यसैया 60:6 - लिम्बु6 उमे लुप्हाॽरे़, मिध्यान नु एप्पा लाजेॽबा कक् के़गुबा उमेहाॽरे़ खे़ने़ॽ के़लाजेन् मे़धिम्सुरो॥ सेबा लाजेॽबा के़रे़क् मनाहाॽरे़ यहवे दाङ्बे़ल्ले़ कुनारा मे़भोसुर साम्म्याङ् नु साङ्सिङ् सुक्पा मे़भे़त्तुआङ् मे़भे़न्लो॥ Gade chapit la |
यसैया 60:6
30 Referans Kwoze
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
हे़क्क्याङ् निङ्वाॽफुमाङ्ङिल्ले़ थिम्मे़न्दङ् सुवाङ्हाॽ लुङ्माॽ तुक्तुसिबाल्ले़ चोगुल्ले़ खे़ङ्हाॽरे़ खुने़ॽ कुमिमिदिङ् मे़जोगुर फाॽआङ् खुने़ॽ त्ये़बारो॥ अक्खेलॽरिक् निङ्वाॽफु साम्लोसुम् के़साप्पाल्ले़ साप्तुआङ् पत्, “खे़ल्ले़चोगुल्ले़ थिम्मे़न्दङ् सुवाङ्हाॽरे़ खुनिॽ लुम्मो इङ्गाॽ ने़म्भोगे़न् के़नारा फोसुङ्लो, हे़क्क्याङ् के़मिङ्सो इङ्धाङ् के़जोःक्पा से़वासाम्लोन् साम्मे़त्तुङ्लो॥”
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
यहवे दाङ्बे़ल्ले़ अक्खे पाःत्तुरो— “मिस्र लाजेॽओ के़बोःक्पा कुजान् नु कुस लाजेॽबा याङ्साकुन्धेन् खे़ने़ॽ के़याङ्साकुन्धे पोङ्लो॥ हे़क्क्याङ् सेबाबा कुलिङ्गे़न् केःम्ब केःम्बा मनाहाॽ खे़ने़ॽ के़योःग्बा मे़बोङ्लो॥ फे़न्जेॽ थक्क्रङ्ङिल्ले़ इमे़घेःक्खुसिआङ् खे़ङ्हाॽ के़एगाङ् मे़भे़न्लो, खे़ङ्हाॽरे़ खे़ने़ॽ से़वा के़म्मे़त् हे़क्क्याङ् अक्खे पाःप्मा मे़दे़ल्लो॥ ‘निङ्वाॽफुमाङ्ङिन् खे़ने़ॽनु वाॽरो, खुने़ॽरक् निङ्वाॽफुमाङ्लो॥’”
यहवे दाङ्बे़ल्ले़ कुलागि कुसङ् साम्लोधिक् साम्मे़त्ताम्मे़ॽओ, इक्सादिङ् खाम्बेःक्माल्ले़ नासमा कुयाओनु खुने़ॽ कुनारा फोसे़म्मे़ॽओ, तुङ्गोदिङ् वरःङ्ङो लाम्दिक् के़जोःक्पासे, हे़क्क्याङ् खे़ॽयो के़याक्पा के़रे़क् परिक्पा पाधुङ् ले़ःक्ङासे, वागप्खाम्हाॽ नु खे़ॽयो के़युङ्बासे साम्लोरे़म्मे़ॽओ!
नेगेब लाजेॽबा थक्साहाॽरे़ याःम्बेओ माङ्निङ्वाॽपान्— केबाल्ले़ कुघा के़ने़बा, असेःक् नु कुनिङ् के़याक्पा के़बे़बा असेःक् के़लःम्बा, तुक्मा नु सिमा के़वाॽबा लाजेॽलाम् पोङ्मार हाङ्लाइङ्बाहाॽ लाङ्घेःक्मा के़बोङ्बा वाॽरो॥ याप्मि फाॽमा मे़न्छुक्मनाबा सुवाङ्हाॽ खुॽमासिरे़ लागि आबाङे खुन्छिॽ अदङ् नु उमेहाॽ इमे़ल्लुङ्बा सुङ्हाॽ मे़गुःत्तु मे़देॽरुसिरो॥
सेबाबा हाङ्मे़ल्ले़ सोलोमनरे़ कुमिङ्सो कुधाङ्सोन् खे़प्सु, हे़क्क्याङ् के़साक्पा के़साक्पा पाःन्सेःन्दोहाॽ थाक्तुआङ् सोलोमने़न् कुनिङ्वाॽ साॽमारे़ लागि सेबाबा हाङ्मे़न् यरुसले़ःम्मो थाङे़॥ खुने़ॽ साॽरिक् यरिक् कुदिःक् कुदिःक् मनाहाॽनु सोसोरिक् मारुक्, वे़त्ते़सरे़ साम्म्याङ् नु कुमे़ल्लुङ् के़घिःक्पा मुधिङ्लुङ्हाॽ उमेहाॽ कक् कुःत्तुसिआङ् थाङे़॥ खुने़ॽ सोलोमनरे़ओ थाङे़आङ् खुने़ॽ कुनिङ्वाॽओ के़वाॽबा के़रे़क् पाःन्हाॽ सोलोमने़न् चे़क्तु॥
हजाएलरे़ हुक्वा कुइसिक् दमस्कसबा के़रे़क् परिक्पा नुबा नुबा पाःन्हाॽ लिबोङ् उमेहाॽ कुःत्तुसिआङ् खुने़ॽ एलिसाओ पे॥ खुने़ॽ सिगाङ् लासे़आङ् माङ्निङ्वाॽपान् के़बाःप्पे़ल्ले़ कुदगि ये़म्सिङ्ङाङ् मे़त्तु, “आदाङ्बारे़ के़स्सा अरामबा हाङ् बेन-हददरे़ कन् पाःन्निन् सेःन्दोमारे़ लागि आङ्गाॽ आदाङ्बारे़ॽओ पाङ्घाङ्ङाङ् वाॽ, ‘थे कन् तुक्मोलाम् आङ्गाॽ वेःत्ताबि?’”
कुत्चाॽए वागप्खाम्मो के़युङ्बाहाॽरे़ खुने़ॽ ओमे़मे़त्तुरो, तगि ले़ङ्हङ् के़जोःक्पा यम्बा वालाधाहाॽ मे़ये़प्लो॥ यहवे दाङ्बा खे़ने़ॽ के़निङ्वाॽफुमाङ्ङिल्ले़ लागि, इग्र इस्राइलबा सेसे निङ्वाॽफुमाङ्ङिल्ले़ कुमिङ्सो इङ्धाङ्ले़ लागि खे़ङ्हाॽरे़ खे़ने़ॽ के़स्सा ये़म्बित्छा मे़न्छुमाहाॽ खुन्छिॽ साम्म्याङ् युप्पानु सोरिक् माःङ्घा माःङ्घालाम् मे़दारुसिरो॥ थेआङ्भे़ल्ले़ खुने़ॽ कुहाङ्वा कुमाङ्वारे़ के़गाप्ते़आङ् वाॽरो॥
Piblisite