यसैया 60:2 - लिम्बु2 इक्सादिङ् खाम्बेःक्मान् नु वेॽसमा मे़न्छाम् सुवाङ्हाॽ खामाक्मे़ल्ले़ सुःप्तुसिरो, कर खिनिॽ सम्दाङ् यहवे दाङ्बे़ल्ले़ कुओःत्तिन् ओःत्लो, खुने़ॽ कुहाङ्वा कुमाङ्वान् खे़ने़ॽनु वाॽरो॥ Gade chapit la |
यसैया 60:2
35 Referans Kwoze
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
थेआङ्भे़ल्ले़ खिनिॽ ये़क्यक्को लाङ्घेगाङ्ल पत्छाङ्ङिल्ले़ खिनिॽ से़वा के़जोगिबा ते़न्हाॽ ओमे़त्तुङ्ङिल्ले़ कुसिङ् मे़न्निःत्तेबा माङ्ङिल्ले़न् लॽरिक् साप्ते़बा साङ्बेधिक् निसुङ्लो॥ खे़ल्ले़चोगुल्ले़, आल्लो खिनिॽ कुसिङ् मे़न्निःत्ते से़वा के़जोगुम्बा माङ्ङिल्ले़ कुयाःम्बेओ आइन् इङ्गाॽ इङ्भन् चोगुङ्लो॥
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
खे़ब्याङ् करुबहाॽरे़ खुन्छिॽ सम्धाङ्लाम् यहवे दाङ्बे़ल्ले़ कुमिमिदिङ्ङिन् थाःङ् पोगे़आङ् माङ्हिम्मोबा लाम्धेःप्पो पे॥ कन् मिमिदिङ्बा खाॽमिःत्ते़ल्ले़ माङ्हिम्मिन् सधे़क् तिम्से़आङ् ने़स्से़, हे़क्क्याङ् यहवे दाङ्बे़ल्ले़ कुमिमिदिङ्ङिल्ले़ लक्खुम्मिन् तिल्ले़क् तिल्ले़क् ले़क्ते़आङ् से़दिङ्दिङ् ओःत्ते़॥
खुने़ॽ खामाक्मान् ताःप्मानुःल्ले़ तगिए, युःन्छिक्पा खाधाम्मो थे़गु माङ्वाहाॽओ खिनिॽ लाङ्हाॽ तोःक्मानुःल्ले़ तगिए यहवे दाङ्बा खिनिॽ निङ्वाॽफुमाङ्ङिन् मिङ्सो इङ्धाङ् पिरे़म्मे़ॽओ॥ खिनिॽग से़न्दाङ्गे़न् ओःत्तिःन् ओमे़प्मा निङ्वाॽ के़जोगुम्लो कर खुने़ॽ खे़न् खामाक्मो ले़क्खुआङ् माक्सिःङ्ग्याःप्पा चोगुरो॥
Piblisite