हाॽरे़, मिध्‍यान नु एप्‍पा लाजेॽबा कक् के़गुबा उमेहाॽरे़ खे़ने़ॽ के़लाजेन् मे़धिम्‍सुरो॥ सेबा लाजेॽबा के़रे़क् मनाहाॽरे़ यहवे दाङ्‌बे़ल्‍ले़ कुनारा मे़भोसुर साम्‍म्‍याङ् नु साङ्‌सिङ् सुक्‍पा मे़भे़त्तुआङ् मे़भे़न्‍लो॥


“कम्‍भलॽरिक्, आङ्‌गाॽ इस्राइलबा आमनाहाॽरे़ खुन्‍छिॽ लुम्‍मो आङ्‌गाॽ आसेसेबा आमिङ्‌ङिन् कुसिङ् मे़निःत्तुर चोगुङ्‌ॽ॥ आङ्‌गाॽ हाःत्ताङ् कप्‍मो सिरिङ्‌ममा पान् ताःप्‍मा मे़भाःक्‍तुङ्‌ङिन्‌ॽ॥ हे़क्‍क्‍याङ् आङ्‌गाॽए इस्राइलबा सेसेबा, यहवे दाङ्‌बाआ फाॽआङ् मे़न्‍छाम् सुवाङ्‌हाॽरे़आङ् निङ्‌वाॽ मे़घोसुॽ॥


‘सियोनरे़ कुस्‍सा मे़न्‍छुमाए, पोगे़ॽआङ् चाधाप्‍से़ॽओ, थेआङ्‌भे़ल्‍ले़ आङ्‌गाॽ खे़ने़ॽ फे़न्‍जेॽ ताङ्‌हाॽ पिने़रो, आङ्‌गाॽ खे़ने़ॽ कासा लाङ्‌तोॽभेत् पिने़रो, हे़क्‍क्‍याङ् चाधाम्‍मनाबा हे़क्‍के मे़न्‍छाम् सुवाङ्‌हाॽ के़धाप्‍सुसिरो॥ खे़ङ्‌हाॽरे़ फे़न्‌याःम्‍बक् मे़जोगुआङ् मे़सुप्‍सुबा पोगुगे़न् कुजाहाॽ हे़क्‍क्‍याङ् खे़ङ्‌हाॽरे़ खुन्‍छिॽ याङ्‌साकुन्‍धेहाॽ काक् इक्‍सादिङ् खाम्‍बेःक्‍कोबा यहवे दाङ्‌बाओ के़दोःन्‍दुरो॥’”


खे़न् ये़न्‍नो अस्‍सुरलाम् नु मिस्रबा ये़क्‌यक्‍हाॽलाम्, हे़क्‍क्‍याङ् मिस्रआङ् कत्‍ना युफ्रेतिस वहःङ् थारिक्‍पा वरःङ्‌ङाङ् कत्‍ना नु वरःङ् थारिक्‍पा हे़क्‍क्‍याङ् कोःक्‍मा फाङ्‌जङ्‌लाम् थे़गु माङ्‌वा थारिक्‍पा मनाहाॽ खिनिॽओ मे़नुःङ् मे़दारो॥


यहवे दाङ्‌बे़ल्‍ले़ हाङ्‌युक् चोगुरो, इक्‍सादिङ् खाम्‍बेःक्‍मान् सःत्‍लरो, वरःङ्‌ङोबा वागप्‍खाम्‍हाॽ ये़ये़ मे़लॽररो॥


आङ्‌गाॽ तोःन्‍दोम्‍बा याःम्‍बक् चोःक्‍मा यारिप् वाॽआरो, आङ्‌गाॽ आसे़न्‍लप्‍पिन् मे़सुने़ल्‍लो॥ आङ्‌गाॽ यरुसले़म ये़क्‌यक्‍पा मनाहाॽ से़ःप्‍तुङ्‌सिङ्‌लो, हे़क्‍क्‍याङ् इस्राइले़न् मिङ्‌सो इङ्‌धाङ् पिरुङ्‌लो॥”


यहवे दाङ्‌बे़ल्‍ले़ पाःत्तुरो, “आङ्‌गाॽ खिनिॽ आभे़ल्‍ले़आङ् मे़न्‍हेमनाबा वहःङ् कुइसिक् नुॽमादामा पिनिङ्‌लो॥ थिम्‍मे़न्‍दङ् सुवाङ्‌हाॽरे़ खुन्‍छिॽ याङ्‌साकुन्‍धेहाॽ के़गुङ्‌बा के़युबा वहःङ् कुइसिक् खे़निॽओ सःक्‍तारो॥ खिनिॽग कुम्‍मारे़ कुस्‍सान् लुङ्‌माॽ तुक्‍तुबा हे़क्‍क्‍याङ् कुभक्‍ताङ्‌ङो युक्‍खुआङ् यम्‍बा चोगुबा अङे़ःक्‌वा हे़क्‍तङ्‌बा के़बोक्‍खिरो॥


Swiv nou:

Piblisite


Piblisite